Esra 4:3 - Katɔti Ɔku Kedee

³ Amu na Serubabel ku Yesua ku Israel lɛtɔ benengu bammɔ bédie kenye banini, “Biiibo kuƒi ka bibebunku-bu na ɔtɔ ɔni bɔɔtu bute bula Katɔti kemmo. Abu kani bɔdu bɔkana na bɔtu ɔtɔ ɔmmɔ bute Unwoti ɔni ndi Israelƒuɔ Katɔti aani kalɛ na Persiaƒuɔ Ɔga Kores úbo-bu ɔda.”

Esra 4:3 ပူးပေါင်းရင်းမြစ်များ

Ala Alɛdi 2 36:22

Ɔmɛni kama na Persia kalɔ Ɔga Kores lɛga bɔdi lɛkwa lideedi kemmo ni, Unwoti úti ɔ́sia-nwu kayi ka ute bɔti bɔdi na nwuna kalɛkɛ lɛlɔ ƒui kalɛ na Yeremia kenye kani na ɔ́su kebo-nwu kemmo na ɔ́ya na bénweni lɛla lɛmɛni bése.

Esra 1:1

Na Persia kalɔ Ɔga Kores lɛga bɔdi lɛkwa lideedi kemmo ni, Unwoti úti ɔ́sia-nwu kayi ka ute bɔti bɔdi na nwuna kalɛkɛ lɛlɔ ƒui kalɛ na Yeremia kenye kani na ɔ́su kebo-nwu kemmo na ɔ́ya na bénweni lɛla lɛmmɔ bése.

Esra 1:2

Na ɔda ɔni na úbo ndi ɔmɛni. Lɛni na ami Ɔga Kores mɔɔsu. Unwoti Katɔti Ɔyikune úti kayawi lɛga kɔdikɔ ƒui ɔ́kya-mi kalɔ na ɔ́ƒuna-mi ka lɛtu kakpakɔ lite-nwu na Yerusalem na Yuda kalɔ lɛlɔ.

Esra 1:3

Nwuna kadi bekyuli akɔ ɔdi biala na ɔkya-mii akɔ ni, nwuna Katɔti ɔsiaku-nwu na unwini usie Yerusalem na utátu Unwoti ɔni ndi Israel Katɔti ɔni nli Yerusalem kakpakɔ kammɔ.

Esra 3:8

Na kɔbuli kunyɔdi na lɛkwa linyɔdi kemmo ni, uwi ɔni na béduo Unwoti kaduli na Yerusalem kama ni, Sealtiel ubidi Serubabel ku Yosadak ubidi Yesua ku bana banwani bakladi ku bakpane ku Lewiƒuɔ ku bani kekpo kéƒie-ma na bénwini bébo Yerusalem bése kalɔ ku kabla. Na Lewiƒuɔ bani ƒui nákɛ akwa aavlanyɔ ku kama béti-ma bábla kabla kammɔ lɛlɔ banune.

Nehemia 2:20

Amu na lídie kenye na lɛ́su-ma nnini, “Unwoti ɔni nkya katɔ ndubɔya na bɔkana bɔbla. Anwuɔsu abu nwuna kabla bablane bɔdubo awodu ammɔ kalɔ buse butaatu. Nsu bɛɛɛdubo kadikɔ kadi bɔkɛ na mɛni iye Yerusalem, na bɛɛɛdubo bukpo bɔƒɔ lɛla lɛdi lɛnɔ. Na bina lɛnyi lɛnɔ lɛɛɛdubo kakunkɛ kemmo buduo kudii.”

Yesaia 44:28

Ami násu nnii, ‘Kores ndubɔtɔnku mina bekyuli aani baƒonu ɔdane kalɛ na babla lɛla lɛni mɔɔyɔ́-mi kaƒɔ. Na badubɔsɔku Yerusalem ku kakpakɔ kammɔ batu.’ ”

Yesaia 45:4

Kores, ina ka aaagyi-mi ni, lɛ́kpali-ɔ ku lɛnyi lɛni na lɛ́sia-a na líti ɔbu líte-ɔ geen na mina kadi bekyuli Israelƒuɔ bani na lɛ́ƒuna na badi mina kabla bablane ɔsu.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Yohane 4:9

Uleku ɔmɛni úye-nwu ɔnini, “Bi ɔsu na awɔ Yudani eevele ami Samariani ntu?” Ɔ́su ɔmɛni ɔsika Yudaƒuɔ balákya Samariaƒuɔ lɛlɔ.

Batalane Kabla 8:21

Alakana kalabla kamɛni kemmo bɔkya, ɔsika ƒula kayi keeese siin na Katɔti anumi.