Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Esra 2:2 - Katɔti Ɔku Kedee

2 Na bana batɔnkune ndi Serubabel ku Yesua ku Nehemia ku Seraia ku Reelaia ku Mordekai ku Bilsan ku Mispar ku Bigwai ku Rehum ku Baana. Na Israelƒuɔ lɛtɔ ku bana bumomo bani nénwini bébo anyi ndubo mɛni.

အခန်းကိုကြည့်ပါ။ ကော်ပီ




Esra 2:2
24 ပူးပေါင်းရင်းမြစ်များ  

Na ala ammɔ bumomo ƒui adi ala 5,400. Na ala amɛni na Sesbasar úti ɔ́da uwi ɔni na anwu ku bekyuli bani kekpo kéƒie-ma bási Babilon bésie Yerusalem.


Na Persiaƒuɔ Ɔga Kores úti kabla kammɔ ƒui ɔ́kya Sesbasar ɔni ndi bana egulabi lɛlɔ ɔnune enu kemmo, na únweni ala ani ƒui béte-ma ɔ́kya ɔku kemmo.


Na bamɛni ndi bekyuli bani na Ɔga Nebukadnesar úƒie na kekpo kenye, úsienku Babilon, nsu básɔ bénwini bébo Yerusalem ku Yuda kalɛkɛ. Na ɔdi biala únwini úsie nwuna ɔma.


Amu na Yosadak ubidi Yesua ku nwuna bakpane ku Sealtiel ku nwuna bekyuli badi bése kalɔ baatú Israelƒuɔ Katɔti lɛkpabi lɛni lɛlɔ badubo akpala butaakyula aani kalɛ na bénweni bákya Mose ɔni ndi Katɔti ukyuli ɔda bubo ɔku kemmo.


Amu na Serubabel ku Yesua ku Israel lɛtɔ benengu bammɔ bédie kenye banini, “Biiibo kuƒi ka bibebunku-bu na ɔtɔ ɔni bɔɔtu bute bula Katɔti kemmo. Abu kani bɔdu bɔkana na bɔtu ɔtɔ ɔmmɔ bute Unwoti ɔni ndi Israelƒuɔ Katɔti aani kalɛ na Persiaƒuɔ Ɔga Kores úbo-bu ɔda.”


Na Rehum ɔni ndi bekpone ɔtɔnkune ku Simsai ɔni ndi unwenine bénweni ɔku bémene Artasasta na báda Yerusalem kenye banini,


Amu na Sealtiel ubidi Serubabel ku Yosadak ubidi Yesua bénu bana etemila ani baasu mmɔ, na básɔ bése kalɔ báatu Unwoti kakpakɔ na Yerusalem. Na kenye bediene inyɔ bammɔ béte-ma kebunku.


Bekyuli bani anyi ndubo mɛni ndi lɛtɔ benengu bani anyi na bénweni bébunku bani ƒui násiaku Esra bási Babilon bénwini bébo Yerusalem na Ɔga Artasasta lɛga bɔdi uwi.


Anwuɔsu ɔ́si Serubabel ku Nehemia uwi ni, Israelƒuɔ ƒui beete etela ani na beeti taanu kakpakɔ lɛnu batune ku bagyumanane lɛlɔ limeyi biala. Na beeti akpala adi teesienku Lewiƒuɔ bakladi lɛnɔ. Na Lewiƒuɔ lɛnɔ beedie Aaron kaba kemmo bebi kadikɔ teete-ma kalɛ na ɔ́manku.


Na bani na Serubabel ɔ́tɔnku na bénwini bébo ndi Yesau ku Nehemia ku Asaria ku Raamia ku Nahamani ku Mordekai ku Bilsan ku Misperet ku Bigwai ku Nehum ku Baana. Na anyi amɛni ndi banana bani nási Israel na básɔ bénwini bébo. Bana bumomo na kaba kenye ndi amɛni.


Unwoti ɔ́su Kenye Udiene Hagai kenye kadi ka utásu aban ɔgadine unengu na Yuda ku ɔkpane unengudi ɔmmɔ uwi ɔni na Ɔga Unengudi Dario ɔɔdi lɛga na Persia kalɔ lɛlɔ na lɛkwa linyɔdi kɔbuli kɔkundi kuna limeyi lideedi lɛlɔ. Amu na Hagai úsie Sealtiel ubidi ɔnanabi ɔni baalɔ Serubabel ɔni ndi aban ɔgadine unengu ku Yehosadak ubidi ɔnanabi ɔni baalɔ Yosua ɔni ndi ɔkpane unengudi ku kenye kammɔ.


Ɔmmɔ kama ni, Serubabel ku Yosua ku bani ƒui nénwini bási Babilon kalɔ kesii kani na béƒie-ma bésienku bébo ni, bése kalɔ beenú Unwoti litemi na baadi-ni lɛlɔ aani kalɛ na Kenye Udiene Hagai ɔ́su-ma, na baabu Unwoti kalɛ na ɔ́manku.


Anwuɔsu Unwoti Ɔyikune Ƒui ɔ́ya na ogya úduo ukyuli biala na bénye kpakplaa na bábla kabla na nwuna kakpakɔ kammɔ lɛlɔ. Na Serubabel ku Yosua nényeku-ma geen.


“Su aban ɔgadine unengudi Serubabel ku ɔkpane unegudi Yosua anini, ‘Ndubo katɔ ku kalɔ kammɔ bɔkunku.


Nsu amii ni, bɛkya ɔkplu na binye kabla kammɔ lɛlɔ! Ɔsika ami, Unwoti Ɔyikune Ƒui, ndubɔkya-mii akɔ mɛni, na libunku-mii na kabla kammɔ kemmo


Bédie lɛla bamba bátina-mi. Na uwi ɔmɛni kemmo ni, lɛ́nu ka ɔkpane unengudi Yosua unye Katɔti ɔtu ɔmmɔ anumi, na Satan lɛnɔ unye kagyumana na Yosua kɔdianu kakɛ ka ɔdu-nwu kɔtɔ.


Na ka Yosua unye Katɔti ɔtu anumi ni, nwuna adala ánwu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ