Esra 2:1 - Katɔti Ɔku Kedee

¹ Na bamɛni ndi bekyuli bani na Ɔga Nebukadnesar úƒie na kekpo kenye, úsienku Babilon, nsu básɔ bénwini bébo Yerusalem ku Yuda kalɛkɛ. Na ɔdi biala únwini úsie nwuna ɔma.

Esra 2:1 ပူးပေါင်းရင်းမြစ်များ

Baga 2 25:11

Ɔmmɔ kama bekpone unengu ɔmɛni úti bekyuli bani nébu na ɔma ɔmmɔ kemmo ku bani nkya akpakɔlɔ lɛma ku bani na bátuna ka babla Babilonƒuɔ Ɔga kabla ɔ́tɔlɔku úsienku Babilon.

Ala Alɛdi 1 9:1

Bénweni Israelƒuɔ atɔƒi ammɔ ƒui anyi bákya bana kaba anyi ɔku kemmo na akya Israelƒuɔ baga ɔku kemmo. Na béƒie Yudaƒuɔ bésienku Babilon kalɔ lɛlɔ ka bálɛ Unwoti kama ɔsu.

Ala Alɛdi 1 9:2

Na bekyuli bedeedi bani nénwini bébo ama alati lɛma na bététi bana kɔlɔ badi Israelƒuɔ ku bakpane ku Lewiƒuɔ ku kakpakɔ kabla bablane badi.

Esra 1:11

Na ala ammɔ bumomo ƒui adi ala 5,400. Na ala amɛni na Sesbasar úti ɔ́da uwi ɔni na anwu ku bekyuli bani kekpo kéƒie-ma bási Babilon bésie Yerusalem.

Esra 2:2

Na bana batɔnkune ndi Serubabel ku Yesua ku Nehemia ku Seraia ku Reelaia ku Mordekai ku Bilsan ku Mispar ku Bigwai ku Rehum ku Baana. Na Israelƒuɔ lɛtɔ ku bana bumomo bani nénwini bébo anyi ndubo mɛni.

Esra 2:70

Na bakpane ku Lewiƒuɔ ku lɛnu batune ku kɔyakun bagyumanane ku kakpakɔ kabla bablane bétélie bana lɛma kemmo. Na bekyuli badi bene lɛnɔ bétélieku-ma. Na Israelƒuɔ bakladi ni, ama lɛnɔ bétélie bana lɛma kemmo.

Esra 5:8

“Bula ɔbune, bɔɔyɔ́ ka bute-ɔ bɔti ka bútésie bɔ́vi Yuda kalɛkɛ, na bɔ́nu ka básɔku Unwoti Ɔyikune kakpakɔ baatú. Na bákɔliku atabi ebendi ku kugyiikɛ básia awodu lɛlɔ. Na si ánu adubɔti ka baabla kabla kammɔ kaduɛ na keesíe anumi.

Esra 6:2

Nsu ɔma kagyumanakɔ kpakplaa kani nkya ɔma unengudi ɔni baalɔ banii Ahmeta na Media kalɛkɛ na bátánu kakunkɛ kammɔ. Na bénweni bákya banini,

Esra 8:35

Na bekyuli bani ƒui na kekpo kéƒie na ami ku-ma búnwini búbo mmɔ ni, bábla bɔkyula akpala béte Israel Katɔti. Na bada ɔmantɛ bakɔ leevu-inyɔ ku baƒonu bagyani liti ku aavlene-ɛku ku baƒonu bagyani bakɔdi liti ku aavlanyɔ-maatɛ. Na béti betukpa leevu-inyɔ bábla likpidi butitakyiɛ buvele akpala. Na ala amɛni ƒui na básala bábla bɔkyula akpala ammɔ béte Katɔti.

Nehemia 12:1

Na bakpane ku Lewiƒuɔ bani nénwini bébo ku Sealtiel ubidi Serubabel ku ɔkpane unengudi Yesua ama ndi bamɛni. Seraia ku Yeremia ku Esra

Ester 1:1

Na Persia Ɔga Ahasweros lɛga bɔdi uwi ni, ɔ́di kɔlɛkɛ eti anyɔ ku aavlanyɔ-maatɛ lɛlɔ ɔ́si India útédu Etiopia.

Ester 1:11

batálɔ ulekudi Beleku Ɔga Wasti beboku-nwu. Na ɔga ɔmmɔ ɔ́yɔ ka nka ulekudi uti nwuna beleku kagabwa ubi na ɔlɛ ubo, na nwuna bekyuli bani na ɔ́lɔ mmɔ banu kalɛ na ɔɔdia bɔnu.

Ester 1:3

Na nwuna lɛga bɔdi lɛkwa lɛtɛdi kemmo ni, Ɔga Ahasweros ɔ́lɔ nwuna benengu pii badi ku lɛku batine úboku limeyi bɔdi adila kadikɔ bonwu kadi. Na ɔ́lɔ aban bagadine ku bana benengu bani nási kɔlɛkɛ kɔmmɔ kemmo lɛnɔ úboku. Na ɔ́lɔ Persia ku Midian bekpone benengu lɛnɔ ɔnii bebo.

Ester 1:8

Na ɔ́su-ma ɔnini, “Amii bitaani-mu kalɛ na bɛdubɔkana.” Na ɔ́su nwuna kabla bablane lɛnɔ ɔnini, “Biteeyile-ma lɛɛƒɛɛ ku atu.”

Ester 8:9

Kɔnakunwi ni, Mordekai ɔ́lɔ kalɔ kammɔ lɛku benwenine benengu úboku na bénweni lɛku lɛmmɔ na kɔbuli kɔtɛdi kɔni na baalɔ Sivan limeyi aavlanyɔ lɛtɛdi lɛlɔ. Lɛku benwenine bammɔ bádi Mordekai litemi lɛlɔ na bénweni lɛku lɛmmɔ béte Yudaƒuɔ ku lɛlɔ badine ku aban bagadine benengu bammɔ ƒui na kɔlɛkɛ eti anyɔ ku aavlanyɔ maatɛ kɔmmɔ ƒui lɛlɔ ɔ́si India útédu Etiopia. Na ɔ́ya na bénweni lɛku lɛmmɔ na kɔlɛkɛ kɔmmɔ ƒui adi butemi ku bunweni kemmo.

Yesaia 48:20

Anwuɔsu ɔƒaani ni, bɛtɔlɔ Babel! Na si bɛ́yu ulu bísela ni, na biteedie lɛnu taatɔ ku ebiti. Na lɛlɔ lɛyɔ-mii na biteebo kudu na ukyuli biala unu-mii kɔku bɛnini, “Unwoti údie nwuna kabla ɔblane Yakob.”

Yeremia 50:19

Nsu ndubɔsɔku Israel liboku nwuna kalɔ lɛlɔ. Na badubuse aani baƒonu bani ndubunye badi bemo na Karmel Kɔbi lɛlɔ na Basan kalɛkɛ kani nkya Eƒraim ku Gilead abi lɛlɔ kalɔ kemmo.

Kɔnyana Buwulo 1:3

Kekpo kéƒie Yuda kátɔlɔku késinku kalɔ bamba, na únwini bekyuli bamba kabla ɔblane ku lɛbibo. Kadi bamba bekyuli akɔ na ɔkya na útakɛ kanwunakɔ kadi. Na bekyuli bani nsia beekpóku-nwu báavi báda-nwu na kesii kani na úmii ɔkya.

Kɔnyana Buwulo 1:5

Nwuna bekisine nénwini ɔma ɔmmɔ lɛlɔ badine, na bekisine bammɔ belie-nwu ƒaa. Ekpidi bonwu ani na ɔɔbla ɔsu na Unwoti ɔ́ya na lɛbibo lɛmmɔ udu líbo-nwu lɛlɔ, na ɔ́ya na bekisine béƒie nwuna bebi bátɔlɔku na béténwini bana bekisine kalɔ bakyane.

Kɔnyana Buwulo 4:22

Sion kadi bekyuli báaƒɔ bana ekpidi ani na bábla kayu, na badubo bɔsɔ bunwini buteesie bana ɔma. Nsu amii Edomƒuɔ ni, Unwoti ɔdubo-mii kɔtu bɔni na udie bina alaekpidi keyi.

Seƒania 2:7

Bekyuli bani nébu bakya Yuda ni, Unwoti Katɔti útayiƒala-ma. Ɔdubɔya na nwuna bekyuli beti Askelon kalɔ kammɔ benwini bana bebuo kadikɔ. Na si useyi uwi údu ni, na beduo bana lɛtɔ kemmo batɛ banwuna.”

Batalane Kabla 23:34

Amu uwi ɔni na ɔɔká ɔku ɔmɛni ni, úye Paulo kesii kani na ɔ́si. Ka ɔ́nu ɔ́ti ka Paulo ɔ́si Kilikia ɔ́su ni,