Esra 10:3 - Katɔti Ɔku Kedee

³ Ɔmmɔ ɔsu ni, ya na bunyimi lɛla lɛdi na Katɔti anumi na bɔbɔku beleku bamɛni ku bana bebi na batɔlɔ ɔkɛnku lɛla lɛni na awɔ ku bekyuli bani mɔɔbu Katɔti ɔda bubo bɛdubɔsu-bu. Na bɛnu ka bɔ́bla lɛla biala bɔ́siaku ɔda bubo bɔmmɔ lɛlɔ.

Esra 10:3 ပူးပေါင်းရင်းမြစ်များ

Baga 2 11:17

Na ɔkpane Yehoiada údie bunyimi bɔdi keyi na Unwoti ku ɔga ɔmmɔ ku bekyuli bammɔ ntɛ ka badubunwini Unwoti kadi bekyuli. Na ɔ́sɔ údie bunyimi bamba keyi na ɔga ku bekyuli bammɔ ntɛ.

Ala Alɛdi 2 29:10

Anwuɔsu lɛ́lɛ ugyii geen ka bɔsɔku abu ku Israel Unwoti Katɔti ntɛ bunyimi bɔbla ɔwɔdi. Ɔƒɛni kalɛ si bɔ́bla ɔmɛni ni, nwuna kɔnyi na bula lɛlɔ kɔdubɔyɔ-nwu.

Ala Alɛdi 2 30:12

Na Katɔti ɔlati ɔ́ya na lɛlɔ kemmo kaatɔ́ ɔdi biala na Yuda ƒui ka babla lɛla lɛni na Hesekia ku nwuna benengu básu mmɔ.

Ala Alɛdi 2 34:21

“Mɔɔnu ka Katɔti úti kɔnyi ɔ́kya-mi ku ukyuli biala na ɔkya Israel ku Yuda kalɔ kammɔ ƒui lɛlɔ, ɔsika bula bati kuuku bátadi ɔda bubo bɔni nkya ɔku ɔmɛni kemmo lɛlɔ. Anwuɔsu bisie na bitáwia lɛla lɛni ka Katɔti ɔɔwia ka bɔbla.”

Ala Alɛdi 2 34:27

Ka kayi kágyu-ɔ uwi ɔni na énu ala ani na lɛ́su ka mabla kalɔ kamɛni ku kana bekyuli ni, éboku lɛlɔ kalɔ na kayi kemmo na áni ƒula awu ábwɛ na éwulo na mina anumi. Na mɔɔsu-ɔ geen ka línu ƒula buvele. Anwuɔsu nu lɛla lɛni na ndubo bɔbla.

Esra 10:11

Anwuɔsu ɔƒaani ni, bidie bina ekpidi kalɔ bɛtina bina Unwoti ɔni ndi bina bati kuuku Katɔti na bivele-nwu. Na bɛbla lɛla lɛni mayɔ-nwu kaƒɔ. Na bɛda lɛlɔ bɛmami kadi bamba bekyuli bani na beli bámana-mii mmɔ lɛlɔ na bɛnyonu bana beleku bammɔ.”

Esra 10:44

Bekyuli bamɛni ƒui néti kadi bamba beleku, na badi báwɔ bebi básiku beleku bammɔ kudɔ.

Esra 10:9

Na emeyi atɛ ammɔ kemmo ni, bekyuli bani ƒui nási Yuda ku Benyamin bábasala na Yerusalem. Na limeyi aavlanyɔdi lɛlɔ na kɔbuli yaalenwidi kemmo ni, na bana ƒui báasa beli Katɔti ɔtɔ anumi kaduli kemmo. Na ɔnantu ɔni nkya mɔɔna ku lɛla lɛni na limeyi lɛmmɔ ablala adanku ɔsu ni, kɔnyana ku kayi bɔkpulu bɔ́ƒɔ ukyuli biala lɛlɔ kemmo ƒui.

Esra 9:4

Na bekyuli bani ƒui mbo bɔyia bete Israel Katɔti litemi báni béde-mi, na bekyuli bani kekpo kéƒie na báka bunwini bubo litemi lɛlɔ tadi ku ɔbladu buɛ ɔmɛni ɔsu. Kɔnyana ku bɔyia bɔmɛni kemmo na lɛ́ƒɔ mmɔ bulie útédu useyi akpala bɔbla uwi.

Nehemia 10:1

Na bekyuli bani nákya bunyimi bɔmmɔ kɔnu kalɔ ndi bamɛni. Kalɔ lɛlɔ ɔnune Nehemia ku Hakalia ubidi Sedekia

Nehemia 8:14

Na mmɔ na bánu báti ka ɔda bubo etemila ani Unwoti úti ɔ́siaku Mose lɛlɔ ni, úbo Israel ƒui ɔda ka si baadi limeyi na kɔbuli maatɛdi kemmo ni, na bataatu nvuo betélie-nya kemmo.

Nehemia 9:38

“Ɔ́si ɔmɛni ɔsu ni, buunyimiku-ɔ na kakunkɛ lɛlɔ, na bula batɔnkune ku bula Lewiƒuɔ ku bula bakpane bakya kɔnu kalɔ.”

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Kɔgya 119:59

Líduo mina ngba kemmo lɛ́nu laa na lɛ́lɛ ugyii ka ndubɔsiaku ƒula ala ani na aatina-mi kama.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Esekiel 9:4

“Sie vi ɔma Yerusalem ɔmmɔ ƒui kemmo na abla likposela asia ukyuli biala geen na alaekpidi ani na baabla na ɔma ɔmɛni kemmo aadá-nwu ɔƒɛ lɛtɛntɛ.”

Lɛkpa Ulu 29:12

Ɔmwi limeyi lɛmɛni ni, bina ƒui binye mɛni ka binu bunyimi bɔni na bina Unwoti Katɔti únyimiku-mii. Na bɛbla bɛsia lɛla biala na ɔ́su-mii lɛlɔ.

Yosua 9:6

Amu na bésie Yosua kudɔ na Gilgal na básu-nwu ku Israelƒuɔ banini, “Kesii kani na bɔ́si ni, kágyu geen. Anwuɔsu bɔɔyɔ́ ka abu ku-mii bɔbla unwi.”