Esra 1:2 - Katɔti Ɔku Kedee

² Na ɔda ɔni na úbo ndi ɔmɛni. Lɛni na ami Ɔga Kores mɔɔsu. Unwoti Katɔti Ɔyikune úti kayawi lɛga kɔdikɔ ƒui ɔ́kya-mi kalɔ na ɔ́ƒuna-mi ka lɛtu kakpakɔ lite-nwu na Yerusalem na Yuda kalɔ lɛlɔ.

Esra 1:2 ပူးပေါင်းရင်းမြစ်များ

Baga 1 8:27

“Nsu ni, bulie na Katɔti ɔdubulie kayawi kamɛni kemmo geen geen? Ɔ́si katɔ útédu katɔ kakaaka ƒui muedi kalakana-a bɔda. Amu bátaka kakpakɔ kani na lɛ́tu líte-ɔ na kétedu lɛla lɛdi mɛni kemmo?

Ala Alɛdi 2 2:12

Bekyuli ƒui bemwi Israel Unwoti Katɔti ɔni nédie katɔ ku kalɔ! Úte Dawid ɔnanabi ɔni na ɔ́da anu na ɔɔsia ala anu taabla-nya uwi lɛlɔ. Na ɔɔɔdi ɔmmɔ lɛti mmomu kasusu kásɔ kebo-nwu ka ɔtu kakpakɔ ute Unwoti na ɔtu ɔga kesii lɛnɔ ute lɛlɔ.

Esra 1:5

Amu na Yuda ku Benyamin adua batɔnkune ku bakpane ku Lewiƒuɔ ku bani ƒui na Katɔti útuku-ma kayi báklibi lɛlɔ ka basɔ benwini batátu Unwoti kakpakɔ na Yerusalem.

Esra 3:7

Ɔmmɔ kama béti egulabi adi béte lɛtɔ batune ku banwine badi. Na béti adila ku ntu ku nnɔ ka beti besienku Sidonƒuɔ ku Tiroƒuɔ kalɛ na beti sida kugyiikɛ basia ɛpu lɛlɔ basiku Lebanon beboku Yopa. Na Persiaƒuɔ Ɔga Kores úte kuƒi kɔmɛni.

Esra 4:3

Amu na Serubabel ku Yesua ku Israel lɛtɔ benengu bammɔ bédie kenye banini, “Biiibo kuƒi ka bibebunku-bu na ɔtɔ ɔni bɔɔtu bute bula Katɔti kemmo. Abu kani bɔdu bɔkana na bɔtu ɔtɔ ɔmmɔ bute Unwoti ɔni ndi Israelƒuɔ Katɔti aani kalɛ na Persiaƒuɔ Ɔga Kores úbo-bu ɔda.”

Esra 5:15

Na Ɔga Kores ɔmmɔ ɔ́su-nwu ka ɔsɔku sika ala ammɔ utése Yerusalem kakpakɔ na ɔsɔku-ka ɔtu. Na kesii kani na bátu-ka kudeedi mmɔ.

Esra 6:10

Bɛbla ala amɛni kalɛ na babla akpala ani na maƒɔ Katɔti ɔni nkya katɔ anu, na bataakpali Katɔ teete ɔga ɔmmɔ ku bebi kadia.

Esra 6:3

“Na Ɔga Kores lɛga bɔdi lɛkwa lideedi kemmo ni, úbo ɔda ka basɔku Yerusalem kakpakɔ batu aani kesii kani na bataabla akpala. “Na kakpakɔ kammɔ bɔkuku bɔdi lɛgba bɔka liti ku aavlene na nwuna bɔbɛbɛ lɛnɔ bɔbla lɛni kani.

Esra 7:12

Ɔmɛni ɔ́si baga ƒui Ɔga Artasasta kudɔ na líti muute Ɔkpane Esra ɔni ndi Katɔ ƒui Katɔti ɔda bubo ala ɔtinane. Mɔɔkya-a kenye.

Nehemia 1:4

Amu ka línu etemila amɛni ni, lílie kalɔ emeyi adi na líwulo kɔnyana na línyimi kenye na lívele Unwoti ɔni nkya katɔ na lɛ́kpali-nwu.

Nehemia 1:5

Na lɛ́su nnini, “O Unwoti Katɔti ɔni nkya katɔ, ébomo na ebo ɔyikun na ámanku ka bɔyia-a. Na adi Ati ɔni na eeti bɔyɔ taadi ƒula bunyimi lɛlɔ teete bekyuli bani na aayɔ́ ka baadi ƒula ɔda bubo lɛlɔ ɔsu.

Kɔgya 136:26

Bɛgya Katɔti ɔni nkya katɔ enu. Ɔsika ɔɔyɔ́-bu uwi ndi uwi.

Kɔgya 85:2

Éti ƒula bekyuli ekpidi ákyiɛ-ma na ásɔ elényimo-nya.

Agba 21:1

Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

Yesaia 41:2

“Ɔma náƒuna lɛlɔ ɔdine ɔmɛni ɔ́siku ɔƒɛ katukɔ ɔnii ubabla-nwu kabla na ulu siin ɔmɛni lɛlɔ? Na ɔma náya na ɔɔdi kadi bekyuli ƒui ku baga baga lɛlɔ na uuboku-ma kalɔ? Na nwuna kewii ku atula eesusu-ma na beenwíni ɔtumu ɔni na ɔƒɛƒɛɛ uubó taavinku?

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’

Yesaia 44:28

Ami násu nnii, ‘Kores ndubɔtɔnku mina bekyuli aani baƒonu ɔdane kalɛ na babla lɛla lɛni mɔɔyɔ́-mi kaƒɔ. Na badubɔsɔku Yerusalem ku kakpakɔ kammɔ batu.’ ”

Yesaia 45:1

Unwoti ɔ́su nwuna ukyuli ɔƒunadi Kores ɔnini, “Ami nda-a kɔdianu kɔnu kalɛ na libunku-ɔ na adi kadi bekyuli pii lɛlɔ. Na abɔku baga pii alɛku bana lɛga kadikɔ. Badubɔlɛmi lɛma linengudi lɛban kenye bewi-ɔ na balakalɛ ɔdi belenyene.

Yesaia 66:1

Unwoti ɔnini, “Katɔ na líse mina lɛgaboku. Na kalɔ lɛlɔ mina lɛgba lɛnya. Na ɔtɔ ɔmani udu na bɛdubɔtu bite-mi? Na wɛ na ndubulie lɛnwuna?

Yeremia 10:11

Awɔ násu-mi anii nsu-ma ka ɔɔɔdi baƒiɔ nédie kalɔ kammɔ na adubo baƒiɔ ƒui udu bɔyila.

Yeremia 27:5

Na ami nédie kalɔ ku kana bekyuli ku bebuo bammɔ ƒui ɔkɛnku mina ɔyikun lɛlɔ. Na ami mɔɔtina ukyuli ɔni madi kalɔ kammɔ lɛlɔ.

Yeremia 29:10

“Na si uwi ɔni na Babilonƒuɔ bábla bana ɔyikun ala ka badi betulone na kadi bekyuli ƒui ɔsu báwɔlɔ akwa liti ku aavlanyɔ kama ni, ndubɔbla-mii lɛƒɔndia na lɛya na bɛsɔ binwini bibo Yerusalem kalɛ kani na líse-mii kenye líse.

Daniel 1:21

Na Daniel ɔ́bla kabla na mmɔ úti útédu Ɔga Kores lɛga bɔdi uwi lɛkwa lideedi kemmo.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 2:28

Nsu Katɔti ɔni nli mɔɔdi ala ƒui lɛlɔ ɔ́siku katɔ kakaaka ɔdubɔkana na udie abɛla amɛni keyi. Na uwi ɔni na atɛ alɛɛ ni, ɔ́tina-a ala ani ndubo abalɛ uwi ɔni ndubo.

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Daniel 6:25

Ɔmmɔ kama ni, Ɔga Dario úti linyesia lɛmɛni úmene bani nási kadi ƒui akɔ ku adi ƒui batɛmine bani nkya kalɔ lɛlɔ ƒui ɔnini, “Muugyele amii kadi bekyuli bammɔ ƒui!

Yona 1:9

Mmɔ na Yona údie kenye ɔnini, “Hebrini na ndi. Na mɔɔkpali Unwoti Katɔti ɔni nkya katɔ. Na anwu nédie kalɔ ku ɛpu.”