Eƒesoƒuɔ 6:9 - Katɔti Ɔku Kedee

⁹ Na amii benwoti lɛnɔ ni, bɛbla lɛni kani bite bekyuli bani mɔɔbla-mii kabla. Bitakya-ma liƒu, ɔsika bɛgyi ka amii ku-ma ƒui lɛnɔ bibo Unwoti unwi na katɔ ɔni naaanu bekyuli anumi taatɛ litemi.

Eƒesoƒuɔ 6:9 ပူးပေါင်းရင်းမြစ်များ

Nehemia 5:5

Nsu ina ka abu ku Yudaƒuɔ benwi bɔdi na bula bebi lɛnɔ bese aani bana badi ni, búuti bula bebi badi búye búte-ma kalɛ na buti bɔƒɔ kayu kammɔ. Báƒɔ bula begblebi badi, na ɔƒɛni bɔsɔ bulati lɛla lɛni bɔbla. Ɔsika békpeli bula mmo ku adingyii mmo báƒɔ bula enu kemmo.”

Hiob 34:19

Na Katɔti nédie abu bekyuli ƒui. Ɔlakɛne na adi o-o, ɔwabane na adi o-o ni, ulánu bana ɔdi anumi taabla lɛla lɛdi.

Kɔgya 140:12

Unwoti, ngyi nwaa ka eekpó teete bawabane na ɔgbankpi kemmo. Na aanu bani mɔɔyaki ala lɛlɔ.

Etemila 5:8

Si ánu ka baanya bekyuli bani na bese kpɛtɛ taakya na ƒula kalɔ lɛlɔ, na ala tabla ulu lɛlɔ búti ala bɔbla siin kenye ni, utabla-a dɛye dɛye, ɔsika bekyuli bani nkya lɛlɔ badine kalɔ ni, ɔlɛka benu bana batɔnkune litemi.

Yesaia 47:6

Kɔnyi na líti lɛ́kya mina bekyuli anwuɔsu na lɛ́ya na bíƒie-ma kalɔ bɛ́ƒɔ, na bɛ́ya na kɔƒa kúkpo-ma na anumi éwi-ma kalɔ. Bítanu-ma kɔnyana munu munu, mmomu bɛ́bla-ma kalala útédu bana benengu ƒui lɛlɔ.

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Daniel 3:6

Ukyuli biala ɔni meni lili kalɔ bɔkya bute-nwu ni, badubo-nwu buƒwimi bɔkya lɛgyavonku kemmo.”

Lewiƒuɔ Ɔda Bubo 19:13

“ ‘Ɔdi utanya nwuna ɔkpana utakya iye uyu-nwu na ulu ɔdi lɛlɔ. “ ‘Teni ƒula kabla ɔblane nwuna kayu bɔƒɔ na kadi kegye kasia egulabi ammɔ lɛlɔ.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Mateo 22:10

Amu na kabla bablane bammɔ bésie kuye ekpo ekpo ƒui bátálɔ ukyuli biala na bánu béboku. Bekyuli bekpidi ku babuni ƒui béyi ɔtɔ ɔmmɔ.

Mateo 22:8

“Amu na ɔ́lɔ nwuna kabla bablane na ɔ́su-ma ɔnini, ‘Mina ubi uleku buti limeyi lɛmmɔ bɔdi uwi údu. Nsu bekyuli bani na lɛ́lɔ liboku limeyi lɛmmɔ kadikɔ ni, bátamanku bétete limeyi lɛmmɔ.

Mateo 24:48

Nsu si ɔdi kabla ɔblane ukpidi ni, ɔdubɔsu na nwuna kayi kemmo ɔnini, ‘Mina unwoti ɔdubutu uwi geen!’

Mateo 24:51

Na unwoti ɔmmɔ ɔdubɔni kabla ɔblane ɔmmɔ kɔtu geen. Na nwuna kɔtu bɔni kɔdubɔyu ɔkplu aani anumi lɛlɔ bekyuli bɔdi kalɛ! Mmɔ na keku ku animi bɔdu bɔdubɔkya!”

Mateo 7:12

Ala ani na aayɔ́ ka bekyuli bamba babla bete-ɔ ni, bla-nya te ama lɛnɔ lɛni kani. Ɔmɛni ndi Mose ɔda bubo ku Katɔti kenye bediene ala ani bátina kalɔ budie.

Luka 6:31

Lɛla lɛni na aayɔ́ anii babla bete-ɔ ni, ani kani na awɔ lɛnɔ ɔlɛka abla ete bekyuli.

Yohane 13:13

Bɛɛlɔ-mi bɛnii ala ɔtinane ku Blɔti, na ɔdi lɛni sɔsɔ. Ɔsika ukyuli ɔmmɔ na ndi.

Batalane Kabla 10:34

Amu na Petro ɔ́su-nwu ɔnini, “Lɛ́nu lɛ́ti nwaa ka Blɔti ulánu bekyuli anumi.

Romaƒuɔ 2:11

Ɔsika Katɔti ulánu anumi lɛlɔ taatɛ litemi.

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Korintoƒuɔ 1 7:22

Si aabla ukyuli bamba kabla asa na Blɔti ɔ́lɔ-ɔ ni, énwini ukyuli ɔni na ebo bɔnwuna na Blɔti kudɔ. Na lɛni kani na si aabla awɔ ɔlati kabla asa na Blɔti ɔ́lɔ-ɔ ni, énwini ukyuli ɔni mɔɔbla Blɔti kabla.

Lɛkpa Ulu 10:17

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Koloseƒuɔ 3:25

Ukyuli biala likpidi lɛni na ɔ́bla ni, nina lɛlɔ na Katɔti ɔdubo bunye na ɔni-nwu kɔtu. Ɔsika Katɔti ulánu bekyuli anumi si ɔɔní kɔtu.

Koloseƒuɔ 4:1

Amii benwoti bani mbo kabla bablane ni, bɛda-ma na bɛnu-ma lɛlɔ kaduɛ. Ɔsika amii lɛnɔ bɛgyi ka bibo Unwoti ɔni nkya katɔ.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Yakobo 2:8

Na si bɛ́di Katɔti ɔda bubo bunengudi bɔmɛni lɛlɔ ni, bɛ́bla-nwu kaduɛ. Ɔkya Bunweni Kedee Ɔku kemmo ka, “Yɔ ƒula ukyulikpana aani ƒula lɛlɔ kalɛ.”

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Samuel 1 15:17

Mmɔ na Samuel úsie anumi ɔnini, “Uwi ɔni na awɔ ɔlati muedi átanu tɔ lɛlɔ átati ka adi lɛla lɛdi ni, Unwoti úse-ɔ likpo na énwini ɔga na Israel kadi bekyuli adua pii ammɔ ƒui lɛlɔ.