Eƒesoƒuɔ 6:5 - Katɔti Ɔku Kedee

⁵ Amii bani mɔɔbla ukyuli bamba kabla ni, biboku lɛlɔ kalɔ na binu bina benwoti litemi ku ɔbu ɔsiku kayi ƒui aani kalɛ na bɛdubunu Kristo litemi.

Eƒesoƒuɔ 6:5 ပူးပေါင်းရင်းမြစ်များ

Ala Kalɔ Buse 16:9

Amu na Katɔti ɔtu ɔmmɔ ɔ́su-nwu ɔnini, “Sɔ nwini teesie ƒula kɔduni kudɔ na eboku lɛlɔ kalɔ ete-nwu.”

Ala Alɛdi 1 29:17

Nsu lɛlɔ lɛɛyɔ́-bu, ɔsika ukyuli biala úti ala ammɔ úboku-ɔ ku kaƒɔ ƒaa. Agyi lɛla biala na lɛkya ɔdi biala kayi kemmo na ɔɔyɔ́-ɔ kaƒɔ si ukyuli ɔdi biala ɔɔdi litemi lɛlɔ siin teete-ɔ.

Kɔgya 123:2

Mɔɔnu ulu aani kalɛ na kabla bablane beenye taanu bana ɔtɔlati anumi ka bakɛ lɛla lɛdi. Na aani kalɛ belekubi kabla bablane lɛnɔ beenye taanu bana beni anumi ni, lɛni kani na abu lɛnɔ bunye bɔɔnu Unwoti anumi wetédu ka ɔ́nu-bu kɔnyana.

Kɔgya 86:11

Unwoti, tina-mi ƒula ulu geen ɔmmɔ na lɛsia-nwu lɛlɔ, kalɛ na naaalɛ-ɔ kama. Na aya na ntaayɔ-ɔ geen ku mina kayi ƒui.

Malakai 1:6

“Ami, Unwoti Ɔyikune Ƒui, mbo lɛla lɛdi na lɛsu amii bakpane. Bebi baabu bana bawɔne, na kabla bablane baabu bana batɔlati. Na ami ndi Ati ku bina ɔti. Na bi ɔsu na bilábu-mi? Amii bakpane bídumi-mi. “Nsu biiye ɔƒɛni bɛnini, ‘Dɛ na búdumi-ɔ?’

Mateo 6:22

“Anumi ese aani asogya ute ɔlɔna. Na si ƒula anumi aanu nwaa ni, bukeye bɔdubɔƒɔ awɔ ukyuli umodi ɔmmɔ ƒui.

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Mateo 8:9

Ami lɛnɔ ndi ukyuli ɔni nkya benengu badi kalɔ, na bekpone badi lɛnɔ bakya-mi kalɔ. Si lɛ́su ɔdi nnii, ‘Teesie’ ni, uusié. Na si lɛ́su ɔdi lɛnɔ nnii ‘Bo’ ni, uubo. Na si lɛ́su mina kabla ɔblane nnii, ‘Bla ɔmɛni’ ni, ɔɔbla.”

Batalane Kabla 2:46

Na béteesie Katɔti kakpakɔ limeyi ndi limeyi, na bátaasa esu esu lɛnɔ taadi na bana kɔduli na kubiti ku lɛlɔyɔ kemmo.

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Korintoƒuɔ 1 2:3

Na ka líbo-mii kudɔ ni, lɛlɔ lɛ́bla-mi kpɛtɛ kpɛtɛ. Na liƒu lɛ́da-mi. Na lɛlɔ lɛnɔ lɛ́tɔ-mi.

Korintoƒuɔ 1 7:22

Si aabla ukyuli bamba kabla asa na Blɔti ɔ́lɔ-ɔ ni, énwini ukyuli ɔni na ebo bɔnwuna na Blɔti kudɔ. Na lɛni kani na si aabla awɔ ɔlati kabla asa na Blɔti ɔ́lɔ-ɔ ni, énwini ukyuli ɔni mɔɔbla Blɔti kabla.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 2 7:15

Anwuɔsu na ɔɔyɔ́-mii teebu si uunyimo kalɛ bina ƒui bínye kagyumana na bínu ala ani na bɔ́tina-mii ku kalɛ na bɛ́ƒɔ-nwu na bíboku lɛlɔ kalɔ bíte-nwu na bɛɛbu-nwu ɔsu.

Eƒesoƒuɔ 5:22

Amii beleku biboku lɛlɔ kalɔ bite bina bagya aani kalɛ na biiboku lɛlɔ kalɔ teete Blɔti.

Eƒesoƒuɔ 6:24

Katɔti lɛƒɔndia lɛsiaku bekyuli bani ƒui mɔɔyɔ́ Blɔti Yesu Kristo ku kayi ƒui.

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Ƒilemon 1:16

Na ɔƒɛni ni, ɔɔɔdubo-ɔ kudɔ aani ukyuli bamba kabla ɔblane kani. Mmomu ɔdi bula ɔnwa ɔyɔne na Kristo kemmo. Ɔ́ƒɔ-mi kuye geen! Nsu awɔ ni, ɔdubɔƒɔ-ɔ kuye utulo-mi. Ɔsika ɔdubo aani ƒula kabla ɔblane ku ƒula ɔnwani na Blɔti kemmo lɛnɔ.

Yosua 24:14

Amu na Yosua úse anumi na ɔ́sɔ ɔ́su-ma ɔnini, “Bɛyia Unwoti na bitaabla-nwu kabla ulu lɛlɔ. Na bɛda baƒiɔ bani na bina bati kuuku bákpa na ketu ɔvi ku Egyipte mmɔ bidie bina akɔ. Na bitaabla Unwoti kabla kani.

Petro 1 3:2

Mmomu ama alati badubɔnu kalɛ na bina udu use sɛɛn ku lɛlɔ kalɔ buboku.