Eƒesoƒuɔ 6:4 - Katɔti Ɔku Kedee

⁴ Na amii bawɔne lɛnɔ ni, bitabla ala ani makya bina bebi kɔnyi. Mmomu bɛtumini-ma na bɛlɛ-ma bɛsiaku bɔƒɔtaadi ulu lɛlɔ.

Eƒesoƒuɔ 6:4 ပူးပေါင်းရင်းမြစ်များ

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Ala Alɛdi 1 29:19

Na aya na Salomo utaayɔ-ɔ na ɔdi ƒula etemila ku ƒula ala bɔtina ƒui lɛlɔ siin. Na ƒula kakpakɔ kamɛni bɔtu bɔyɔ bɔda-nwu kayi kpakplaa ɔni ɔsu na líti ala amɛni muute-nwu.”

Agba 19:18

Tumini ƒula bebi kpakplaa na uwi ɔni amu ebo-ma lɛlɔ ɔyikun. Si ɔɔɔdi lɛni ni, adubo-ma ngba bubile.

Agba 22:15

Ɔnamu ɔni na ɔƒɛni na ɔ́si ɔɔkɔ́ ni, adɔlɔla éyi-nwu lɛlɔ kemmo tɛɛ. Nsu si átumini-nwu kaduɛ ni, ɔmmɔ ƒui ɔɔlɛ́-nwu lɛlɔ.

Agba 22:6

Tina ƒula bebi kasiakɔ kabuni na si bábi lɛlɔ ni, na balasia kesii bamba.

Agba 29:15

Si ada kegyimi aatumini ubi na aadɔnku-nwu kpakplaa ni, ɔɔdá anu. Nsu ubi ɔni na bédie atu na ulie úte nwuna lɛlɔ ni, ɔɔyá na kɔƒa kuukpó uni.

Agba 29:17

Tumini ƒula bebi kaduɛ na badubɔya na akɛ atu bɔyɔ. Na badubɔya ƒula kɔyu lɛlɔyɔ.

Yesaia 38:19

Bayawine kani ndubɔkana-a bumwi aani kalɛ na ndaku bɔbla ɔƒɛni. Na bebi bati mɔɔsu bana bebi kalɛ na aadi ƒula litemi lɛlɔ teete bekyuli.

Eƒesoƒuɔ 6:3

Búsie anumi bɔnii, “Kalɛ na keyi kayɔku-ɔ na elie ngba gyɔlɔɔ na kalɔ lɛlɔ mɛni.”

Lɛkpa Ulu 4:9

Nsu uwi ɔni na bilie ngba mɛni ni, binye kagyumana uwi biala kemmo kalɛ na bilayiƒala ɔda bubo bɔmmɔ. Na ala ani ƒui na bíti bina anumi bɛ́nu ni, biti bɛsu bina bebi ku bina bawɔ.

Lɛkpa Ulu 6:7

Biti ɔda bubo bɔmmɔ bitaatina bina bebi kaduɛ uwi ndi uwi. Na bitaatɛmi-mu lɛlɔ si bɛkya kaduli iye bɛkɛ bísela kesii kadi iye si bilie bɛɛnwuna iye si bɛkya bina kabla akɔ.

Koloseƒuɔ 3:21

Amii bawɔne bitakya bina bebi kɔnyi kalɛ na enu aƒɛ-ma na kabla biala kemmo.

Timoteo 2 1:5

Mɔɔkali taanu ƒula bɔƒɔtaadi kpakplaa bɔni na ebo. Bɔƒɔtaadi bɔmmɔ nákya ƒ'inieku Lois ku ƒ'ini Eunike alati kemmo. Lɛ́ƒɔ lɛ́di ka awɔ lɛnɔ ebo-mu.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Yosua 24:15

Nsu si Unwoti kama bɔsiaku buláda-mii kubiti ni, amii bidie ɔmwi limeyi lɛmɛni anwu ɔni geen na bɛɛyɔ́ ka bɛsiaku. Si baƒiɔ bani na bina bati kuuku bákpa na Euƒrate Ketu ɔvi ngye iye Amoriƒuɔ kalɔ kani bilie mɛni baƒiɔ na bɛɛyɔ́ ni, bidie. Nsu ami ku mina kaduli bekyuli abu ni, Unwoti lɛti na bɔdubɔsiaku.”

Litemi Batɛne 13:12

Amu na Manoa úye ɔtu ɔmmɔ ɔnini, “Si úbo úte lɛni ni, bi na ubi ɔmmɔ ɔdubo bɔbla? Na bi ngba udu ɔdubo bulie?”