Eƒesoƒuɔ 6:18 - Katɔti Ɔku Kedee

¹⁸ Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Eƒesoƒuɔ 6:18 ပူးပေါင်းရင်းမြစ်များ

Baga 1 8:52

“Na muuvele nnii ƒula anumi ebimi na anu ami ƒula kabla ɔblane ku ƒula kadi bekyuli Israelƒuɔ kɔnyana, na enu ala ani na buuvele-ɔ. Na uwi biala na bákpali-ɔ bévele lɛla lɛdi ni, na enu ete-ma.

Baga 1 8:54

Uwi ɔni na Salomo ɔ́wɔlɔ Katɔti bɔkpali bɔmɛni ku bekyuli evelela ani na ɔ́da ɔ́va Unwoti anumi ƒui ni, ɔ́ta únye na Unwoti lɛkpabi anumi na kesii kani na ɔ́lɛ akɔnkɔ na ɔ́talaku enu katɔ ɔ́tina kayaa

Baga 1 8:59

Na muuvele nnii mina etemila ku bɔkpali bɔni ƒui na lɛ́kpali Unwoti lɛ́da lɛva-nwu anumi mɛni ni, ala ammɔ atɛ bula Unwoti Katɔti anumi na utaanu-nya usien ku ɔƒɛ. Na ɔya na ami nwuna kabla ɔblane ku nwuna bekyuli Israelƒuɔ bɔlɛ lili na bana limeyi ndi limeyi awiala kenye.

Baga 1 9:3

Amu na Unwoti ɔ́su-nwu ɔnini, “Línu ala ani na énye mina anumi ákpali-mi ásu ƒui. Na lídie kakpakɔ kani na átu mɛni líse sɛsɛɛ lɛ́bla-ka kedee na líti mina lɛnyi lɛ́sia-ka lɛlɔ líte uwi ƒui. Na mina anumi ku kayi ƒui kadubɔsia-ka lɛlɔ uwi biala.

Ester 4:8

Mordekai údie ɔku ɔni na bénweni banii badu Yudaƒuɔ mmɔ ɔdi úte Hatak ɔnii uti usienku Ester, na udie lɛla biala kalɔ ute-nwu na ɔkya ɔkplu na usie ɔga anumi, na utévele na ama Yudaƒuɔ lili.

Hiob 27:10

Na lɛni geen na ɔlɛka Katɔti ɔbla, ɔsika bekyuli bammɔ balayɔ-nwu na bátakpali-nwu bétevele lɛla lɛdi kudii.

Kɔgya 4:1

Mina Unwoti Katɔti ɔni muunye-mi kama, si mɔɔkpali-ɔ ni, nu te-mi! Uwi ɔni na ala ékpoku-mi ni, awɔ nédie-mi. Bla-mi lɛƒɔndia na enu ala ani muuvele-ɔ!

Kɔgya 6:9

Uunú ka muuwulo taakpali-nwu nnii ubunku-mi. Na ɔdubɔbla ute-mi lɛni kani.

Yesaia 26:16

Unwoti, uwi ɔni na lɛbibo lɛ́siaku-bu na bɔ́ɔnɔ na bula lɛtuni kemmo ni, bɔ́wia-a kama ulu.

Daniel 6:10

Daniel únu ɔda bubo bɔni na bényimi, nsu ka úsie kaduli ɔ́kɔ úsie ɔtɔ ɔtɔdi kemmo ni, úténye ƒansili ɔni néti anumi ɔ́tina Yerusalem na ɔ́lɛ akɔnkɔ ɔ́kpali Katɔti kalɛ kani na ɔɔyɔ́ bɔbla limeyi ndi limeyi, ɔsika kɔtɛ na ɔɔkpali Katɔti limeyi biala kemmo taagya-nwu enu.

Daniel 9:20

Mmu nnye muudie mina alaekpidi kalɔ ku Israel adi ƒui teete Unwoti Katɔti, na muuvele kalɛ na lɛla biala lɛtɛ lite Yerusalem,

Hosea 12:4

Na Betel lɛnɔ ni, anwu ku Katɔti ɔtu ɔdi bása kayi na ɔ́di-nwu lɛlɔ, na ɔda imii blabla úvele-nwu ɔnii ute-nwu kusɛ kusɛ. Mmɔ na ɔ́tɛmiku-nwu,

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Mateo 17:21

Nsu amu ntu aakpali katɔ na elie kɔka asa na adubɔkana na abɔku kɔyu kukpidi kɔmɛni udu alɛku.”

Mateo 26:41

Bɛsɔ bilie kagyumana na bɛkpali katɔ kalɛ na bileduo bukpoku taanu kpakplaa kemmo. Kɔyu kɔɔyɔ́ ka kɔbla, nsu ɔlɔna use kpɛtɛ kpɛtɛ.”

Marko 13:33

Bɛsia anu na binye kagyumana, ɔsika bɛɛɛgyi limeyi lɛni na uwi ɔmmɔ wedu.

Marko 14:38

Amu na ɔ́su-ma lɛnɔ ɔnini, “Bilie bitaagyumana na bitaakpali katɔ kalɛ na bileduo bukpoku taanu kpakplaa kemmo. Kɔyu kɔɔyɔ́ ka kɔbla, nsu ɔlɔna use kpɛtɛ kpɛtɛ.”

Luka 21:36

Anwuɔsu binye kagyumana na bitaakpali katɔ uwi biala kalɛ na bɛkɛ ɔyikun na bɛlɛ sɛɛn na ala ani ƒui ndubɔlɛ mɛni kemmo ku kalɛ na bɛkana ami, Ukyuli Ɔyawine Ubi, litemi bɔtɛ kenye bunye.”

Luka 22:46

Amu na ɔ́su-ma ɔnini, “Bi ɔsu na bɛtɛ bɛɛlɛɛ? Bɛta na bitaakpali katɔ kalɛ na bileduo bukpoku taanu kemmo.”

Luka 3:26

ɔni ɔti ɔdi Mahat ɔni ɔti ɔdi Matatia ɔni ɔti ɔdi Semein ɔni ɔti ɔdi Yosek ɔni ɔti ɔdi Yoda

Luka 3:37

ɔni ɔti ɔdi Metusala ɔni ɔti ɔdi Henok ɔni ɔti ɔdi Yared ɔni ɔti ɔdi Mahalalel ɔni ɔti ɔdi Kainan

Batalane Kabla 1:14

Bekyuli bamɛni bátaasala lɛlɔ taakpali katɔ uwi biala ku beleku badi ku Yesu uni Maria ku Yesu banwani bananabi.

Batalane Kabla 10:2

Ɔdi ukyuli ɔbuni, na anwu ku nwuna kaduli bekyuli ƒui beeti ɔbu teete Katɔti. Ukyuli ɔmɛni úteete bekyuli ala ku nwuna kayi ƒui, na ɔɔyɔ́ katɔ bɔkpali lɛnɔ.

Batalane Kabla 12:5

Anwuɔsu bagyumanane bamɛni bágyumana-nwu na ɔtɔ ɔmmɔ kemmo kaduɛ. Nsu ni, baƒɔtaadine bákpali katɔ na bévele nwuna lili kpakplaa.

Romaƒuɔ 12:12

Lɛlɔ litaayɔ-mii na bina lɛnunsia kemmo. Na binye kpakplaa na lɛbibo biala kemmo. Na bitaakpali katɔ na ulu lɛlɔ.

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Eƒesoƒuɔ 1:16

ńtada linugya buti teete Katɔti na bina lili ńtaya. Na uwi biala na mɔɔkpali katɔ ni, muuvele na bina lili.

Eƒesoƒuɔ 2:22

Na Kristo ɔmmɔ kemmo na baatú abu lɛnɔ aani ɔtɔ kalɛ na bunwini keliekɔ bute Katɔti na kɔyu kemmo.

Eƒesoƒuɔ 3:18

amii ku Katɔti baƒɔtaadine ƒui bɛdubɔti kalɛ na Kristo bɔyɔ bɔ́bɛbɛ na búne ku kalɛ na bɔ́kuku na bɔgyu lɛnɔ.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Eƒesoƒuɔ 6:19

Bivele na ami lɛnɔ lili na Katɔti ɔya na kenye kada-mi kalɛ na makana menye kpakplaa na medie litemi lɛmmɔ abɛla matina bekyuli na ɔyikun kemmo.

Ƒilipiƒuɔ 1:4

Na uwi biala na mɔɔkpali katɔ na bina lili ni, mɔɔkpali ku lɛlɔyɔ

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Koloseƒuɔ 1:3

Uwi biala si bɔɔkpali katɔ ni, bɔɔgyá Katɔti ɔni ndi Blɔti Yesu Kristo Ɔti enu na bina lili.

Koloseƒuɔ 1:4

Ɔsika búnu kalɛ na bɛda bina bɔƒɔtaadi na Yesu Kristo kemmo ku kalɛ na bɛɛyɔ́ bina banwa baƒɔtaadine ƒui.

Koloseƒuɔ 4:2

Bitada Katɔti bɔkpali bitaya. Na binye kagyumana, na biteeti linugya teete-nwu.

Tesalonikaƒuɔ 1 5:17

Bitaya na enu aƒɛ-mii na katɔ bɔkpali kemmo.

Timoteo 1 2:1

Lɛla lideedi lɛni na mɔɔyɔ́ ka bɛti ndi ka bitaakpali katɔ na biteevele na bekyuli ƒui lili. Na biteeti amii ku-ma ƒui awiala taava Katɔti anumi.

Timoteo 2 1:3

Mɔɔgyá Katɔti ɔni na mɔɔkpá enu aani kalɛ kani na mina bati kuuku bátaabla. Na mɔɔbla lɛni na kayi kani naaadu-mi kɔtɔ kemmo. Lɛnɔ ni, mɔɔgyá-nwu enu usien ku ɔƒɛ na muuvele na ƒula lili si mɔɔkpali katɔ.

Ƒilemon 1:5

Ɔsika muunú kalɛ na aayɔ́ Katɔti bekyuli ku kalɛ na áƒɔ Blɔti Yesu ádi.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Petro 1 4:7

Kawɔlɔkɔ kammɔ kéede. Anwuɔsu bɛya na ukyuli biala kasusu kemmo kabla nwaa, na ɔda lɛlɔ use utaakpali katɔ.

Yuda 1:20

Nsu ni, mina banwa, biti lɛlɔ bɛsia Kristo kalɛ na bina bɔƒɔtaadi kedee bɔyu ɔkplu, na bitaakpali katɔ na Kɔyu kemmo na ɔkya-mii ɔyikun.

Samuel 1 1:12

Ka ɔɔkpali Katɔti lɛni ku kabɛnsɛ ni, Eli unye ɔɔnu-nwu kpoo.