Eƒesoƒuɔ 6:11 - Katɔti Ɔku Kedee

¹¹ Biti Katɔti ala ani ƒui na úte-mii bɛkya aani ukpone adala ani mɔɔgyumana-nwu na bɛkana binye bitile ukisine ɔmmɔ kakwɛ kekpidi biala.

Eƒesoƒuɔ 6:11 ပူးပေါင်းရင်းမြစ်များ

Nehemia 4:13

Amu lídie bekyuli badi na béténye kesii kani na lɛwoduku lɛmmɔ lɛ́kuku kalɛ na bekyuli baanu-ma. Na lɛ́ya bésie benye kɔduli kenye. Na báda bana kuwii ku kɔtaminta ku atula.

Marko 13:22

Ɔsika ama bani ndubɔbla lɛlɔ aani Kristo ku Katɔti kenye bediene kedee pii badubudie lɛlɔ keyi. Badubɔbla akɔla ku ayiala pii kalɛ na si bakana ni, na batɔlɔ Katɔti bekyuli bani na ɔ́ƒuna lɛnɔ.

Romaƒuɔ 13:12

Usien ɔmmɔ ɔ́ɔvi ɔ́wɔlɔ, na kadi ndaku bugye. Anwuɔsu bɛya na bɔda lɛdisa kemmo ala bɔbla bɔya, na bɛkya kekpo awu ɔni námanku bekyuli bani nkya bukeye kemmo.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Korintoƒuɔ 2 10:4

Ɔsika ekpola ani na bɔda buukpó ni, aaadi kayawi kamɛni ekpola. Mmomu Katɔti ɔyikun na ɔdi na buti bɔɔdi ukisine ɔmmɔ kama kekpokɔ lɛlɔ.

Korintoƒuɔ 2 11:3

Nsu mɔɔyia ka ukisine ɔmmɔ ɔdububile-mii kasusu na bɛsɔ bilése sɛɛn na bɛsiaku Kristo lɛti kama. Lɛni na kɔlakpi kɔmmɔ kúti nwuna kɔkwɛ kukpidi kúbile Eva kasusu na ɔ́ya na ɔ́bla likpidi.

Korintoƒuɔ 2 2:11

Ɔmɛni ndubɔya na butile ukisine ɔmmɔ kuƒi na ulákɛ kasiakɔ kadi na bula lɛlɔ, ɔsika bɔgyi-nwu kɔkwɛ.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Korintoƒuɔ 2 6:7

Bulatɔlɔ bekyuli ku bula lɛsa bɔkɔ. Na Katɔti ɔyikun ɔni nsiaku-bu ɔɔtina lɛnɔ ka bɔdi nwuna kabla bablane. Na bula ngba siin bulie ndi bula lɛla biala na kabla kamɛni kemmo. Buse aani ekpola ani ukpone ɔda uukpó.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Eƒesoƒuɔ 4:24

Na biti udu ɔni mɔɔtina ka bise siin bɛda. Ɔsika Katɔti údie-mii ka bɛbla kedee aani anwu kalɛ.

Eƒesoƒuɔ 6:13

Ɔmɛni ɔsu ni, bɛkya Katɔti adala ani mɔɔgyumana lɛlɔ mmɔ ƒui, kalɛ na bɛkana na binye kpakplaa na limeyi lɛni na likpidi lɛdi lɛdubɔsiaku-mii lɛlɔ. Na ɔmmɔ kama ni, binye kpakplaa uwi ƒui.

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Tesalonikaƒuɔ 1 5:8

Nsu abu bani nkya bukeye kemmo ni, bɛya na bɔda lɛlɔ kaduɛ. Na buti bula bɔƒɔtaadi ku bula bɔyɔ butaagyumana lɛlɔ aani kalɛ na kekpo adala aagyumana ukpone. Na butaasia anu ka Blɔti ɔdubɔƒɔ-bu, aani kalɛ na kekpo kabwa kaagyumana ukpone lili.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Yakobo 4:7

Anwuɔsu biboku lɛlɔ kalɔ bite Katɔti. Bitatunaku ukisine ɔmmɔ, na ɔdubukeli-mii kudɔ.

Petro 1 5:8

Bɛda kayi bɛva kalɔ buɛɛ na binye kagyumana! Ɔsika bina ukisine ɔni ndi ɔbɔnsamu mmɔ ɔsiaku-mii aani gyata ɔni nkɛ mɔɔva taavi na ɔɔwia ukyuli ɔni na uƒie.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Budie Taatina 12:9

Na bábɔku liƒu kɔlakpi kɔmmɔ béboku kalɔ. Aku ndi kɔlakpi kɔkukudi bonwu kɔni baalɔ ukisine ɔmmɔ iye Satan, na ɔɔtɔ́lɔ kayawi kemodi ƒui. Bábɔku anwu ku nwuna batu ƒui bábava kalɔ lɛlɔ mɛni.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.

Budie Taatina 2:24

“Nsu amii bakladi bani nkya Tiatira na bɛɛɛsiaku nwuna ala bɔtina kama na bítatɛya Satan ala abɛdi ani baasu ka ana kemmo ágyu mmɔ ni, mɔɔsu-mii ka nsɔ lɛɛɛdubo etila abambadi adi buti bɔsia-mii lɛlɔ.

Litemi Batɛne 3:2

Na Unwoti ɔ́bla ɔmɛni kalɛ na ɔtina Israelƒuɔ bani nétesie tɔ kekpokɔ kudii kalɛ na beekpó.