Eƒesoƒuɔ 5:6 - Katɔti Ɔku Kedee

⁶ Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Eƒesoƒuɔ 5:6 ပူးပေါင်းရင်းမြစ်များ

Baga 2 18:20

Aasu ka ebo kekpo kɔkwɛ na ebo kekpo ɔyikun, nsu lɛmɛne kani na aakun. Na ɔma geen na aanu ɔsu na áta énye-mi lɛlɔ?

Kɔgya 78:31

Katɔti úti kɔnyi ɔ́kya-ma geen na ɔ́ya bádu bana bakloƒu bayikune.

Yeremia 27:9

Ɔƒɛni kalɛ bibo bekyuli badi na bina lɛga kɔdikɔ bani mɔɔsu ka ama baanu taati ala ani ndububo abalɛ na bana evo ɔsu iye ka baakpali bekpine iye beegyé ana adi iye baƒiɔ badi baatɛmiku-ma ɔsu. Nsu si bana ɔdi ɔɔsu-mii ɔnii bitenu Nebukadnesar litemi ni, bitakpete-ma.

Yeremia 29:31

liti lite Yuda kadi bekyuli bani na béƒie bátɔlɔku bésienku Babilon. Na ɔku ɔmɛni kemmo ni, línweni ka Unwoti ɔnini, “Ami Unwoti ńtaƒuna Semaia ka unwini mina kenye bediene akɔ ɔdi. Na ɔ́kpanku-mii útáyila na nwuna ɔkɔ ala ani na ɔɔsu ɔsu ɔnii mina kenye na uudie.

Yeremia 37:9

Utabla-mii aani Babilonƒuɔ bammɔ badubɔsɔ benwini aani kudeedi kalɛ na bise lɛlɔ lisusu.

Mika 3:5

“Na amii ɔkɔ kenye bediene biisé bekyuli bani muute-mii adila na bɛɛdi kenye ka badubulie kpi na lɛla lɛdi lilékpoku-ma. Na bani na balakɛ lɛla lɛdi teete-mii ama ni, bɛɛsu-ma ka ɔgbankpi ɔdubɔsiaku-ma. Binu lɛla lɛni na ami Unwoti mɔɔsu-mii.

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Mateo 24:4

Yesu ɔ́su-ma ɔnini, “Bɛsia anu kaduɛ na ukyuli ɔdi ulátɔlɔ-mii.

Marko 13:22

Ɔsika ama bani ndubɔbla lɛlɔ aani Kristo ku Katɔti kenye bediene kedee pii badubudie lɛlɔ keyi. Badubɔbla akɔla ku ayiala pii kalɛ na si bakana ni, na batɔlɔ Katɔti bekyuli bani na ɔ́ƒuna lɛnɔ.

Marko 13:5

Amu na Yesu ɔ́su-ma ɔnini, “Binye kagyumana, na bitaya na ukyuli ɔdi ɔtɔlɔ-mii.

Romaƒuɔ 1:18

Katɔti uudie nwuna kɔnyi keyi taasiku katɔ na ala ani mɔɔta teenye-nwu lɛlɔ ku likyulikpi ala bɔbla bɔni muutile bekyuli kuƒi ka bati Katɔti litemi geen lɛmmɔ.

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Koloseƒuɔ 2:4

Mɔɔsu-mii ɔmɛni kalɛ na ukyuli biala uleti kenyemini etemila adi ulakyaku-mii unyeƒi na ɔtɔlɔ-mii.

Koloseƒuɔ 2:8

Bɛnu kaduɛ kalɛ na ukyuli ɔdi uleti nwuna kayawi lɛnunda lɛni neeebo kɔsia kɔdi ulátɔlɔ-mii. Ɔsika lɛnunda lɛmmɔ ni, lɛsiaku bati kuuku ɔdi bɔbla ku kayawi kamɛni ala bɔtina kama na ɔɔɔdi Kristo kudɔ na ɔ́si.

Koloseƒuɔ 3:6

Ala amɛni udu bɔbla ɔsu ni, Katɔti ɔdubo kɔnyi buti bɔkya bani naaabla kalɛ na nwuna litemi lɛɛsu.

Tesalonikaƒuɔ 2 2:3

Bitaya na ukyuli ɔdi ɔtɔlɔ-mii na ulu biala lɛlɔ. Ɔsika Blɔti limeyi lɛmmɔ lilebo tɔ utédu uwi ɔni na bekyuli pii badubuni Katɔti asa na ukyuli ukpidi ɔmmɔ ɔni na Katɔti údie úse ka ɔkyula ɔda ɔlɛ.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Hebriƒuɔ 3:19

Anwuɔsu bɔ́nu bɔ́ti ka ɔni na bátaƒɔ-nwu bátadi ɔsu na bátakana-nwu bɔni bude na bakɛ bɔnwuna.

Petro 1 2:8

Na Bunweni Kedee Ɔku likpo bamba lɛɛsu lɛnini, “Ɔdi lɛtabi lɛni ndubɔya na bekyuli betulo, na ani kani ndubɔya na begyiile bebuli.” Bétulo, ɔsika bátadi litemi lɛmmɔ lɛlɔ. Na lɛni na Katɔti ɔ́su úse ka walɛku-ma.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.