Eƒesoƒuɔ 5:4 - Katɔti Ɔku Kedee

⁴ Lɛni kani na utalɛka bitatɛmi kɔyalɛtɛ, ɔsika atɛ ekpidi ku adɔlɔla na adi. Mmomu biti linugya biteete Katɔti.

Eƒesoƒuɔ 5:4 ပူးပေါင်းရင်းမြစ်များ

Kɔgya 33:1

Amii bani nsiaku-nwu kama siin bibo lɛlɔyɔ kudu na bɛsu lɛla lɛni na Unwoti ɔ́bla úte-mii. Na amii bani muunú-nwu litemi ni, bimwi-nwu lɛnyi.

Kɔgya 92:1

Ɔdia ka butaagya awɔ Katɔti enu na budie lɛnu bumwi awɔ Unwoti Ɔyikune Ƒui.

Agba 12:23

Banundane belebo bana lɛlati kudu. Nsu badɔlɔdi ama beedie bana kɔdɔlɔ keyi.

Agba 15:2

Ɔnundane ni, ala bɔtɛya bɔdi-nwu ebiti. Na badɔlɔdi ni, bágyu kenye beti beedie kɔdɔlɔ keyi.

Agba 26:19

lɛni kani na si ukyuli ɔdi ɔ́nyi ɔkɔ ɔ́su nwuna ɔkpana lɛla lɛdi na ɔ́ƒɔ-ni ku kayi asa kama na ɔnini, “Bɔƒia kani na nda” ni, ubo liƒu.

Etemila 10:13

Badɔlɔdi balabla kasusu si baatɛmi. Na ɔmmɔ muuboku-ma ɔgbankpi na kawɔlɔkɔ.

Daniel 6:10

Daniel únu ɔda bubo bɔni na bényimi, nsu ka úsie kaduli ɔ́kɔ úsie ɔtɔ ɔtɔdi kemmo ni, úténye ƒansili ɔni néti anumi ɔ́tina Yerusalem na ɔ́lɛ akɔnkɔ ɔ́kpali Katɔti kalɛ kani na ɔɔyɔ́ bɔbla limeyi ndi limeyi, ɔsika kɔtɛ na ɔɔkpali Katɔti limeyi biala kemmo taagya-nwu enu.

Marko 7:22

ɔdivo ku kasusu kekpidi buti ku ɔkɔ bɔnyi ku ɔlɔna ala ɔkwɛ bɔda bɔni muukpó kɔƒa ku lɛnungyie na bekyuli bamba ala lɛlɔ ku linyeda ku lɛlɔ bɔtina ku kɔdɔlɔ.

Yohane 6:23

Uwi ɔmmɔ kemmo ni, lɛkɔlɔ bamba lɛni nási Tiberia líbo líbedi línye-ma kudɔ na kesii kani na Yesu úti bodobodo úte-ma na bádi mmɔ uwi ɔni na Blɔti ɔ́gya Katɔti enu ɔ́wɔlɔ kemmo.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Korintoƒuɔ 2 1:11

Ɔlɛka amii lɛnɔ bibunku-bu na bɛkpali katɔ bite-bu. Ɔsika si bekyuli pii bákpali katɔ na Katɔti úbunku-bu ni, bekyuli pii badubɔgya Katɔti enu na kalɛ na úbunku-bu ɔsu.

Korintoƒuɔ 2 9:15

Bɛya na bɔgya Katɔti enu na litela libendi geen lɛni na úti úte-bu ɔsu. Bulakana litela lɛmɛni kalɔ budie.

Eƒesoƒuɔ 1:16

ńtada linugya buti teete Katɔti na bina lili ńtaya. Na uwi biala na mɔɔkpali katɔ ni, muuvele na bina lili.

Eƒesoƒuɔ 4:29

Bitasu etemila ani muusé lɛlɔ, mmomu bɛsu etemila ani mɔɔkya ukyuli ɔkplu kalɛ na ɔ́manku. Na si bekyuli bénu bina etemila ni, na bakɛ kɔsia.

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Koloseƒuɔ 3:8

Nsu ɔƒɛni ni, ɔlɛka bɛda ala amɛni udu bɔbla bɛya. Anya ndi kɔnyi buti ku ala ani mɔɔtu bekyuli kayi ku bekyuli lɛlɔ kasusu kekpidi buti. Na bitalɔ lɛlɔ anyikpi, na bitaya na etemila ani mɔɔyá na ukyuli uusé lɛlɔ alɛ-mii kenye.

Tesalonikaƒuɔ 1 3:9

Bulakana Katɔti enu bɔgya na bina lili na wedu ebiti ani na úte-bu na amii ɔsu.

Tesalonikaƒuɔ 1 5:18

Na biti enugya bite Blɔti na lɛla biala kemmo. Ɔsika amɛni ndi ala ani na Katɔti ɔɔwia taasiku amii bani ƒui nsiaku Yesu Kristo kama.

Ƒilemon 1:8

Na ina ka lɛkana lise kayi aani ƒula unengu na Kristo kemmo na lɛsu-ɔ nnii bla lɛla lɛni na ɔlɛka abla ni, mɔɔyɔ́ ka livele-ɔ mmomu. Ami Paulo ɔni náabi mɛni na nsɔ ndi ɔtɔntɛne lɛnɔ na Kristo Yesu ɔsu ni, muuvele-ɔ na ƒula bɔyɔ bɔmɛni ɔsu.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Petro 2 2:7

Katɔti údie Lot ɔni nse siin, ɔsika ngba bukpidi ku lɛyalɛ ala ani na bekyuli bammɔ baabla áda-nwu ɔƒɛ.

Yuda 1:10

Nsu bekyuli bamɛni udu ama ni, lɛla biala kalɔ na bétenu ni, beewida na beedumi. Na ala ani kalɔ na bénu ni, beléti kasusu mmomu baabla-nya aani bebuo kalɛ. Na anya geen mɔɔyila-ma udu.

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.