Eƒesoƒuɔ 5:29 - Katɔti Ɔku Kedee

²⁹ Ɔsika ukyuli ɔdi uuubo ɔni na uukisi nwuna ɔlɔna. Mmomu ni, ɔɔnu-nwu lɛlɔ na ɔɔbla-nwu kaduɛ, aani kalɛ na Kristo ɔɔbla teete nwuna baƒɔtaadine lɛkpa lɛmmɔ.

Eƒesoƒuɔ 5:29 ပူးပေါင်းရင်းမြစ်များ

Ala Kalɔ Buse 2:23

Mmɔ ni, ɔnana ɔmmɔ ɔ́su ɔnini, “Likubi lɛmɛni lɛ́si mina ekubi kemmo. Na ɔlɔna ɔmɛni ɔ́si mina ɔlɔna kemmo. Ndubɔlɔ-nwu nnii uleku. Ɔsika ɔnana kemmo na bédie-nwu bálɛku.”

Agba 11:17

Si aabla lɛƒɔndia ni, awɔ ɔlati ƒula kɔyu mɔɔlɛ́ lili. Nsu si aabla kalala ni, aayila lɛlɔ udu.

Etemila 4:5

Ɔdɔlɔdi muuti enu taasia nwuna kayi na anu ka ɔkɛ ɔɔví, na anwuɔsu lɛnɔ na kɔka kɔɔdú-nwu.

Yesaia 40:11

Ɔɔtɔnku nwuna badi aani baƒonu ɔdane buni, na ɔɔgyu baƒonubi bammɔ taada enu. Na ɔɔda-ma taamana nwuna kayi. Na bani nda bebi ni, ɔɔkpanku-ma buɛɛ.

Esekiel 34:27

Na bana adingyii adubo bɔnwu kaduɛ na edula lɛnɔ adia-ma. Ndubo bɔya na bakɛ bɔnwuna ƒaa na belie bana kalɔ lɛlɔ ku atu bɔyɔ na basɔ balabla ukyuli bamba kabla. Na badubɔnu bati ka ami ndi Unwoti.

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!

Mateo 6:26

Bɛnu baasɛ ka balátuma na baláklibi edula teese teete lɛlɔ na linwu kemmo, nsu bina Katɔti ɔɔnu-ma lɛlɔ. Na ɔdubɔnu amii lɛlɔ utulo-ma, ɔsika bɛ́ƒɔ kuye bítulo-ma.

Romaƒuɔ 1:31

Badi bekyuli bani naaagyi lɛbuni ku likpidi kavumana. Na baládi bana ala ani na básu lɛlɔ. Na lɛla lɛdi lilakywi-ma kaƒɔ. Na balánu ukyuli kɔnyana.

Eƒesoƒuɔ 5:28

Lɛni kani na ɔlɛka bagya bayɔ bana beleku aani kalɛ na baayɔ́ ama alati bana ɔlɔna. Na ɔnana ɔni mɔɔyɔ́ ulekudi ni, ɔɔyɔ́ anwu ɔlati ɔlɔna.

Eƒesoƒuɔ 5:30

Ɔsika bɔdi nwuna lɛlɔ kakɛ kadi.

Eƒesoƒuɔ 5:31

Bunweni Kedee Ɔku ɔɔsu ɔnii, “Ɔmɛni ɔsu na ɔnana ɔdubɔmami ɔti ku uni lɛlɔ na uti lɛlɔ utámana ulekudi na bana inyɔ badubɔbla ɔlɔna unwi.”