Eƒesoƒuɔ 5:23 - Katɔti Ɔku Kedee

²³ Ɔsika uleku ɔgya ɔdi lili ute ulekudi aani kalɛ na Kristo ɔdi lili ute baƒɔtaadine lɛkpa lɛni ndi nwuna ɔlɔna. Anwuɔsu na úti lɛlɔ ɔ́kpa na bana lili kalɛ na bakɛ bɔƒɔ.

Eƒesoƒuɔ 5:23 ပူးပေါင်းရင်းမြစ်များ

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Korintoƒuɔ 1 6:13

Ukyuli bamba lɛnɔ ɔdubɔkana na ɔsu ɔnii, “Kaƒɔ ɔsu na bédie adila, na kaƒɔ na adila ese ete.” Sɔsɔ na ɔdi, nsu Katɔti ɔdubɔya na ana ƒui uwi ubavi. Na ɔɔɔdi ka buti bula ɔlɔna butaabla kɔsɔnɔ bɔdi ala. Mmomu ɔdi ka buti butaabla Blɔti kabla. Na anwu ɔdubute ɔlɔna ɔmmɔ lɛla lɛni námanku-nwu.

Eƒesoƒuɔ 4:15

Mmomu si bɔ́su litemi geen na bɔyɔ kemmo ni, bɔdubɔlɛ lili aani Kristo ɔni ndi bula ƒui lili mmɔ ɔlati na ulu biala lɛlɔ.

Eƒesoƒuɔ 5:24

Kalɛ na baƒɔtaadine beeboku lɛlɔ kalɔ teete Kristo ni, lɛni kani na ɔlɛka beleku lɛnɔ beteeboku lɛlɔ kalɔ teete bana bagya na lɛla biala kemmo.

Koloseƒuɔ 1:18

Anwu ndi lili ute nwuna ɔlɔna ɔni ndi baƒɔtaadine lɛkpa lɛmmɔ. Na ɔdi lɛkpa lɛmɛni kalɔ kesekɔ. Anwu ndi Katɔti Ubi udeedi ɔni na ɔ́gyila ɔ́lɛku bekpine akɔ, kalɛ na ɔtɔnku lɛla biala.

Tesalonikaƒuɔ 1 1:10

Na binye bɛgya Ubidi Yesu ɔni na ɔ́gyila ɔ́lɛku bekpine akɔ, na úbo uli ngba ku Katɔti, na ɔsɔ ɔdubɔsi Katɔ Ɔga Ɔma mmɔ ubo. Yesu ɔmɛni kani ndubɔkana na ɔƒɔ-bu ɔlɛku kɔtu bɔni bɔni na Katɔti ɔdubute ekpidi bablane ƒui kemmo.

Budie Taatina 19:7

Bɛya na bula ƒui bɔkɛ ebiti na lɛlɔ lɛyɔ-bu na bɔkɔliku-nwu lɛnyi katɔ. Ɔsika Katɔti Koƒonu Ubi ɔmmɔ limeyi libendi lɛmmɔ lídu aani kalɛ na beeti uleku. Na Katɔti bekyuli báaklibi lɛlɔ bése aani uleku ɔmmɔ kalɛ.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.