Eƒesoƒuɔ 5:20 - Katɔti Ɔku Kedee

²⁰ Na bɛgya Katɔti ɔni ndi bula Ɔti enu na Blɔti Yesu Kristo lɛnyi kemmo uwi biala na lɛla biala ɔsu.

Eƒesoƒuɔ 5:20 ပူးပေါင်းရင်းမြစ်များ

Hiob 1:21

Mmɔ na ɔ́su ɔnini, “Kasɔngya na mina uni ɔ́wɔ-mi ɔ́lɛku nwuna kaƒɔ kemmo, na kasɔngya kani na ndubɔsɔ linwini. Unwoti néte, na Unwoti násɔ ɔ́ƒɔ. Bemwi Unwoti lɛnyi!”

Kɔgya 34:1

Ndubuteemwi Unwoti uwi biala kemmo. Na lɛɛɛdubo-nwu enu bɔda bɔgya bɔya kudii.

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Romaƒuɔ 1:8

Kudeedi ni, nkɛnku Yesu Kristo lɛlɔ mɔɔgyá mina Katɔti enu na bina ƒui lili, ɔsika kayawi bekyuli ƒui beenú kalɛ na bɛ́ƒɔ Kristo bɛ́di.

Korintoƒuɔ 1 1:4

Mɔɔgyá Katɔti enu uwi biala na bina lili ɔkɛnku lɛƒɔndia lɛni na úte-mii ɔ́siaku Yesu Kristo lɛlɔ ɔsu.

Korintoƒuɔ 1 15:24

Ɔmmɔ kama ni, kawɔlɔkɔ kammɔ kadububo. Na Kristo ɔdubɔyila bayikune ku kenyekɔ ku ɔyikun ƒui udu. Na Kristo ɔdubuti lɛga kadikɔ kammɔ ɔkya Katɔti ɔni ndi Ɔti enu kemmo.

Eƒesoƒuɔ 5:4

Lɛni kani na utalɛka bitatɛmi kɔyalɛtɛ, ɔsika atɛ ekpidi ku adɔlɔla na adi. Mmomu biti linugya biteete Katɔti.

Ƒilipiƒuɔ 1:3

Uwi biala na bina kasusu kébo-mi lili ni, mɔɔgyá Katɔti enu na bina lili.

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Tesalonikaƒuɔ 1 3:9

Bulakana Katɔti enu bɔgya na bina lili na wedu ebiti ani na úte-bu na amii ɔsu.

Tesalonikaƒuɔ 1 5:18

Na biti enugya bite Blɔti na lɛla biala kemmo. Ɔsika amɛni ndi ala ani na Katɔti ɔɔwia taasiku amii bani ƒui nsiaku Yesu Kristo kama.

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.