Eƒesoƒuɔ 5:19 - Katɔti Ɔku Kedee

¹⁹ Na biti Bunweni Kedee Ɔku kemmo lɛnu etemila bɛtɛmiku lɛlɔ, na bidie bɔƒɔtaadi lɛnu ku lɛnu lɛni ndanku Katɔti Kɔyu ala. Bɛtu lɛnu ku agyala biti bimwi Blɔti na bina kayi kemmo.

Eƒesoƒuɔ 5:19 ပူးပေါင်းရင်းမြစ်များ

Kɔgya 147:7

Bidie enugya lɛnu bimwi Unwoti. Na bɛgya lɛbentaa bidie bumwi lɛnu bite bula Katɔti.

Kɔgya 62:8

Amii bekyuli ƒui, biti bina kayi ƒui bɛsia Katɔti lɛlɔ uwi biala. Na biteevele-nwu ala ani ƒui na bɛɛyaki. Ɔsika Katɔti ɔdi katamikukɔ.

Kɔgya 86:12

Ndubɔgya-a enu ku mina kayi ƒui na nteemwi-ɔ lɛnyi lɛni muukeye uwi ƒui.

Kɔgya 95:2

Bɛya na bɔgya-nwu enu na bumwi-nwu ku ebiti lɛnu momoomo.

Yesaia 65:14

Mina kabla bablane badubo lɛnu budie ku kubiti bɔsiku bana kayi kemmo nsu amii bɛdubo kɔnyana buwulo na kayi kakpulu-mii na bɛyila lɛnunsia biala.

Mateo 15:8

Katɔti ɔnini, “ ‘Bekyuli bamɛni bada bana kenye kani baabu-mi, nsu balayɔ-mi na bana kayi kemmo.

Mateo 26:30

Amu na bátu ɔnu ɔdi béti bemwi Katɔti, na bávi bálɛ bésie Inɔ Egyii Kɔbi lɛlɔ.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.

Korintoƒuɔ 1 14:15

Anwuɔsu bi na ɔdi ka lɛbla? Ndubɔkpali katɔ ku mina kɔyu bɔdi, nsu ndubɔkpali katɔ ku mina kasusu lɛnɔ. Na ndubudie lɛnu ku mina kɔyu, nsu ndubudie lɛnu ku mina kasusu lɛnɔ.

Korintoƒuɔ 1 14:26

Banwa, mɔɔwia ka liti lɛla lɛdi libunku ɔmɛni na bina bɔsa kemmo. Si uwi ɔni na bɛ́sa bɛnii bɛɛkpali katɔ ni, ɔdi ubo ɔnu ɔni na ɔɔyɔ́ ka udie, na ɔdi lɛnɔ ubo lɛla lɛdi na ɔɔyɔ́-ka ɔtina. Na ɔdi lɛnɔ ɔɔyɔ́ ka udie Katɔti lɛla lɛdi ɔtina. Na ɔdi lɛnɔ ɔdanku kenye kadi na adi lidu lidu kemmo, na ɔdi lɛnɔ kalɛ na udie ala ammɔ kalɔ. Nsu ɔlɛka bɛbla ala amɛni ƒui kalɛ na ute baƒɔtaadine lɛkpa lɛmmɔ kebunku.

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Yakobo 5:13

Si bina ɔdi ɔkya lɛbibo kemmo ni, ɔlɛka ɔkpali Katɔti na ɔdububunku-nwu. Na si lɛlɔ mɔɔyɔ́ ɔdi lɛnɔ ni, utaatu lɛnu teemwi Katɔti.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.