Eƒesoƒuɔ 5:18 - Katɔti Ɔku Kedee

¹⁸ Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Eƒesoƒuɔ 5:18 ပူးပေါင်းရင်းမြစ်များ

Ala Kalɔ Buse 9:21

Amu ka ɔ́ni egyiibi ani na úti ɔ́bla ntɛ mmɔ ni, ntɛ bɔmmɔ bɔ́da-nwu na bɔ́ya-nwu na ɔ́tɛ ɔ́lɛɛ na údie lɛlɔ kasɔngya na nwuna kevo kemmo.

Kɔgya 69:12

Mina lɛlɔ litemi kani na litemi batɛne ku benengu bada baasu.

Agba 20:1

Ntɛ muuboku budumi taama. Na muna bɔda lɛnɔ muuboku kekpo. Anwuɔsu si ukyuli ɔ́ya na ntɛ bɔ́di-nwu lɛlɔ ni, ɔɔɔdubo anu bɔda.

Lɛnu Ƒui Ɔnu 1:4

Kpanku-mi da na bɔtɔlɔ pla! Na awɔ ɔga eti-mi eduoku ƒula kɔtɔma. Lɛlɔ lɛɛyɔ́-bu na ƒula lɛlɔ. Na kalɛ na aayɔ́ bekyuli ubo emini utulo ntɛ mini mini. Ɔdia geen ka bemwi-ɔ.

Lɛnu Ƒui Ɔnu 7:9

Si ukyuli ɔ́kya-a kɔgbu ni, ɔɔyu kayi teetulo si áni ntɛ bɔni ndia ntulo ƒui. Bi nsɔ nse mini mini na ɔdia lɛni?

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Yesaia 5:22

Bɔbuɛ beete bani na ntɛ kanikɔ na badi bayikune na ama ntulo ƒui ka baasála-mu lidu lidu taani ɔsu.

Yesaia 55:1

“Amii bani ƒui na utukwɛ ɔɔda ni, bibo na bibani ntu! Na amii bani na kɔka kɔɔda na biiibo egulabi adi ni, bibo na bibeye bɛdi ƒaa kayu taƒɔ taƒɔ! Bɛni ntɛ bɔbuni ku anyi ntu ƒaa nsu bitaƒɔ kayu kadi.

Lewiƒuɔ Ɔda Bubo 10:9

“Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli.

Mateo 23:25

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛɛƒɔ bina lɛɛƒɛɛ ku akyami kama na eekeye, nsu ana kemmo eesé lɛlɔ aani kalɛ na bíyi ku ɔdivo ku ami lɛti lɛkɛ.

Mateo 24:49

Anwuɔsu ɔdubuse kalɔ uteebo nwuna kabla ɔblane bakpana bammɔ. Na anwu ku ntɛ bekpine bataadi na bataani.

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Luka 11:13

Ina ka bɛdi alaekpidi bablane ni, bɛgyi kalɛ na biti ala abuni bite bina bebi. Amu na Ati ɔni nkya katɔ nɔɔ? Bi ɔsu na uleti nwuna Kɔyu ulete bekyuli bani muuvele-nwu?”

Luka 12:45

Nsu si kabla ɔblane ɔmmɔ ɔ́su ɔnii, ‘Mina Unwoti úsela útákya ulu na uwi utu,’ ɔsu na úse kalɔ ɔɔdi na ɔɔní ntɛ teekpi na uubó kabla bablane bakladi bani ndi banana ku beleku ƒui na ɔɔbla-ma kalala ni,

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Yohane 2:10

na ɔ́su-nwu ɔnini, “Bi na ábla mɛni? Ntɛ bɔbuni na bekyuli pii beeti teese kalɔ na si uwi ɔni na báani na búdu-ma ɔkwɛ asa beeti bukpidi teeboku. Nsu awɔ ni, ɔƒɛni na édie ntɛ bɔbuni keyi!”

Batalane Kabla 11:24

Barnaba ɔdi ukyuli ɔbuni ɔni mbo bɔƒɔtaadi, na Katɔti Kɔyu kɔ́ƒɔ-nwu lɛlɔ kemmo ƒui. Nwuna kebunku ɔsu ni, baƒɔtaadine bammɔ bémomo bébu.

Romaƒuɔ 13:13

Bɛya na bɔda bula lɛlɔ kaduɛ aani bekyuli bani nkɛ mɔɔví bukeye kemmo. Na ɔɔɔdi adikpi emeyi bɔdi ku ntɛ bukpi ku lɛyalɛ ala ku likyulikpi ala ku lɛlɔ ntɛ bule ku lɛnungyie.

Korintoƒuɔ 1 11:21

Ɔsika si bɛɛdi ni, bilénye taagya lɛlɔ asa na ɔdi biala uti nwuna adila ɔdi. Ɔmɛni ɔɔyá na kɔka kɔɔda badi na badi ama baaní ntɛ teekpi.

Korintoƒuɔ 1 5:11

Mmomu lɛla lɛni mɔɔtina ndi ka ukyuli ɔni na ɔɔlɔ lɛlɔ ɔnii ɔnwa ɔƒɔtaadine nsu ɔɔdi kɔsɔnɔ iye ubo lɛnungyie iye ɔɔkpá baƒiɔ iye ɔɔlɔ bekyuli anyikpi iye uukpi ntɛ iye uuyú ni, awɔ ku-nwu bitabla lɛla lɛdi bitasala. Na bitakya kɔnu lɛkyami linwi kemmo bitadi muedi.

Lɛkpa Ulu 21:20

Na si bawɔne bammɔ béti-nwu bésienku-ma anumi ni, lɛla lɛni na ɔdi ka bawɔne bammɔ basu ndi ɔnini, “Bula ubi ɔmɛni ubo atuɔkplu na ɔɔta teenye-bu lɛlɔ na si bɔ́su-nwu lɛla lɛdi uléti na ubo lɛkantakpi na ɔdi ntɛkpine ubendi.”

Tesalonikaƒuɔ 1 5:7

Ɔsika ama bani mɔɔlɛɛ ni, usien na baalɛɛ. Na ama bani muukpi ntɛ ni, usien na beekpi-mu.

Tito 1:6

Ɔƒɔtaadine unengu ni, útalɛka litemi lɛdi lɛda-nwu. Na ɔdi ukyuli ɔni na úti uleku unwi. Na nwuna bebi lɛnɔ badi bebi bani nda bɔƒɔtaadi kaduɛ, na beeebo atuɔkplu, na baabu bana bawɔne.