Eƒesoƒuɔ 5:14 - Katɔti Ɔku Kedee

¹⁴ Ɔsika lɛla lɛni na bédie keyi líduo bukeye kemmo. Ɔmɛni ɔsu na básu banii, “Awɔ ɔni mɔɔlɛɛ ni, gyinya na ata alɛ bekpine akɔ, na Kristo ɔdubukeye uwi-ɔ lɛlɔ.”

Eƒesoƒuɔ 5:14 ပူးပေါင်းရင်းမြစ်များ

Yesaia 26:19

Nsu bani na badi awɔ badi ina ka békpi ni, badubɔsɔ bata ku bana ɔlɔna na belie ngba. O amii bani nkya kaƒiɔtɔ kemmo, bɛta na bidie lɛnu ku lɛlɔyɔ! Ɔsika ɔtanta amii na adi muuwi-mii lɛlɔ. Na kalɔ kammɔ kadubo kana bekpine bammɔ bɔwɔ bɔlɛku mmɔ.

Yesaia 51:17

Yerusalem kadi bekyuli, bɛta! Bɛta binye, ɔsika Unwoti lɛtuni lɛni na úte-mii na bɛ́ni aani ntu na ɔɔƒɛɛ kemmo límo-mii lɛ́vili ɔƒaamu. Bɛ́ni lɛla biala útédu eku ekplodi na bɛsɔ bilakana na bisie ligeen.

Yesaia 52:1

Yerusalem, ta nye! Sion ɔma kedee, nye lɛgba lɛlɔ kpakplaa na ada lɛlɔ ku ƒula adala abuni ƒui. Ɔsika baƒɔ bani nébo bébebile ɔma kedee ɔmmɔ kemmo basɔ baaadubo keliekɔ kadi bɔkɛ na ƒula kemmo ɔƒɛni amu.

Yesaia 60:1

“Yerusalem kadi bekyuli, bɛta na bikeye! Ɔsika Unwoti bukeye bɔ́tu aani ɔƒɛ na buuwi-mii lɛlɔ.

Luka 1:78

Bula Katɔti use buɛɛ, na ɔɔnu kɔnyana. Ɔdubɔtala Ɔƒɔne ɔkya-bu ɔni muukeye aani kalɛ na ɔƒɛ ɔɔtu.

Luka 15:24

Ɔsika mina ubi ɔmɛni ni, búti-nwu bɔnii úkpi. Nsu ɔ́sɔ únwini úbo ngba. Ɔ́yii na bɔ́sɔ bɔ́nu-nwu.’ Ɔmɛni ɔsu bése kalɔ ku limeyi bɔdi.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Yohane 9:5

Na lebo lɛni kemmo na nkya bayawine akɔ ni, ami ndi bana bukeye.”

Batalane Kabla 13:47

Ɔmɛni ndi bɔkada bɔni na Katɔti úti úte-bu ɔnii, “ ‘Lɛ́bla-mii aani bukeye líte bani naaadi Yudaƒuɔ kalɛ na biti bɔƒɔ biboku kayawi ɔkɔkɔ biala.’ ”

Romaƒuɔ 6:13

Iye bitete kuƒi na likpidi lɛƒɔ bina ɔlɔna kemmo kesii biala na bitaabla likyulikpi. Mmomu biti bina lɛlɔ bite Katɔti aani bekyuli bani na Katɔti ɔ́gyila ɔ́lɛku kukpi kemmo úboku ngba kemmo. Na bɛnyonu bina lɛlɔ ekpo ƒui bite Katɔti aani ala ani nse siin na uti ɔbla nwuna kabla.

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Eƒesoƒuɔ 2:1

Uwi ɔdi návi kemmo ni, bíse aani bekyuli bani nékpi na kɔyu kemmo, ɔsika bítaabla atuɔkplu ku ekpidi.

Eƒesoƒuɔ 2:5

uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Koloseƒuɔ 3:1

Ka amii ku Kristo na Katɔti ɔ́gyila ɔ́lɛku bekpine akɔ ɔsu ni, bɛwia ala ani nkya katɔ kama ulu na kesii kani na Kristo ulie ɔɔdiku Katɔti lɛga.

Tesalonikaƒuɔ 1 5:6

Anwuɔsu bitaya na bɔlɛɛ na budie lɛlɔ atu aani ama bani naaagyi Blɔti. Mmomu bɛya bunye kagyumana na bɔda lɛlɔ kaduɛ.

Timoteo 2 1:10

Nsu ɔƒɛni na Katɔti údie ɔmɛni ɔ́tina-bu nwaa na Ɔƒɔne Yesu Kristo ɔmɛni bubo kemmo. Anwu nádi kukpi ɔyikun lɛlɔ. Na ɔkɛ nwuna litemi buni lɛlɔ ni, údie ngba bɔni nsɔ naaadubo bɔsa kudii keyi.

Timoteo 2 2:26

Ɔmɛni ɔsu bana kasusu kadubɔlɛmi na balɛ Satan ɔni néti-ma únwini nwuna lɛƒɔyɔ bablane kakpagyuɛ kemmo.