Eƒesoƒuɔ 4:8 - Katɔti Ɔku Kedee

⁸ Aani kalɛ na Bunweni Kedee Ɔku ɔɔtina ɔnii, “Uwi ɔni na ɔ́kɔ úsie katɔ ƒui ni, úti bekyuli bani na úkpo ɔ́ƒɔ ƒui ɔ́tɔlɔku. Na úte-ma etela.”

Eƒesoƒuɔ 4:8 ပူးပေါင်းရင်းမြစ်များ

Ester 2:18

Ɔmmɔ kama ni, Ɔga Ahasweros ɔ́lɔ nwuna benengu ku lɛku batine ɔ́siku kɔlɛkɛ kɔmmɔ ƒui kemmo úboku limeyi bonwu lɛdi kadikɔ úti ɔ́kya Ester ebiti, na úte bekyuli ala geen, na ɔ́su lɛnɔ ka ɔdi utabla kabla kadi limeyi lɛmmɔ.

Kɔgya 68:18

Uwi ɔni na ákɔ ésie katɔ ƒui ni, éti bekyuli bani na ékpo áƒɔ ƒui átɔlɔku. Na éte-ma etela. Na ƒula bekisine bani naaayɔ ka elie mmɔ muedi lɛnɔ béte-ɔ ala.

Agba 30:4

Ɔma nákɔ úsie katɔ na ɔ́sɔ únwini úbo? Na ɔma násala ɔƒɛƒɛɛ ɔ́kya nwuna lɛkɔkɔ kemmo? Ɔma násala ntu ƒui ɔ́kya nwuna awu bonwu ɔni mbi-nwu lɛlɔ kemmo? Na ɔma nátu kalɔ kammɔ lɛvi ƒui únyene kalɔ útédu kana kawɔlɔkɔ? Dɛ na baalɔ anwu ku ubidi? Su-mi si agyi!

Eƒesoƒuɔ 4:11

Anwu néti etela úte bekyuli na údie badi ka babla batalane, na badi lɛnɔ badi kenye bediene, na badi lɛnɔ badi lɛsa bakɔne, na badi lɛnɔ badi baƒɔtaadine lɛlɔ banune ku ala batinane.

Koloseƒuɔ 2:15

Na ugyii ɔmmɔ lɛlɔ ni, Kristo ɔ́ƒɔ ɔyikun ɔ́lɛku bayikune ku kenyekɔ biala enu kemmo. Na ɔ́kya-ma kɔƒa na bekyuli anumi ka ɔ́di-ma lɛlɔ.

Litemi Batɛne 5:12

Na básu banii, ‘Debora, tɔnku-bu! Debora tɔnku-bu! Na atɔnku-bu ku kɔgya. Awɔ Barak, Abinoam ubidi, ta na eti ƒula bekyuli beƒiedi kɔnakunwi!’

Samuel 1 30:26

Ka bébeduo Siklag ni, Dawid úti ala ani na béƒie báƒɔ bana bekisine kudɔ mmɔ adi úmene Yudaƒuɔ benengu bani na badi-nwu bakpana. Na ɔ́su-ma ɔnini, “Ɔmɛni ndi etela ani na líti muumene-mii ɔ́siku ala ani na búƒie bɔ́ƒɔ bɔ́siku Unwoti bekisine kudɔ.”