Eƒesoƒuɔ 4:5 - Katɔti Ɔku Kedee

⁵ Blɔti unwi nkya ku bɔƒɔtaadi bunwi, na ntu bɔkpila ɔdi unwi lɛnɔ nkya.

Eƒesoƒuɔ 4:5 ပူးပေါင်းရင်းမြစ်များ

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Batalane Kabla 2:36

Anwuɔsu mɔɔyá na amii Israelƒuɔ bɛti ka ni, Katɔti nábla Yesu ɔni na amii bɛ́du mɛni ɔnii unwini Blɔti ku Ukyuli Ɔƒunadi.”

Romaƒuɔ 3:30

Ɔsika Katɔti unwi pɛ kani nkya na anwu ndubɔbla na Yudaƒuɔ baabla siin ɔkɛnku bɔƒɔtaadi lɛlɔ. Lɛni kani na ɔdubɔbla bani naaadi Yudaƒuɔ lɛnɔ na babla siin ɔkɛnku bɔƒɔtaadi bɔmmɔ kani lɛlɔ.

Korintoƒuɔ 1 1:13

Muuye-mii nnii Kristo ule lɛlɔ kemmo akpa akpa? Munuu ni, Paulo nékpi na ugyii lɛlɔ na bina lili? Iye bákpila ɔdi ntu na Paulo lɛnyi kemmo? Oowo!

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Korintoƒuɔ 1 12:5

Lilu pii lɛkya na bɔɔbla kabla teete Katɔti, nsu Katɔti unwi ɔmmɔ kani na ɔdi.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Korintoƒuɔ 2 11:4

Lɛni na bɛɛbabla teegyingya enu taaƒɔ ukyuli biala ɔni muubo taabasu-mii litemi lɛbambadi lɛni mɔɔvumana Yesu ɔni lɛlɔ lɛsa na bɔ́kɔ búte-mii udu. Na bɛɛƒɔ́ kɔyu ku litemi lɛni naaadi Katɔti Kɔyu ku bula litemi buni lɛmmɔ taadi.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Eƒesoƒuɔ 4:13

Ulu ɔmɛni lɛlɔ na bɔdubo bɔsia na bɔsala bɔbla unwi na bɔƒɔtaadi kemmo na bɔti Katɔti Ubidi ɔmmɔ. Ɔmmɔ ndubɔya na bɔbi lɛlɔ budu likpo lɛni na bekyuli banu kalɛ geen na Kristo use bati ƒui na bula lɛlɔ kemmo.

Ƒilipiƒuɔ 2:11

Na ukyuli biala ɔdubudie kenye ɔnii Yesu Kristo ndi Blɔti. Na beti bumwi bete Unwoti Katɔti.

Ƒilipiƒuɔ 3:8

Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Tito 1:1

Ami Paulo ɔni ndi Katɔti kabla ɔblane ku Yesu Kristo ɔtalane ni, ami muunweni-ɔ ɔku ɔmɛni. Katɔti ɔ́ƒuna-mi na ɔ́tala-mi ɔnii mbunku nwuna bekyuli baƒunadi bɔƒɔtaadi na lɛtɔnku-ma na banu litemi geen lɛni na bula bɔƒɔtaadi ulu ɔɔtina bati.

Tito 1:4

Ɔyɔne Tito, muunweni-ɔ ɔku ɔmɛni ka adi-mi ubi geen na bɔƒɔtaadi bɔni kemmo bɔkya ɔsu. Na muuvele Katɔti ku Yesu Kristo ɔni ndi bula Ɔƒɔne nnii ɔda-a na nwuna lɛƒɔndia kemmo na ute-ɔ keyi buɛɛ.

Hebriƒuɔ 13:7

Binyimo bina batɔnkune bani násu-mii Katɔti litemi. Na bɛbu bɛnu kɔsia kɔni na bákɛ na ulu ɔni na béti bélie ngba kemmo. Na bɛnu bana bɔƒɔtaadi bɛtɛya.

Hebriƒuɔ 6:6

si béni bana bɔƒɔtaadi na Katɔti lɛlɔ ni, basɔ balakana na benwini kayi. Ɔsika basɔ baakana Katɔti Ubidi ɔmmɔ taamana ugyii lɛlɔ na baakya-nwu kɔƒa na kadi ƒui anumi.

Yakobo 2:18

Nsu ɔdi ɔdubɔsu ɔnii, “Ukyuli ɔdi ɔ́ƒɔ ɔ́di, na ɔbambadi lɛnɔ ɔɔbla kabla.” Ami mɔɔsu ukyuli ɔmmɔ nnini, “Udie ɔtina-mi kalɛ na ukyuli ɔdi ɔɔƒɔ́ taadi na ulábla kabla. Na ami ndubɔtina-nwu kalɛ na lɛ́ƒɔ lɛ́di na mina kabla kani na mɔɔbla kemmo.”

Petro 1 3:21

Na ɔmmɔ mɔɔtina-bu lɛla lɛni na bula ngba bɔƒɔ ntu bɔkpila ɔdi ɔmɛni ɔdanku. Ɔɔɔdi ɔlɔna lɛlɔ bɔkpi na ɔdi, mmomu ɔkɛnku kenye kani na búse búte Katɔti ku kayi kani nse sɛɛn lɛlɔ na ɔdi. Katɔti ɔɔƒɔ́-bu ɔkɛnku kalɛ na bɔ́ƒɔ Yesu Kristo bɔsɔ bɔta bɔlɛ bekpine akɔ bɔ́di ɔsu.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.

Yuda 1:20

Nsu ni, mina banwa, biti lɛlɔ bɛsia Kristo kalɛ na bina bɔƒɔtaadi kedee bɔyu ɔkplu, na bitaakpali katɔ na Kɔyu kemmo na ɔkya-mii ɔyikun.

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.