Eƒesoƒuɔ 4:32 - Katɔti Ɔku Kedee

³² Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Eƒesoƒuɔ 4:32 ပူးပေါင်းရင်းမြစ်များ

Samuel 2 7:21

Ɔkɛnku ƒula litemi ku lɛƒɔyɔ lɛlɔ na ábla ala enengudi amɛni na édie-nya átina ami ƒula kabla ɔblane.

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Kɔgya 145:9

Unwoti Katɔti ɔdia ute ukyuli biala. Na ala ani ƒui na údie ni, ɔɔnu ana ƒui kɔnyana.

Agba 12:10

Bekyuli babuni ni, baawia bana bebuo bani na baatumini muedi bɔdia. Nsu lɛƒɔndia lɛni na ulikplune ɔɔbla ukyuli ni, lɛdanku kasusu kekpidi.

Agba 19:11

Bekyuli bani mbo kasusu buni baabala bana kɔnyi. Na bekyuli badubo-ma bɔbu na baƒɔ lɛnyi si bédie bekyuli ekpidi atu.

Agba 19:22

Ukyuli lɛlɔ lɛɛda kubiti si aadi ƒula linyese lɛlɔ. Si adi ɔwabane ni, ɔdia utulo ka ataatuala na ataasu inye inyɔ inyɔ.

Yesaia 57:1

Bekyuli beenye taanu na beetiku bekyuli babuni taatádu ɔni na balasu lɛla lɛdi.

Yeremia 38:12

Amu na ɔ́su-mi ɔnini, “Ti adikpi amɛni kya ƒula kanwa kalɛ na kɔbuli kɔmɛni kulamana-a.” Anwuɔsu ka lɛ́bla lɛni lɛ́wɔlɔ ni,

Mateo 6:12

Na eti bula ekpidi akyiɛ-bu aani kalɛ na buuti taakyiɛ bani mɔɔƒiɔ́-bu.

Marko 11:25

Na si bíboku eli kalɔ bɛnii bɛɛkpali katɔ na bɛ́nu ka ukyuli ɔdi ɔ́ƒiɔ-mii ni, ɔlɛka biti bɛkyiɛ-nwu kalɛ na bina Ati ɔni nkya katɔ lɛnɔ weti bina ekpidi wakyiɛ-mii.

Luka 1:78

Bula Katɔti use buɛɛ, na ɔɔnu kɔnyana. Ɔdubɔtala Ɔƒɔne ɔkya-bu ɔni muukeye aani kalɛ na ɔƒɛ ɔɔtu.

Luka 11:4

Na eti bula alaekpidi akyiɛ-bu, ɔsika abu lɛnɔ buuti taakyiɛ ukyuli biala ɔni mɔɔƒiɔ́-bu. Na taya na buduo bukpoku taanu kemmo. Na edie-bu alɛku alaekpidi akɔ.’ ”

Luka 17:4

Si ɔ́bla lɛla lɛdi ɔ́ƒiɔ-ɔ maatɛ na limeyi linwi kemmo na ɔ́sɔ únwini úbo ubekpi-ɔ kɔtɔ maatɛ ɔmmɔ ni, ti kyiɛ-nwu.”

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Luka 6:37

“Bitababla bitatɛku bekyuli litemi, na Katɔti lɛnɔ ulatɛku-mii litemi. Bitadu bekyuli kɔtɔ, na Katɔti lɛnɔ uládu-mii kɔtɔ. Biti bɛkyiɛ bekyuli, na Katɔti lɛnɔ weti wakyiɛ-mii.

Batalane Kabla 28:2

Amu na kalɔ kamɛni lɛlɔ bekyuli báƒɔ-bu kaduɛ. Ka ɔnantu ku kɔyɔ uwi na ɔdi ɔsu ni, básala-bu ogya bonwu ɔdi na ketudɔ mmɔ na béte-bu eduo.

Romaƒuɔ 12:10

Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.

Korintoƒuɔ 1 13:4

Bɔyɔ bɔɔkɛ́ kayi na bɔɔbla kaƒɔ buni. Buuubo lɛnungyie na bulákun lɛmɛnɛ iye bɔtalaku lɛlɔ katɔ.

Korintoƒuɔ 2 2:10

Si bíti ukyuli ɔmmɔ bɔƒiɔ bɛ́kyiɛ-nwu ni, ami lɛnɔ líti lɛ́kyiɛ-nwu. Na si bɔƒiɔ bɔdi bɔkya bɔni na ɔlɛka liti lɛkyiɛ-nwu ni, líti lɛ́kyiɛ-nwu na Kristo anumi kalɛ na bɛbla unwi.

Korintoƒuɔ 2 2:7

Na ɔƒɛni ni, biti bɛkyiɛ-nwu na bɛkya-nwu ɔkplu kalɛ na lɛlɔ lilayuɛ-nwu na enu aƒɛ-nwu ƒui.

Korintoƒuɔ 2 6:6

Búdie lɛlɔ bɔ́tina ka bɔdi kabla bablane babuni na kalɛ na bɔda lɛlɔ sɛɛn ku kalɛ na bɔgyi Katɔti litemi buni lɛmmɔ. Buuwi lɛlɔ buɛɛ ku bula ablala na bekyuli akɔ, na bɔɔbla lɛƒɔndia. Katɔti Kɔyu kɔɔkya-bu lɛlɔ kemmo, na bɔɔyɔ́ bekyuli ku kaƒɔ nwaa.

Eƒesoƒuɔ 5:1

Ka bɛdi Katɔti bebi bani na ɔɔyɔ́ ɔsu ni, amii lɛnɔ bɛkya ɔkplu na bɛlɛ-nwu.

Yakobo 5:11

Bɔɔlɔ-ma bekyuli bani lɛlɔ lɛ́yɔ-ma ka bénye lɛbibo biala kenye ɔsu. Bínu kalɛ na Hiob ɔ́kɛ kayi ku kalɛ na Katɔti ɔ́ƒɔ-nwu kayu na kawɔlɔkɔ. Ɔsika Blɔti ubo kaƒɔ buni na ɔɔnu kɔnyana.

Petro 2 1:7

Na si bílie ngba bɔbuni bɔmɛni ni, na bɛkana na bɛdi kɔnwa geen. Na si bɛ́di kɔnwa geen kɔmɛni ni, na ɔya na bitaayɔ bekyuli ƒui.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Yohane 1 2:12

Mina bebi bayɔne, muunweni-mii ɔmɛni ɔsika mɔɔwia ka bɛti ka Katɔti úti bina ekpidi ɔ́kyiɛ-mii na Yesu Kristo ɔsu.

Rut Keliela Ɔku 2:20

Naomi ɔ́su Rut ɔnini, “Muuvele Unwoti ɔni mɔɔdi nwuna linyese lɛlɔ teete bekyuli bani nlie ngba ku bani nékpi ka ute ukyuli ɔmmɔ kusɛ kusɛ.” Amu na úsie anumi na ɔ́su ɔnini, “Ukyuli ɔni nétɔ-ɔ ala mmɔ ni, ɔ́si bula ɔtɔ kemmo. Na ɔdi ɔtɔ ɔmmɔ kemmo bekyuli bammɔ badi akɔ unwi ɔni na ɔkana na ute-bu kebunku.”