Eƒesoƒuɔ 4:31 - Katɔti Ɔku Kedee

³¹ Livo lɛda-mii buƒi lɛya na bekyuli lɛlɔ. Bɛya na bekyuli ala ada-mii kayi bɔtu aya. Na bɛda kɔnyi buti bɛya. Na bɛda kadɔ bɔdɔ bɛya. Na bɛsɔ bitalɔ lɛlɔ anyikpi. Na bɛsɔ biteti lɛlɔ kasusu biala.

Eƒesoƒuɔ 4:31 ပူးပေါင်းရင်းမြစ်များ

Ala Kalɔ Buse 27:41

Na ala ani nálɛ ƒui ɔsu ni, Esau úti kɔnyi ɔ́kya Yakob geen, ɔsika ɔti Isak úti nwuna kusɛ kusɛ úte Yakob. Mmɔ na ɔ́su ɔnini, “Kébu blii na bula ɔti ukpi. Na si uwi ɔni na buuwulo-nwu ni, ndubo mina ɔnwani Yakob bɔdu.”

Ala Kalɔ Buse 37:21

Ka Ruben únu kenye kamɛni ni, ɔ́sia ulu biala lɛlɔ ka údie-nwu ngba na bana enu kemmo. Ɔmmɔ ɔsu ɔ́su-ma ɔnini, “Bitaya na bubile-nwu ngba.

Ala Kalɔ Buse 37:4

Ka nwuna banwani bánu báti ka bana ɔti ɔɔyɔ́ Yoseƒ teetulo-ma ɔsu ni, balátɛmiku-nwu ku lɛdi buɛɛ munu munu. Na beekisi-nwu.

Ala Kalɔ Buse 4:8

Amu na Kain ɔ́su ɔnwani Abel ɔnini, “Ya na busie lɛku kemmo.” Na ka bésela ni, Kain úbo ɔnwani ɔ́du.

Samuel 2 13:22

Nsu Absalom útakpete ɔnwani Amnon na ɔsu-nwu ɔnii ɔ́bla lɛbuni iye ɔ́bla likpidi. Mmomu úti-nwu bukisi kpakplaa ɔ́si kalɛ na úbile ɔnwani ulekubi ɔsu.

Samuel 2 19:27

Na ubanyi ɔkɔ ɔ́sia ami, ƒula kabla ɔblane, úte awɔ mina ati ku ɔga. Mina ati ku ɔga, ese aani Katɔti ɔtu, anwuɔsu bla lɛla biala mɔɔyɔ́-ɔ kaƒɔ.

Samuel 2 19:43

Amu na Israelƒuɔ bédie Yudaƒuɔ bammɔ kenye banini, “Bubo kadikɔ akpa leevu na lɛgadi lɛmmɔ kemmo. Na si banii buti-nwu ulu ɔmmɔ lɛlɔ ni, bubo kuƒi na Dawid lɛlɔ butulo-mii, ɔsika abu náka kasusu buboku ka bɔsɔku bula ɔga buboku. Anwuɔsu ulu ɔmani lɛlɔ ɔsu na bɛɛnu-bu anumi?” Nsu Yudaƒuɔ bétete Israelƒuɔ lɛla lɛdi bɔsu.

Kɔgya 101:5

Ukyuli ɔni mɔɔbɛla lɛlɔ taalɔ bekyuli anyikpi ni, ndubɔyila-nwu udu. Na ukyuli ɔni mɔɔtina lɛlɔ na ɔɔkun lɛmɛnɛ ni, lɛɛɛdubo bɔtunaku-nwu.

Kɔgya 140:11

Taya na ukyuli ɔni muubile bekyuli anyi ɔkɛ bɔnwuna bɔdi na kalɔ kamɛni lɛlɔ. Ya na lɛbibo lɛsiaku bekyuli bani muuti kalala kasusu.

Kɔgya 15:3

Ukyuli ɔmmɔ ulalɔ bekyuli anyikpi. Na ulabla nwuna ɔkpana likpidi lɛdi. Na ulewi-nwu anumi kalɔ na kadi akɔ.

Kɔgya 37:8

Da kɔnyi buti ya. Na ada livoƒi ala aya. Taya na anumi egyie-ɔ. Si ɔɔɔdi lɛni ni, ɔdubuti-ɔ butákya likpidi bɔbla kemmo.

Kɔgya 50:20

Na bɛɛtɛmi enyekpi na bina banwani lɛlɔ. Na bɛɛlɔ bina benibi muedi anyikpi.

Kɔgya 64:3

Bádɔ bana linyemi aani kuwii na bana kenye ɔdu etemila na baatu taalɛ-mi aani kataminta atula.

Agba 10:12

Ukyuli bukisi bɔɔkya kadɔ ɔgya. Nsu bɔyɔ bɔsɔ bulánu likpidi na ukyuli lɛlɔ.

Agba 10:18

Ukyuli ɔni muukisi ukyuli na ɔɔbɛla-mu ɔdi ɔkɔ ɔnyine. Na ukyuli ɔni mɔɔlɔ bekyuli anyikpi ɔdi ɔdɔlɔdi.

Agba 14:17

Bekyuli bani muuti kɔnyi pla pla ni, baabla adɔlɔla. Na bekyuli bani mɔɔbɛ́ taabla ala kalɔ kalɔ ni, bekyuli beekisi-ma.

Agba 18:8

Ɔkɔ etemila ani nse aani lɛna wɛlɛ wɛlɛ ebo emini na anya mɔɔyu teduo ukyuli kayi kemmo.

Agba 19:12

Si ɔga úti kɔnyi ni, use aani kalɛ na gyata uubó lɛdi. Nsu nwuna lɛƒɔndia lise aani amii na livo lɛlɔ.

Agba 25:23

Kalɛ na ɔƒɛƒɛɛ ɔni muukpó taasi katɔ taayu uuboku ɔnantu ni, lɛni kani na katɛ ɔtɛne keeke ɔɔkya ukyuli kɔnyi.

Agba 26:20

Si ekyweni aakywí laa na ása ni, buni na ogya uuni. Lɛni kani na si kɔtɛ keeke kɔ́sa bɔtɛmi ni, kadɔ lɛnɔ kása.

Agba 29:22

Ukyuli ɔni muuti kɔnyi pla pla ni, ɔɔkya kekpo. Na kɔnyi kɔmmɔ kɔɔyá na ɔɔbla ekpidi lidu lidu.

Agba 29:9

Si ɔnundane úti ɔdɔlɔdi úsienku litemi katɛkɔ ni, kɔvanu kukpludi ku kɔdɔlɔ ala kani na mɔɔlɛ́ ɔdɔlɔdi ɔmmɔ kenye na uléboku keyi buɛɛ.

Agba 6:19

ɔkɔ kenye litemi bediene bani mɔɔnyi ɔkɔ taaka ala. Ukyuli ɔni mɔɔkya bekyuli ntɛ taabla ala ani na ubile banwani ntɛ.

Etemila 7:9

Tataababla ku kɔnyi buti na ƒula lɛlɔ kemmo. Ɔsika badɔlɔdi lɛgba akɔ na kúti-ɔ kúsela kutálɛlɛ.

Yeremia 6:28

Na adubɔnu ka bebo ɔkplu geen aani abuala egyiedi ku atonwudi. Na badi bekyuli bani mɔɔta teenye-mi lɛlɔ na ɔkɔ kani na baanyi uwi ndi uwi.

Yeremia 9:4

“Yeremia, ɔkɔ etemila kani na ƒula bakpana ku lɛlɔ bekyuli ƒui baasu taasiku-ɔ lɛlɔ. Anwuɔsu teti ƒula anu tasia-ma lɛlɔ.

Batalane Kabla 21:30

Amu na bɔva bɔmmɔ ɔsu ni, bekyuli ƒui béƒu na báta ku lɛsɛ na békeli bátása kakpakɔ mmɔ. Badi báni Paulo bálɛku kakpakɔ na bákalɛ kɔyakun ƒui.

Romaƒuɔ 3:14

Na ewida ku ɔdu úyi-ma kenye kemmo tɛ.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Korintoƒuɔ 1 5:8

Anwuɔsu ni, bitaya na bɔdi bula Kukpi Lili Bɔvia Limeyi ku bodobodo ɔni kemmo na bɔnyii bɔkukudi bɔni ndi likpidi ku likyulikpi ala ani bɔɔbla akya. Mmomu bɔɔdi limeyi lɛmɛni ku bodobodo ɔni kemmo na bɔnyii buuubo na bɔɔtina ka bɔɔɔdi anumi lɛlɔ bekyuli. Mmomu bɔkɛnku litemi geen lɛmmɔ.

Korintoƒuɔ 2 12:20

Mɔɔyia ka si líbo mmɔ ni, ndububo mbanu ka bɛ́vumana kalɛ na mɔɔwia-mii lɛnu. Na lɛni kani na amii lɛnɔ bɛdubɔnu ka lɛ́vumana kalɛ na amii lɛnɔ bɛɛwia ka bɛnu. Mɔɔyia ka ndububo mbanu ka bɛɛdɔ, na bɛɛbla lɛnungyie likpidi, na biiti kɔnyi taakya lɛlɔ, na bɛɛwia kalɛ na ɔdia ute amii lɛti pɛ, na biidumi lɛlɔ, na bɛɛlɔ lɛlɔ anyikpi, na bɛɛtalaku lɛlɔ katɔ, na biiƒú na lɛla biala kemmo.

Galatiƒuɔ 5:20

ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa

Eƒesoƒuɔ 4:22

Bátina-mii lɛla lɛdi na bina ngba bɔkukudi bulie lɛlɔ. Ani ndi ka bɛda udu ɔkukudi ɔni mɔɔtɔ́lɔ-mii teesienku ɔlɔna ɔkwɛ adala ekpidi kemmo mmɔ bɛya.

Eƒesoƒuɔ 4:25

Anwuɔsu bɛda ɔkɔ bɔnyi bɛya. Na ukyuli ɔdi biala ɔsu nwuna ɔkpanadi litemi geen. Ɔsika bula ƒui bɔdi Kristo lɛlɔ ekpo bute lɛlɔ.

Eƒesoƒuɔ 4:26

Si bíti kɔnyi ni, bitaya na bina kɔnyi kɔya na bɛbla likpidi. Na bitaya na ɔƒɛ ɔ́nu ɔkya-mii na bina kɔnyi kemmo.

Koloseƒuɔ 3:19

Amii banana lɛnɔ, biti bɔyɔ bite bina beleku. Na bana lɛlɔ liteteeƒi-mii livo.

Koloseƒuɔ 3:8

Nsu ɔƒɛni ni, ɔlɛka bɛda ala amɛni udu bɔbla bɛya. Anya ndi kɔnyi buti ku ala ani mɔɔtu bekyuli kayi ku bekyuli lɛlɔ kasusu kekpidi buti. Na bitalɔ lɛlɔ anyikpi, na bitaya na etemila ani mɔɔyá na ukyuli uusé lɛlɔ alɛ-mii kenye.

Timoteo 1 3:11

Bana beleku lɛnɔ ni, ɔlɛka babla beleku bani nda udu buni, na baaadi bekyuli lɛlɔ atɛ batɛmine. Mmomu ɔlɛka babla beleku bani náda anu, na baabla lɛla biala kaduɛ.

Timoteo 1 3:3

Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Timoteo 1 5:13

Ɔmmɔ kama ni, badububile uwi na bakɛ kɔnu bete bekyuli kɔduli bɔvi bataatɛmi atɛ keeke. Na ukpidi ƒui ndi ka ni, badubutaalɔ bekyuli anyikpi na beteekeyi atɛ. Na bataatɛmi bekyuli lɛlɔ kɔtɛ ku ala abambadi ani na útalɛka basu.

Timoteo 2 2:23

Da lɛlɔ mami kɔbɔ ala ku kɔdɔlɔ atɛ batɛmine lɛlɔ, ɔsika kadɔ na ala ammɔ udu eeboku.

Timoteo 2 3:3

Badi bekyuli bani na ukyuli bamba lɛlɔ lilakywi-ma kaƒɔ, ku bani naaanu kɔnyana. Badi bekyuli bani mɔɔnyi ɔkɔ taada litemi taasia bekyuli lɛlɔ, ku bekyuli bani mbo kalala. Na bana anumi eeese buɛɛ. Na badi bekyuli bani nkisi lɛla lɛbuni.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Tito 2:3

Lɛni kani na beleku benengu bammɔ lɛnɔ ni, tina-ma anii belie ngba bɔni námanku beleku bani nse kedee ka belie. Na batataalɔ bekyuli anyikpi. Na ntɛ bɔni lɛnɔ butadi-ma lɛlɔ. Mmomu batina bekyuli udu buni.

Yakobo 1:19

Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.

Yakobo 3:14

Nsu si ebo lɛnungyie na ƒula kayi kemmo ku enyekpi na aawia awɔ lɛti lɛkɛ ni, takun lɛmɛnɛ ka áda anu. Ɔsika aanyi ɔkɔ, na alásu litemi geen lɛmmɔ.

Yakobo 4:11

Banwa, bitalɔ lɛlɔ anyikpi. Si ɔdi ɔ́bla lɛni iye ɔ́tɛku ɔnwani ɔdi litemi ni, na ulábu ɔda bubo bɔmmɔ na ɔ́ta únye-mu lɛlɔ lɛnɔ. Si bɛ́ta bínye ɔda bubo bɔmmɔ lɛlɔ ni, na ɔɔtina ka bɛ́da ɔda bubo bɔmmɔ lɛlɔ bɔdi bɛ́ya. Na bínwini bɛɛtɛku ɔda bubo bɔmmɔ litemi.

Petro 1 2:1

Anwuɔsu bɛda kasusu kekpidi ƒui buti na bekyuli lɛlɔ bɛya. Na bɛsɔ bitanyi ɔkɔ iye bɛtɔlɔ bekyuli. Anumi etegyie-mii bekyuli ala lɛlɔ. Na bitalɔ lɛlɔ anyikpi.

Yohane 1 3:12

Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.

Yohane 1 3:15

Na ukyuli ɔni muukisi nwuna ukyulikpana ni, ɔdi bekyuli ɔdune. Na amii alati bɛgyi ka ukyuli biala ɔni mɔɔdú bekyuli ni, uuubo ngba bɔni naaadubo bɔsa kudii.

Budie Taatina 12:10

Ɔmmɔ kama línu lɛdi bonwu lɛdi na katɔ na lɛɛsu lɛnini, “Ɔƒɛni na Katɔti ngba bɔƒɔ ku nwuna ɔyikun ku lɛgadi lɛ́da lɛ́lɛ. Na nwuna Ukyuli Ɔƒunadi ɔmmɔ kenyekɔ lɛnɔ káda kálɛ. Ɔsika bábɔku baƒɔtaadine ukisine ɔmmɔ bálɛku katɔ mmɔ. Anwu muunye bula Katɔti anumi usien ku ɔƒɛ taawia baƒɔtaadine bammɔ litemi.