Eƒesoƒuɔ 4:29 - Katɔti Ɔku Kedee

²⁹ Bitasu etemila ani muusé lɛlɔ, mmomu bɛsu etemila ani mɔɔkya ukyuli ɔkplu kalɛ na ɔ́manku. Na si bekyuli bénu bina etemila ni, na bakɛ kɔsia.

Eƒesoƒuɔ 4:29 ပူးပေါင်းရင်းမြစ်များ

Kɔgya 45:2

Awɔ mɔɔdia bɔnu teetulo bayawine bebi ƒui akɔ. Na lɛƒɔndia etemila akya-a kenye kemmo geen, anwuɔsu na Unwoti Katɔti úte-ɔ kusɛ kusɛ úsela uwi ƒui kemmo.

Kɔgya 5:9

Mina bekisine balásu litemi geen lɛni lɛlɔ na ukyuli uti anu ɔsia. Na bana kayi kemmo geen ni, baayɔ́ ka batɔlɔ bekyuli batákya ɔgbankpi kemmo na bekpi. Bana inye buse aani kɔƒiɔtɔ kɔni nálɛmi kuwi.

Kɔgya 52:2

Ɔkɔ ɔnyine, éti ƒula unyemi énwini aani kewii yayaaya blii suɛ eebile ala na ada aakya likpidi kɔkwɛ.

Kɔgya 71:24

Na ndubɔsu uwi ndi uwi kalɛ na ese siin na édie-mi ku ƒula ɔyikun. Ɔsika bekyuli bani ƒui nákali ka babla-mi kalala ni, éboku-ma kalɔ na kɔƒa kúkpo-ma.

Agba 12:13

Bekyuli bekpidi ni, bana kenye etemila muudie-ma teete. Nsu bekyuli babuni ama baalɛ́ ɔgbankpi ɔmmɔ kemmo.

Agba 15:23

Lɛlɔ lɛɛyɔ́ ukyuli ɔni muudie lɛla lɛdi kenye teete ɔnwani ulu lɛlɔ nwaa. Ɔdi lɛla lɛni mɔɔyu kayi si ásu lɛla lɛdi na uwi ɔni na basu-ni lɛlɔ.

Agba 15:7

Banundane kani mɔɔkana na baakya ukyuli kasusu buni. Na badɔlɔdi balakana ɔmɛni bɔbla.

Agba 16:21

Banundane ni, baanu-ma taati ɔkɛnku kalɛ na beenú ala kalɔ kenye. Si ásia ulu ɔbuni lɛlɔ átina ukyuli ala ni, anwu mɔɔyá na ɔɔƒɔ́-ɔ litemi ku ebiti.

Etemila 10:12

Ɔnundane etemila ani mɔɔlɛ́-nwu kenye aatina lɛƒɔndia. Nsu ɔdɔlɔdi etemila mɔɔyila-nwu udu.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Luka 4:22

Na nwuna etemila ani na ɔɔsu áda-ma kayi geen, na kalɛ na unyemi lɛnɔ ɔɔta-nwu útakɔsi na ɔ́bla-ma dɛye dɛye. Na béye lɛlɔ banini, “Ɔɔɔdi Yoseƒ ubidi ɔmmɔ na ɔdi mɛni yoo?”

Yohane 1:37

Ka bénu ɔmɛni ni, Yohane basiakune inyɔ bammɔ bátu bénwini na básiaku-nwu. Yesu únwini ɔ́nu ka basiaku-nwu, na úye-ma ɔnini, “Bi na bɛɛwia?”

Romaƒuɔ 14:19

Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemmo.

Romaƒuɔ 15:2

Ɔdi ka bula akɔ ɔdi biala ɔbla lɛla lɛni mayɔ nwuna ukyulikpana kaƒɔ kalɛ na ɔdia ute-nwu na ɔya na ɔlɛ lili na kɔyu kemmo.

Korintoƒuɔ 1 14:19

Nsu na bula kasalakɔ ni, ndubɔyɔ ka lɛsu etemila alɔ ani kalɔ na bekyuli badubunu na liti lɛtina bekyuli bamba ala litulo ka ntaasu etemila pii na adi lidu lidu kemmo.

Eƒesoƒuɔ 4:12

Ɔ́bla ɔmɛni úti ɔ́klibi Katɔti bekyuli úse kalɛ na beti bebunku baƒɔtaadine na banyuɛ-ma aani Kristo ɔlɔna unwi pɛ ɔmmɔ na ɔlɛ lili.

Eƒesoƒuɔ 4:16

Anwu náya na ɔlɔna ɔmmɔ kɔkɛ ƒui kɔ́sala. Na ɔlɔna umodi ɔmmɔ ɔdanku lɛlɔ na ɔlɔna ekpo ani násala ɔsu. Anwuɔsu si ɔlɔna kakɛ biala kábla kaduɛ kalɛ na ɔ́manku ni, ɔlɔna umodi ɔmmɔ ɔɔyu ɔkplu na bɔyɔ kemmo.

Koloseƒuɔ 4:6

Bɛya na bina butemi bɔdia bunu na ɔda kubiti. Bɛya na Katɔti lɛnunda lɛkya-mii kemmo kalɛ na bɛti ala kenye budie bite ukyuli biala.

Tesalonikaƒuɔ 1 5:11

Ɔmɛni ɔsu ni, bitaakya lɛlɔ ogya na biteebunku lɛlɔ aani kalɛ na biwi-nwu lɛlɔ ɔƒaani.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 3:1

Na amii beleku lɛnɔ ni, ɔlɛka biboku lɛlɔ kalɔ bite bina bagya. Ɔmɛni ndubɔya na si ɔdi útaƒɔ útadi ni, ɔdubuti lɛlɔ ute Katɔti ɔkɛnku bina udu buni ɔsu. Na ɔɔɔdi ɔni na bitemi bite-ma.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.