Eƒesoƒuɔ 4:28 - Katɔti Ɔku Kedee

²⁸ Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Eƒesoƒuɔ 4:28 ပူးပေါင်းရင်းမြစ်များ

Hiob 34:32

Na ɔlɛka evele-nwu na udie ƒula bɔƒiɔ ɔtina-a, kalɛ na asɔ alabla lɛla lɛmɛni alasia kama.

Israelƒuɔ Bɔlɛ 20:15

Teyu.

Israelƒuɔ Bɔlɛ 20:17

Taya na anumi egyie-ɔ na ƒula ukyulikpana kaduli lɛlɔ. Na taya na anumi egyie-ɔ na ƒula ukyulikpana ulekudi, iye nwuna kabla ɔblane ɔnanabi iye ulekubi, iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ.”

Israelƒuɔ Bɔlɛ 21:16

“Na si bina akɔ ɔdi úƒie ukyuli ɔdi ka uti-nwu utéye iye uti-nwu ɔbla nwuna kabla ɔblane ni, ɔlɛka badu-nwu si béƒie-nwu.

Agba 13:11

Lɛkɛ lɛni baasia ulu gontii lɛlɔ taakɛ liiibo bɔyii. Nsu lɛla lɛni na aakɛ́ blii blii na ulu lɛlɔ lɛɛwɔ teebu.

Agba 14:23

Kabla keeboku kɔsia. Nsu atɛ keeke adanku kɔwaba.

Agba 21:26

Ama belemo kudii. Mmomu kalɛ na bakɛ bebu ni, nwuna kasusu kani na beeti. Nsu bani mɔɔyia Unwoti ni, ama beete ala ku kaƒɔ ƒaa.

Agba 28:13

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Agba 30:9

Ɔsika ɔƒɛni kalɛ lɛ́kɛ lɛmmɔ lɛdubumo-mi lɛvili na lini-ɔ, na ndubuye nnini, ‘Ɔma ndi Unwoti?’ Na si kɔwaba lɛnɔ nda-mi kɔ́vili ni, ɔƒɛni kalɛ ndubo buyu na bekyuli balabu mina Katɔti lɛnyi kedee.

Agba 31:20

Ɔɔnu bawabane kɔnyana na bekyuli bani mɔɔyaki lɛla lɛdi ni, uute-ma ala.

Yeremia 7:9

“Biiyú ala na bɛɛdú bekyuli na bɛɛnyi ɔkɔ na litemi katɛkɔ na bɛɛlɛ́ lɛlɔ kama na bina kɔgya ku ule ngba kemmo. Bɛɛkpá Baal baƒiɔ na bɛɛkyula oloƒui teete-nwu na uwi ɔni na baƒiɔ bamɛni ɔdi útabla lɛla lɛdi útete-mii kudii.

Hosea 4:2

Lɛlɔ buwida ku ɔkɔ bɔnyi ku bekyuli bɔdu ku kuyu ku lɛsɔnɔdi lɛlɔ kani na binye uwi ndi uwi.

Sakaria 5:3

Amu na ɔ́su-mi ɔnini, “Kakunkɛ kamɛni muuwida ukyuli biala ɔni muuyú iye ɔɔnyi ɔkɔ taatɔlɔ bekyuli na kalɔ kamɛni lɛlɔ. Ala ani na bénweni básia kakɛ kenwi kaatɛmi taasiku kalɛ na badubo beyune udu bɔyila lɛlɔ. Na ala ani na bénweni básia kakɛ kakladi lɛlɔ ɔɔtɛmi taasiku kalɛ na badubo bekyuli bani mɔɔnyi ɔkɔ lɛnɔ udu bɔyila lɛlɔ.

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Luka 3:8

Bɛtina na bina ɔbladu kemmo ka bínwini kama bɛ́kya bina alaekpidi. Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Yohane 12:6

Nsu ɔɔɔdi ɔni na bawabane baakywí-nwu kaƒɔ ɔsu na úye ɔmɛni. Mmomu ka ɔdi uyune na anwu kani mɔɔda bana kavumi, na ɔɔyɔ́ ka nka utaaƒana egulabi ammɔ adi teedie taabla nwuna lɛlɔ ala ɔsu.

Yohane 13:29

Na ka Yuda ɔmɛni nda bana kavumi ɔsu ni, batɛyane bammɔ badi bákali ka bɔsu na Yesu ɔ́ɔsu-nwu ɔnii utéye ala ani na badubuti badi limeyi uboku iye utéte bawabane ala adi.

Romaƒuɔ 12:13

Bile bina lɛlɔ ala bite Katɔti bekyuli bani neeebo lɛla lɛdi. Na bɛgyingya enu na bɛƒɔ baƒɔ.

Korintoƒuɔ 1 4:12

Na bɔɔbla kabla kpakplaa na buutú lɛlɔ. Si bekyuli béwida-bu ni, abu buute-ma kusɛ kusɛ. Ina dɛ na basiaku-bu beekpóku-bu ni, bɔɔkya ɔkplu.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.

Korintoƒuɔ 2 8:2

Béduo bukpoku taanu kpakplaa kemmo na lɛbibo lɛni nébo-ma lɛlɔ ɔsu. Nsu ɔmɛni kemmo ƒui ni, ebiti áda-ma geen na lɛni kani na béte bekyuli ala pii ku kaƒɔ ƒaa ina ka badi bawabane geen.

Galatiƒuɔ 6:10

Anwuɔsu uwi biala na kuƒi kɔtɛ-bu ni, bɛya na butaabla lɛbuni teete ukyuli biala. Ɔni ntulo ndi ka bɛbla bite banwa baƒɔtaadine.

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.