Eƒesoƒuɔ 4:17 - Katɔti Ɔku Kedee

¹⁷ Anwuɔsu mɔɔlɛ-mii na Blɔti lɛnyi kemmo nnii bɛsɔ bitelie ngba aani bekyuli bani naaagyi Katɔti na beeti kasusu kekpludi,

Eƒesoƒuɔ 4:17 ပူးပေါင်းရင်းမြစ်များ

Nehemia 13:15

Uwi ɔmmɔ kemmo ni, lɛ́nu bekyuli ka baabla ntɛ na lɛnwunameyi lɛlɔ na Yuda. Na badi lɛnɔ bákya beeti bana edula ku ntɛ ku adingyii ebi ku ala bamba na bényimi básia bana bebuo ala betine kama. Na líbo-ma ɔda kpakplaa ka ɔdi úteti nwuna lɛla lɛdi utéye lɛnwunameyi lɛmmɔ lɛlɔ.

Yeremia 42:19

Lɛ́su bekyuli bammɔ nnini, “Amii bíkeli ɔgbankpi ɔni nálɛku Yuda, nsu ɔƒɛni amu ni, Unwoti uubó-mii ɔda ɔnii bitanya Egyipte ɔgba.

Lewiƒuɔ Ɔda Bubo 15:18

Na si ɔnana ɔdi ku ulekudi bátɛ ni, ɔlɛka bana inyɔ ƒui bakpi na bamu badubuse lɛlɔ utédu useyi uwi.

Luka 16:28

Mmɔ ni, mbo banwani bananabi ɛlɔ. Ya na utébo-ma ɔda kaduɛ kalɛ na ama belebo likpo lɛni na lɛbibo lɛkya mɛni.’

Batalane Kabla 14:15

básu banini, “Ati bene, bi na bɛɛbla mɛni? Abu lɛnɔ bekyuli bayawine kani na bɔdi aani amii kalɛ. Búbo mɛni bɔnii buuti litemi buni lɛmɛni buboku-mii. Bɛda ala keeke amɛni udu kama bɔsiaku bɛya na binwini biteemwi Blɔti ɔni mbo ngba. Anwu nédie katɔ ku kalɔ ku ɛpu ku ala ani nkya-nya kemmo ƒui!

Batalane Kabla 18:5

Amu na uwi ɔni na Silas ku Timoteo bási Makedonia bébo ni, Paulo ɔ́kɛ uwi kaduɛ úti úte litemi buni bɔsu ku kalɔ budie taatina Yudaƒuɔ ka ni, Yesu ndi Ukyuli Ɔƒunadi ɔmmɔ geen.

Batalane Kabla 2:40

Amu na Petro ɔ́tɛmiku-ma laa na ɔ́lɛ-ma ɔ́su ɔnini, “Bɛda lɛlɔ bidie kɔtu bɔni bɔmɛni kemmo, bɔni mebo bekyuli bekpidi bamɛni ɔnwa lɛlɔ.”

Batalane Kabla 20:21

Na kesi kesii na lísie ni, lɛ́su Yudaƒuɔ ku Helaƒuɔ ƒui kpakplaa ka bada ekpidi bɔbla baya na benwini besie Katɔti kudɔ, na baƒɔ Blɔti Yesu Kristo badi.

Romaƒuɔ 1:21

Ɔsika ina ka bekyuli bagyi Katɔti ni, beléte-nwu ɔbu ɔni námanku-nwu aani Katɔti kalɛ. Na balagya-nwu enu lɛnɔ. Mmomu bana kasusu kéƒu na baabla adɔlɔla. Na lɛdisa lɛ́ƒɔ-ma.

Korintoƒuɔ 1 1:12

Lɛla lɛni mɔɔtina ndi ka bina akɔ ɔdi biala ku lɛla lɛni na ɔɔsu. Ɔdi ɔnii, “Ami Paulo kama na nsia.” Na ɔbambadi ɔnii, “Ami Apolo kama na nsia.” Na ɔbambadi lɛnɔ ɔnii, “Ami Petro kama na nsia.” Na ɔbambadi lɛnɔ ɔnii, “Ami Kristo kama na nsia.”

Korintoƒuɔ 1 15:50

Banwa, lɛla lɛni kalɔ na muudie ndi ɔmɛni. Lɛla lɛni ndi ɔlɔna ku ubugya ni, lilakana Katɔti lɛga kadikɔ ala bɔdi. Na lɛla lɛni muubie taayii udu ni, lilakana na lɛkya kesii kani na lɛla lɛni neeebie taayii udu lɛkya.

Korintoƒuɔ 2 9:6

Bɛya na ɔbla-mii nwaa ka ni, si ágya edula blii suɛ ni, adubɔƒɛ-nya blii suɛ lɛni kani. Na si ágya-nya pii ni, adubɔƒɛ-nya pii lɛnɔ.

Galatiƒuɔ 3:17

Lɛla lɛni mɔɔtina ndi ka Katɔti únyimiku Abraham lɛla lɛdi. Na ɔ́su ka wadi bunyimi bɔmmɔ lɛlɔ. Na ɔda bubo bɔni na Katɔti úbete Mose na akwa eti maane ku avlaatɛ kama ni, ulakana na webile Katɔti bunyimi na linyese lɛmmɔ lɛbla kaduɛ.

Galatiƒuɔ 5:3

Na nsɔ mɔɔsu-mii nwaa ka si ukyuli ɔdi ɔ́ya na békulo-nwu lego ni, na únyimi lɛlɔ ka ɔdi ɔda bubo bɔkukudi bɔmmɔ ku ala ani na adanku-nwu lɛlɔ ƒui.

Eƒesoƒuɔ 1:22

Katɔti úti lɛla biala ɔ́kya Kristo lɛgba kalɔ na úti-nwu ɔ́bla baƒɔtaadine ƒui lili.

Eƒesoƒuɔ 4:22

Bátina-mii lɛla lɛdi na bina ngba bɔkukudi bulie lɛlɔ. Ani ndi ka bɛda udu ɔkukudi ɔni mɔɔtɔ́lɔ-mii teesienku ɔlɔna ɔkwɛ adala ekpidi kemmo mmɔ bɛya.

Lɛkpa Ulu 27:10

Anwuɔsu binu-nwu litemi na bɛdi nwuna ɔda bubo bɔni ƒui na úti uute-mii ɔmwi mɛni lɛlɔ.”

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Koloseƒuɔ 2:4

Mɔɔsu-mii ɔmɛni kalɛ na ukyuli biala uleti kenyemini etemila adi ulakyaku-mii unyeƒi na ɔtɔlɔ-mii.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Timoteo 1 5:21

Anwuɔsu mɔɔlɛ-ɔ na Katɔti ku Kristo ku Katɔti batu ƒui anumi nnii sia ala amɛni anu kaduɛ na alanu ukyuli ɔdi anumi alabla lɛla lɛdi.

Timoteo 1 6:13

Na Katɔti ɔni nédie lɛla biala ku Yesu Kristo ɔnii nése kayi na údie nwuna bɔƒɔtaadi keyi na Pontio Pilato anumi muudie-mi kenye ka muute-ɔ ɔda bubo bɔmɛni.

Timoteo 2 4:1

Nnye Katɔti ku Kristo ɔni ndubɔsɔ ubo ubatɛku bayawine ku bekpine litemi anumi. Na ka ɔdubɔsɔ ubo na nwuna lɛga bɔdi kemmo ɔsu ni, mɔɔlɛ-ɔ kpakplaa nnii

Petro 1 1:18

Ɔsika bɛgyi ka kayu kani na Katɔti ɔ́ƒɔ na bina lili asa na údie-mii ɔ́lɛku ngba bukpidi bɔni na bɛ́ƒɔ bɛ́siku bina bati kuuku kudɔ ni, ɔɔɔdi sika ugyiedi iye ɔƒualadi ɔni muutili na ɔdi.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.