Eƒesoƒuɔ 4:14 - Katɔti Ɔku Kedee

¹⁴ Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Eƒesoƒuɔ 4:14 ပူးပေါင်းရင်းမြစ်များ

Kɔgya 10:9

Na ɔɔsɔ teebi nwuna kabɛkɔ mmɔ kpoo aani kalɛ na gyata ɔni na kɔka kɔɔda ɔɔbla. Na ɔɔtú bawabane. Na uƒie-ma kɔnakunwi na ɔkpɛ-ma ɔtɔlɔku aani ebuo ɔni nánu kakpagyuɛ.

Kɔgya 59:3

Ɔsika ni, Ati, bábɛ belie-mi ulu lɛlɔ ka badu-mi. Na bayikune bála lɛlɔ básala baawia-mi ngba bebile. Nsu ntabla-ma lɛla likpidi lɛdi.

Yesaia 28:9

“Na ɔma bene na ɔdubo ala bɔtina? Na ɔma bene na uudie ala kalɔ taatina? Bani mɔɔnyimi lɛnyii munuu bani na basia lɛgba?

Mika 7:2

Naaanu ukyuli ɔdi na ɔsiaku Katɔti kama siin. Na ɔdi lɛnɔ ulábla lɛla lɛbuni lɛdi. Ulikplu ku kalala kani nkya ukyuli biala na kalɛ na bebile bana bakpana ngba lɛlɔ kagyumana kani na ɔdi biala unye.

Mateo 11:7

Uwi ɔni na Yohane batɛyane bammɔ baatɔlɔ mmɔ ni, Yesu ɔ́su Yohane lɛlɔ litemi ɔ́tina bekyuli bammɔ ɔnini, “Ka bísie ketele kemmo ni, bi na bísie bitánu? Evete ani na ɔƒɛƒɛɛ uubó taavinku?

Mateo 24:11

Bekyuli pii badubɔta banyi ɔkɔ banii ama ndi Katɔti kenye bediene na batɔlɔ bekyuli pii.

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Batalane Kabla 23:21

Nsu tenu-ma litemi, ɔsika ama badi bani ntulo nkyuli aavlene badubɔbɛ na ulu ɔmmɔ lɛlɔ bagya-nwu. Bekyuli bamɛni bése kenye ka badu Paulo asa badi iye bani. Anwuɔsu na baawia ƒula kebunku. Na béesie bebi ulu kudɔ mmɔ, ɔsika basia anu ka adubɔtuna ete-ma lɛni ɔsu.”

Korintoƒuɔ 1 12:2

Bɛgyi nwaa ka uwi ɔni na bɛɛɛgyi tɔ Katɔti ni, bɛ́ya na ala ani neeebo ngba átaadi-mii lɛlɔ na bitaakpa-nya na bɛ́yii ulu ɔmmɔ.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Korintoƒuɔ 1 3:19

Ɔsika lɛla lɛni na bayawine baanu aani lɛnunda na kayawi ni, ani ndi kɔdɔlɔ na Katɔti anumi. Na lɛni na Bunweni Kedee Ɔku ɔ́su ɔnini, “Banundane kakwɛ na Katɔti uuti taakywɛ ama alati kakpagyuɛ.”

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Korintoƒuɔ 2 4:2

Búdie abɛla ku kɔƒa ala bɔbla atu. Na bulányi ɔkɔ taabla kabla kadi na bulátu Katɔti litemi lɛmmɔ teenwini. Bɔɔsu litemi buni lɛmmɔ nwaa na Katɔti anumi kalɛ na ukyuli biala ɔdubɔnu bula ɔbladu buni ɔti.

Galatiƒuɔ 3:1

Amii Galatiƒuɔ alati bilákali ɔmɛni bilanu! Ɔma néƒie-mii kasusu úbo likpo lɛni? Ɔsika bina anumi na lɛ́su-mii Kristo kukpi na ugyii lɛlɔ litemi.

Eƒesoƒuɔ 6:11

Biti Katɔti ala ani ƒui na úte-mii bɛkya aani ukpone adala ani mɔɔgyumana-nwu na bɛkana binye bitile ukisine ɔmmɔ kakwɛ kekpidi biala.

Timoteo 1 3:6

Útalɛka ɔbla ɔƒɔtaadine ɔwɔdi kalɛ na ulatalaku lɛlɔ katɔ, na ɔkɛnku lɛlɔ bɔtina bɔmmɔ ɔsu na webuli, na Katɔti wani-nwu kɔtu aani kalɛ na ɔ́ni ukisine ɔmmɔ kɔtu.

Timoteo 2 1:15

Agyi ka Asiaƒuɔ baƒɔtaadine ƒui bálɛ-mi kama, na Ƒigelo ku Hermegene lɛnɔ báda-mi bése.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Timoteo 2 4:3

Ɔsika uwi ɔdi ɔdubo ɔni na bekyuli basɔ baaadubo litemi buni lɛmɛni bɔda. Mmomu badubɔwia ala bamba batinane bete lɛlɔ na bataasu-ma ala ani udu na baawia beteenu.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Yakobo 1:6

Nsu si biivele-nwu lɛla lɛdi ni, ɔlɛka bɛƒɔ bɛdi ka ɔdi-nwu bɔyɔ ka ute-mii. Na bina kasusu ketenwini. Ɔsika ukyuli ɔni na nwuna kasusu keenwíni ni, use aani kalɛ na ɔƒɛƒɛɛ uuƒwi ɔnantu ntu taavinku.

Yakobo 3:4

Na ɔkɔlɔ ubendi ɔni nkɛ ɛpu anumi na ɔƒɛƒɛɛ ubendi muudí-nwu ni, ugyii blii ɔdi kani na beti taaka-nwu taavinku. Na baakana na beeti-nwu teesienku kesii kani na baayɔ́ ka besie.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Yohane 1 2:26

Bekyuli bani mɔɔkya ɔkplu ka batɔlɔ-mii ɔsu na muunweni-mii ɔmɛni.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Yuda 1:12

Badi bekyuli bani ablala mɔɔyá na bina kasala keesé lɛlɔ si bɛ́sala bɛɛdi Blɔti adila ammɔ. Beedie lɛlɔ na ama lɛti baadi teemo kalɛ na baayɔ́. Bese aani ɔnantu ɔni nánwu, nsu ulána kudii, na ɔƒɛƒɛɛ kani muubó-nwu taavinku. Na bese lɛnɔ aani egyii ani naaanwu ina egyiibi bɔnwu uwi muedi. Bese aani egyii ani na bágyu-nya ku ligyiitu na ékpi ƒui.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.