Eƒesoƒuɔ 4:13 - Katɔti Ɔku Kedee

¹³ Ulu ɔmɛni lɛlɔ na bɔdubo bɔsia na bɔsala bɔbla unwi na bɔƒɔtaadi kemmo na bɔti Katɔti Ubidi ɔmmɔ. Ɔmmɔ ndubɔya na bɔbi lɛlɔ budu likpo lɛni na bekyuli banu kalɛ geen na Kristo use bati ƒui na bula lɛlɔ kemmo.

Eƒesoƒuɔ 4:13 ပူးပေါင်းရင်းမြစ်များ

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Seƒania 3:9

“Ndubo adi biala batɛmine bɔbla sɛɛn na bamanku kalɛ na bemwi-mi lɛnyi. Na bana ƒui badubɔsala babla unwi, na babla ami, Unwoti, kabla.

Sakaria 14:9

Na ɔmmɔ kama ni, Unwoti unwi pɛ kani ndubo bɔkya aani lɛlɔ ɔdine ɔni mɔɔdi kalɔ kammɔ ƒui lɛlɔ. Na nwuna lɛnyi lɛti na bekyuli ƒui badubɔkya lili kalɔ bete na kalɔ kammɔ lɛlɔ kesii biala.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Yohane 1:16

Na Katɔti lɛƒɔndia ku litemi geen lɛni náƒɔ-nwu lɛlɔ kemmo ƒui ɔsu ni, ɔ́bla bula ƒui lɛƒɔndia ɔ́sia kama.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Yohane 17:21

Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 6:69

Na abu bɔ́ɔƒɔ bɔdi na bɔ́ɔnu bɔ́ti ka awɔ ndi Katɔti Ubidi Kedee ɔmmɔ.”

Batalane Kabla 4:32

Na emeyi amɛni kemmo ni, baƒɔtaadine bamɛni ƒui bábla unwi na udu ku kasusu kemmo, na bana akɔ ɔdi biala útasusu anwu lɛti lɛkɛ. Mmomu ni, bana lɛla biala lɛdi bana ƒui lɛdi.

Korintoƒuɔ 1 1:10

Na kenyekɔ kani na Blɔti Yesu Kristo úte-mi kenye ni, mɔɔsu-mii kpakplaa aani mina banwa baƒɔtaadine kalɛ nnii bina ƒui binu lɛlɔ kalɔ kalɛ na lɛlɔ bule bɔdi bulakya-mii akɔ. Na bɛbla unwi na ala ani na bɛɛkali ku ala ani na bɛwia lɛlɔ.

Korintoƒuɔ 1 14:20

Banwa, bitabla lɛlɔ aani banamu na bina kasusu kemmo. Mmomu bɛbla lɛlɔ aani benengu si biiti kasusu. Nsu na likpidi lilu lɛlɔ ni, bɛbla lɛlɔ aani banamu.

Korintoƒuɔ 1 2:6

Nsu ni, mina kenye kani na mɔɔsu ni, kadanku bekyuli bani náda anu na béesie anumi na kɔyu kemmo ala kalɔ bunu kemmo. Na kaaadanku kayawi kamɛni kemmo lɛnunda iye bayikune bani mɔɔdi kayawi kamɛni lɛlɔ na baayii ku udu lɛlɔ.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Galatiƒuɔ 4:19

Mina bebi bayɔne, nsɔ muunú-mii lɛlɔ ɔlɛ aani uleku ɔni ntɛ kɔwɔ úti utédu uwi ɔni na manu ka Kristo udu ɔ́ƒɔ-mii lɛlɔ kemmo ƒui.

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Eƒesoƒuɔ 1:23

Baƒɔtaadine bamɛni badi Kristo ɔlɔna na beedie-nwu keyi na ulu biala lɛlɔ ka anwu ndi ukyuli ɔni náƒɔ lɛla biala kemmo ƒui.

Eƒesoƒuɔ 2:15

Úti nwuna ɔlɔna ɔ́kpa úte Katɔti aani ala ani na beti bakpa bedie ekisila ani na Yudaƒuɔ ɔda bubo ƒui bɔdanku. Lɛla lɛni ɔsu na úti lɛlɔ ɔ́kpa ndi ka uti bana akpa anyɔ bammɔ ɔsala na babla benwi na nwuna kemmo, na keyi buɛɛ kebo-ma akɔ.

Eƒesoƒuɔ 4:12

Ɔ́bla ɔmɛni úti ɔ́klibi Katɔti bekyuli úse kalɛ na beti bebunku baƒɔtaadine na banyuɛ-ma aani Kristo ɔlɔna unwi pɛ ɔmmɔ na ɔlɛ lili.

Eƒesoƒuɔ 4:3

Bɛbla lɛla biala kalɛ na bɛkana na bilie na unwi bɔbla kemmo aani kalɛ na Katɔti Kɔyu kɔ́da-mii kɔ́sala na kúte-mii keyi buɛɛ.

Eƒesoƒuɔ 4:5

Blɔti unwi nkya ku bɔƒɔtaadi bunwi, na ntu bɔkpila ɔdi unwi lɛnɔ nkya.

Ƒilipiƒuɔ 3:10

Na lɛla lɛni kani na mɔɔwia ndi ka lɛti Kristo. Na ɔyikun ɔni náya na ɔ́ta ɔ́lɛ bekpine akɔ ɔkya-mi lɛlɔ kemmo. Na liboku-nwu abi na lɛblaku-nwu unwi na nwuna kukpi kemmo.

Ƒilipiƒuɔ 3:8

Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Koloseƒuɔ 1:28

Na ɔmɛni ɔsu na bɔɔsu Kristo lɛlɔ litemi lɛmmɔ teete ukyuli biala. Na bɔɔlɛ-ma na bɔɔtina-ma ala na lɛnunda ƒui kemmo kalɛ na ɔdi biala ɔda ɔlɛ Katɔti anumi na use siin ɔkɛnku lɛla lɛni na Kristo ɔ́bla úte ɔdi biala kenye.

Koloseƒuɔ 2:2

Mɔɔbla ɔmɛni kalɛ na bakɛ ɔkplu bɔkya na bana kayi kemmo na babla unwi lɛnɔ na bɔyɔ kemmo. Ɔmɛni ndubɔya na bakɛ lɛkɛ libendi lɛni nkɛnku ala kalɔ bunu nwaa. Na badubɔti Katɔti lɛbɛla lɛni ndi Kristo.

Hebriƒuɔ 5:14

Nsu adila geen ani mbo unu ni, ese ete bekyuli bani náabi lɛlɔ. Lɛni kani na bekyuli bani náabi lɛlɔ ni, báanyuɛ lɛlɔ na báti kavumana kani nkya lɛbuni ku likpidi ntɛ.

Petro 2 1:4

Na ɔkɛnku ala amɛni lɛlɔ ɔsu ni, Katɔti úti nwuna kaƒɔ buni ala enengudi ani náƒɔ kuye úte-bu na kenye kani na úse ɔsu. Na ɔkɛ etela ammɔ lɛlɔ ni, na bɛkana bɛlɛ ɔlɔna ala ani mɔɔda-mii ɔkwɛ na kayawi kamɛni kemmo na bɛbla kedee aani nwuna kalɛ.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.