Eƒesoƒuɔ 4:12 - Katɔti Ɔku Kedee

¹² Ɔ́bla ɔmɛni úti ɔ́klibi Katɔti bekyuli úse kalɛ na beti bebunku baƒɔtaadine na banyuɛ-ma aani Kristo ɔlɔna unwi pɛ ɔmmɔ na ɔlɛ lili.

Eƒesoƒuɔ 4:12 ပူးပေါင်းရင်းမြစ်များ

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Batalane Kabla 1:17

Yuda ɔdi bula lɛkpa lɛmɛni kemmo unwi, na Blɔti ɔ́ƒuna-nwu ka nka wabla batalane kabla.

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Romaƒuɔ 12:5

lɛni kani na bɔdi bekyuli pii na Kristo kemmo nsu bɔ́sala bɔ́bla unwi aani lɛlɔ ugyii unwi ɔni ndanku lɛlɔ ekpo pii.

Romaƒuɔ 12:7

Si ukyuli ɔdi litela lɛdi bekyuli kabla bɔbla ni, ɔdi ka utaabla kabla lɛni kani. Si ɔdi ala bɔtina ni, ɔdi ka ɔtina ala ammɔ lɛni kani.

Romaƒuɔ 14:19

Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemmo.

Romaƒuɔ 15:14

Banwa, ami ɔlati lɛ́ƒɔ lɛ́di geen ka ala abuni bɔbla bɔ́ƒɔ-mii lɛlɔ kemmo ƒui. Na bɛgyi ala ƒui kalɛ na biti ala ammɔ bɛtina lɛlɔ.

Romaƒuɔ 15:2

Ɔdi ka bula akɔ ɔdi biala ɔbla lɛla lɛni mayɔ nwuna ukyulikpana kaƒɔ kalɛ na ɔdia ute-nwu na ɔya na ɔlɛ lili na kɔyu kemmo.

Romaƒuɔ 15:29

Ngyi ka ɔni na ndubo-mii kudɔ ni, ndanku Kristo kusɛ kusɛ ƒui ndububoku-mii.

Korintoƒuɔ 1 12:27

Anwuɔsu bina ƒui násala bɛ́bla Kristo ɔlɔna ugyii ɔmmɔ na bɛdi-nwu lɛlɔ ekpo unwi unwi.

Korintoƒuɔ 1 12:7

Litela lɛni na ɔdi biala ubo ni, Katɔti Kɔyu néte-nwu litela lɛmmɔ kalɛ na bekyuli ƒui bakɛ-nwu lɛlɔ kɔsia.

Korintoƒuɔ 1 14:12

Ka bina ƒui anumi égyie ka bɛkɛ Kɔyu kemmo etela ni, bɛya na anumi egyie-mii na bɛkɛ etela ani mebunku baƒɔtaadine lɛkpa lɛmmɔ lɛtɔtɔ busie mmomu utulo.

Korintoƒuɔ 1 14:14

Ɔsika si lɛ́sia ulu ɔmɛni lɛlɔ lɛ́kpali katɔ ni, mina kɔyu aku kɔɔkpali katɔ bɔdi, nsu ɔɔɔdi ku mina kasusu.

Korintoƒuɔ 1 14:26

Banwa, mɔɔwia ka liti lɛla lɛdi libunku ɔmɛni na bina bɔsa kemmo. Si uwi ɔni na bɛ́sa bɛnii bɛɛkpali katɔ ni, ɔdi ubo ɔnu ɔni na ɔɔyɔ́ ka udie, na ɔdi lɛnɔ ubo lɛla lɛdi na ɔɔyɔ́-ka ɔtina. Na ɔdi lɛnɔ ɔɔyɔ́ ka udie Katɔti lɛla lɛdi ɔtina. Na ɔdi lɛnɔ ɔdanku kenye kadi na adi lidu lidu kemmo, na ɔdi lɛnɔ kalɛ na udie ala ammɔ kalɔ. Nsu ɔlɛka bɛbla ala amɛni ƒui kalɛ na ute baƒɔtaadine lɛkpa lɛmmɔ kebunku.

Korintoƒuɔ 2 12:19

Bɛɛbu uwi ɔmɛni ƒui bɛnii lɛlɔ kenye na buudie na bina anumi? Oowo! Katɔti ɔ́bla-bu unwi ku Kristo na bɔɔsu lɛla biala na nwuna anumi. Banwa, na lɛla biala na bɔɔsu-mii ni, kalɛ kani na bina bɔƒɔtaadi bɔkɔ katɔ bubu ɔsu.

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Korintoƒuɔ 2 13:9

Lɛlɔ lɛɛyɔ́-bu si bina bɔƒɔtaadi bɔɔyu ɔkplu, na use aani si bula ɔyikun ɔɔƒana na bina lɛlɔ. Na lɛla lɛni na buuvele ndi ka bɛlɛ lili bɛwɔlɔ.

Korintoƒuɔ 2 3:8

nwuna Kɔyu ablala bɔdubɔda bɔlɛ ku bukeye bɔni ntulo budeedi bɔmmɔ ƒui!

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Korintoƒuɔ 2 5:18

Katɔti nábla ala amɛni ƒui. Na údie lɛla lɛni nébile abu ku-nwu ntɛ kalɛ na bɔblaku-nwu unwi ɔkɛnku Kristo lɛlɔ. Na anwu kani néti kabla kamɛni ɔ́kya-bu enu kemmo ɔnii bɔkpanku bekyuli bamba buboku na ɔklibi ama ku-nwu ntɛ.

Korintoƒuɔ 2 6:3

Bulayɔ ka ɔdi udie-bu bɔƒiɔ bɔdi na bula kabla kemmo. Ɔmɛni ɔsu bulabla lɛla lɛni maya na bekyuli belebo Katɔti kudɔ.

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Eƒesoƒuɔ 1:23

Baƒɔtaadine bamɛni badi Kristo ɔlɔna na beedie-nwu keyi na ulu biala lɛlɔ ka anwu ndi ukyuli ɔni náƒɔ lɛla biala kemmo ƒui.

Eƒesoƒuɔ 4:16

Anwu náya na ɔlɔna ɔmmɔ kɔkɛ ƒui kɔ́sala. Na ɔlɔna umodi ɔmmɔ ɔdanku lɛlɔ na ɔlɔna ekpo ani násala ɔsu. Anwuɔsu si ɔlɔna kakɛ biala kábla kaduɛ kalɛ na ɔ́manku ni, ɔlɔna umodi ɔmmɔ ɔɔyu ɔkplu na bɔyɔ kemmo.

Eƒesoƒuɔ 4:29

Bitasu etemila ani muusé lɛlɔ, mmomu bɛsu etemila ani mɔɔkya ukyuli ɔkplu kalɛ na ɔ́manku. Na si bekyuli bénu bina etemila ni, na bakɛ kɔsia.

Eƒesoƒuɔ 4:4

Ɔlɔna unwi pɛ ku Kɔyu kunwi pɛ nkya aani kalɛ na Katɔti ɔ́lɔ-bu na bubo lɛnunsia linwi pɛ na bɔlɔ bɔmmɔ kemmo.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Koloseƒuɔ 1:28

Na ɔmɛni ɔsu na bɔɔsu Kristo lɛlɔ litemi lɛmmɔ teete ukyuli biala. Na bɔɔlɛ-ma na bɔɔtina-ma ala na lɛnunda ƒui kemmo kalɛ na ɔdi biala ɔda ɔlɛ Katɔti anumi na use siin ɔkɛnku lɛla lɛni na Kristo ɔ́bla úte ɔdi biala kenye.

Koloseƒuɔ 4:17

Na bɛsu Arkipo ka ɔkya ɔkplu na ɔwɔlɔ Blɔti kabla kani na úti ɔ́kya-nwu enu kemmo mmɔ.

Timoteo 1 1:12

Naaakana Blɔti Yesu Kristo enu bɔgya na ɔyikun ɔni na úte-mi ɔnii ntaabla kabla kamɛni ɔsu. Na sɔsɔ ni, úti-ka ɔ́kya-mi enu kemmo. Ɔsika ɔ́nu-mi ɔ́ti ka naaalɛ-nwu kama.

Timoteo 2 4:11

Luka lɛti nébu ɔkya-mi kudɔ. Anwuɔsu tiku Marko na bibo, ɔsika ɔdi-mi ubunkune geen.

Timoteo 2 4:5

Na awɔ ni, da lɛlɔ kaduɛ na ulu biala lɛlɔ, na ataakya ɔkplu na lɛbibo biala kemmo. Na abla kabla aani litemi buni lɛmɛni lɛsa ɔkɔne. Na abla ƒula baƒɔtaadine ɔtɔnkune kabla ƒui kaduɛ.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Hebriƒuɔ 6:1

Ɔmɛni ɔsu ni, bɛya na busie anumi, na bulasɔ bulakya lɛnamu uwi kalɔ kesekɔ ala ani na bɔ́tɛya na Kristo mmɔ kani lɛlɔ kemmo. Bitaya na bɔsɔ butése kalɔ kesekɔ ala bɔtɛya kalɔ. Ala amɛni adanku kayi bunwini na ala ekpidi lɛlɔ ku kalɛ na bɔƒɔ Katɔti bɔdi lɛlɔ.