Eƒesoƒuɔ 4:11 - Katɔti Ɔku Kedee

¹¹ Anwu néti etela úte bekyuli na údie badi ka babla batalane, na badi lɛnɔ badi kenye bediene, na badi lɛnɔ badi lɛsa bakɔne, na badi lɛnɔ badi baƒɔtaadine lɛlɔ banune ku ala batinane.

Eƒesoƒuɔ 4:11 ပူးပေါင်းရင်းမြစ်များ

Ala Alɛdi 2 15:3

“Ɔsika uwi gyɔlɔɔ ɔdi mɛni ni, Israelƒuɔ béni na basɔ balakpa Katɔti geen ɔmmɔ na iye benu bakpane bani na nka badubɔkana na batina-ma ala basiku Katɔti ɔmmɔ lɛlɔ. Na béni na baladi Unwoti ɔda bubo lɛlɔ.

Yeremia 3:15

Na ndubɔƒuna batɔnkune bani náda anu na baabu-mii lite-mii na banu-mii lɛlɔ aani baƒonu badane babuni kalɛ.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Batalane Kabla 13:1

Na Antiokia ni, Blɔti kenye bediene ku ala batinane badi bakya baƒɔtaadine lɛkpa lɛmmɔ kemmo. Na ama ndi Barnaba ku Simeon ɔni bátaalɔ Ukyuli Otondi ku Lukio ɔni nási Kirene ku Manaen ɔni ndi Ɔga Herode ɔvinkpana ɔ́si lɛnamu uwi ku Saulo.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Batalane Kabla 21:8

Amu ka kadi kégye ni, bɔ́ta mmɔ búsie Kaesarea. Na bútéduo Litemi Buni Lɛsa Ɔkɔne Ƒilipo kesii. Anwu ndi bebunkune maatɛ bani na bédie na Yerusalem akɔ unwi.

Romaƒuɔ 12:7

Si ukyuli ɔdi litela lɛdi bekyuli kabla bɔbla ni, ɔdi ka utaabla kabla lɛni kani. Si ɔdi ala bɔtina ni, ɔdi ka ɔtina ala ammɔ lɛni kani.

Korintoƒuɔ 1 12:4

Katɔti Kɔyu kuute etela pii, nsu Kɔyu kunwi kɔmmɔ kani na kɔdi.

Eƒesoƒuɔ 2:20

Amii lɛnɔ bise aani kowodu kɔni na bátu bálɛ kpakplaa kɔni na batalane ku kenye bediene bammɔ bátu. Na Kristo ɔlati ndi kowodu kalɔ lɛtabi lɛni nda kowodu kɔmmɔ.

Eƒesoƒuɔ 3:5

Kuuku ni, ɔyawine ɔdi ɔɔɔgyi abɛla amɛni. Nsu ɔƒɛni kani ni, Katɔti ɔ́ya na nwuna Kɔyu kúdie ala amɛni keyi ɔ́tina nwuna batalane ku kenye bediene kedee.

Eƒesoƒuɔ 4:8

Aani kalɛ na Bunweni Kedee Ɔku ɔɔtina ɔnii, “Uwi ɔni na ɔ́kɔ úsie katɔ ƒui ni, úti bekyuli bani na úkpo ɔ́ƒɔ ƒui ɔ́tɔlɔku. Na úte-ma etela.”

Timoteo 2 4:5

Na awɔ ni, da lɛlɔ kaduɛ na ulu biala lɛlɔ, na ataakya ɔkplu na lɛbibo biala kemmo. Na abla kabla aani litemi buni lɛmɛni lɛsa ɔkɔne. Na abla ƒula baƒɔtaadine ɔtɔnkune kabla ƒui kaduɛ.

Hebriƒuɔ 5:12

Sɔsɔ ni, ɔƒɛni kalɛ bene nka bɛdi ala batinane muedi. Nsu bɛsɔ bɛɛwia ukyuli ɔni nsɔ medie Katɔti litemi buni lɛmmɔ ala kalɔ kesekɔ mete-mii. Ɔni na bɛwia adila geen kama ni, bɛɛwia lɛnyi ntu mmomu.

Yuda 1:17

Nsu ni, mina banwa, bɛkali etemila ani na Yesu Kristo batalane básu-mii.

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”

Budie Taatina 21:14

Na kowodu kalɔ atabi ani bákya kowodu kɔmmɔ kalɔ ebo atabi leevu-anyɔ. Na bénweni Koƒonu Ubi ɔmmɔ batalane anyi leevu-anyɔ básia kadi biala lɛlɔ.