Eƒesoƒuɔ 3:8 - Katɔti Ɔku Kedee

⁸ Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Eƒesoƒuɔ 3:8 ပူးပေါင်းရင်းမြစ်များ

Ala Alɛdi 1 17:16

Ɔmmɔ kama ni, Dawid úsie útéduo kevo kani kemmo na Bunyimi Adaka ɔmmɔ use mmɔ kemmo na ɔ́yu úlie kalɔ na ɔ́kpali Unwoti ɔ́su ɔnini, “Unwoti Katɔti, ami ku mina kaduli bekyuli ƒui bútamanku bútete ala ani na áabla éte-bu muedi

Kɔgya 31:19

Áklibi ala abuni geen ése bekyuli bani mɔɔbu-ɔ na békeli bábatamiku-ɔ. Na adubuti-nya ete-ma na bekyuli ƒui anumi.

Luka 14:22

“Amu na kabla ɔblane ɔmmɔ úsie útábla lɛni. Na ɔ́sɔ únwini úbasu nwuna Unwoti ka ɔ́lɔ-ma, nsu kuliekɔ pii kɔ́sɔ kúbu.

Yohane 1:16

Na Katɔti lɛƒɔndia ku litemi geen lɛni náƒɔ-nwu lɛlɔ kemmo ƒui ɔsu ni, ɔ́bla bula ƒui lɛƒɔndia ɔ́sia kama.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Batalane Kabla 9:15

Nsu Blɔti ɔ́su-nwu ɔnini, “Teesie, na atábla kalɛ na lɛ́su-ɔ. Ɔsika ami lɛ́ɛƒuna Saulo aani mina ukyuli ɔni meti mina litemi buni lɛmɛni mesienku ama bani naaadi Israelƒuɔ ku baga anumi ku Israelƒuɔ ƒui kudɔ.

Romaƒuɔ 11:33

Katɔti úbomo geen na ala abuni ƒui ási-nwu kudɔ. Na geen ni, ɔ́da anu na ɔgyi ala ƒui kemmo kaduɛ. Ukyuli ɔdi ulénu ulu ɔni lɛlɔ na ɔɔsia taatɛ litemi kalɔ. Na ukyuli ɔdi ulénu lilu lɛni lɛlɔ na ɔɔsia taabla nwuna ala kalɔ.

Romaƒuɔ 12:10

Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.

Romaƒuɔ 2:4

Munuu bɛɛbu bɛnii keeke na Katɔti ɔɔbla-bu kaƒɔbuni na ɔɔkɛ́ kayi na uuwiku-bu lɛlɔ? Bɛti geen ka ni, Katɔti ɔɔbla-bu lɛƒɔndia lɛmɛni ɔsika ɔɔwia ka ubunku-bu na bunwini kayi.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 1 15:9

Ɔsika ami ndi batalane bammɔ akɔ ubliidi ƒui. Na ńtamanku ka balɔ-mi banii ɔtalane muedi, ɔsika ami líkpoku Katɔti baƒɔtaadine lɛkpa lɛmmɔ.

Korintoƒuɔ 1 2:9

Nsu Bunweni Kedee Ɔku ɔɔsu ɔnii, “Lɛla lɛni na ɔdi útanu iye útenu, na ɔdi útakali lɛnɔ ka lɛdubɔlɛ ni, ani geen ndi lɛla lɛni na Katɔti ɔ́klibi úse úte bekyuli bani mɔɔyɔ́-nwu.”

Galatiƒuɔ 2:8

Na ɔkɛnku Katɔti ɔyikun lɛlɔ na ndi ɔtalane nte bani naaadi Yudaƒuɔ, aani kalɛ Petro lɛnɔ ɔdi ɔtalane ute Yudaƒuɔ.

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Eƒesoƒuɔ 3:1

Ɔmɛni ɔsu ni, ami Paulo ɔni ntɛ aban ɔtɔ ka mɔɔbla Kristo Yesu kabla na bina lili ɔsu ni,

Eƒesoƒuɔ 3:16

Muuvele Katɔti na nwuna lɛƒɔndia bukeye pii kemmo nnii ɔkya-mii ɔkplu na nwuna Kɔyu kute-mii ɔyikun na bina kayi kemmo.

Eƒesoƒuɔ 3:19

Na bɛnu Kristo bɔyɔ bonwu bɔni kalɔ na ukyuli ulakana bunu bɔwɔlɔ mɛni bɛti na Katɔti ɔƒɔ bina ƒui lɛlɔ kemmo aani kalɛ kani na anwu ɔlati use.

Eƒesoƒuɔ 3:2

lɛ́ƒɔ lɛ́di ka bínu ka Katɔti úti kabla kamɛni ɔ́kya-mi lɛkɔkɔ ka lɛbla na bina akɔ na nwuna lɛƒɔndia lɛni na ubo ute-mii ɔsu.

Ƒilipiƒuɔ 2:3

Bitabla lɛla lɛdi bitasiaku amii lɛti lɛkɛ lɛlɔ iye bɛbla na biti bɛtina lɛlɔ. Mmomu biboku lɛlɔ kalɔ bite lɛlɔ. Na uwi biala ni, ɔdi biala utaabu ɔkpanadi teetulo lɛlɔ.

Ƒilipiƒuɔ 4:19

Na mina Katɔti ɔdubute-mii etela ani ƒui bɛɛwia ɔkɛnku Kristo Yesu lɛkɛ ku bukeye kemmo.

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Timoteo 1 1:13

Ina ka líkpoku-nwu na lɛ́tɛmi enyekpi ku edumi na nwuna lɛlɔ dii asa na ḿbenwini kayi ni, Katɔti ɔ́nu-mi kɔnyana. Ɔsika uwi ɔmmɔ kemmo ni, ńtaƒɔ-nwu tɔ ńtadi na ńtati lɛla lɛni lɛnɔ na ńtaabla.

Timoteo 1 1:15

Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Timoteo 2 1:11

Katɔti úti-mi ɔ́bla lɛsa ɔkɔne ku ɔtalane ku nwuna litemi buni lɛmɛni ala ɔtinane.

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.