Eƒesoƒuɔ 3:3 - Katɔti Ɔku Kedee

³ Línweni ɔku klukui ɔdi límene-mii ɔ́siku kalɛ na Katɔti údie nwuna ala ani nábɛ ukyuli ɔ́tina-mi.

Eƒesoƒuɔ 3:3 ပူးပေါင်းရင်းမြစ်များ

Batalane Kabla 22:17

“Ɔmɛni kama ni, línwini lísie Yerusalem. Na ka nkya kakpakɔ mɔɔkpali katɔ ni, ɔ́bla-mi aani si bɔlɛɛ na nda, na lɛ́nu budie taatina bɔdi.

Batalane Kabla 22:21

“Nsu Blɔti ɔ́su-mi ɔnini, ‘Ta, na eteesie ɔgyu kakaaka na kesii kani mɔɔtala-a na bekyuli bani naaadi Yudaƒuɔ akɔ!’ ”

Batalane Kabla 23:9

Mɛni na owogyo ɔdi úbeduo-ma akɔ. Na ɔda bubo ala batinane bani ndi Ƒarisiƒuɔ bénye Paulo litemi lɛmmɔ kama banii lɛdi litemi geen. Na báva momoomo básu banini, “Bútanu lɛla likpidi lɛdi na nwuna lɛlɔ! Na si kɔyu kɔdi iye Katɔti ɔtu ɔdi nétemiku-nwu ni, bitaya na bukpoku Katɔti!”

Romaƒuɔ 11:25

Banwa, ala abɛdi adi akya ɔ́si kukuuku ani na naaayɔ nnii abɛ-mii ƒui kalɛ na bilátaakun lɛmɛnɛ na bina kasusu kenye. Anwu ndi ka ni, Yudaƒuɔ badi atuɔkplu ani baabla ni, ɔɔɔdubo buse lɛni uwi ƒui. Mmomu atuɔkplu ammɔ kenye kadubukulo uwi ɔni na Katɔti ɔ́sala bumomo bɔni na ɔɔwia na bani naaadi Yudaƒuɔ akɔ ɔ́wɔlɔ.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Korintoƒuɔ 2 12:1

Ɔdi ka lɛkun lɛmɛnɛ ina ka kɔsia kɔdi kuuubo-nwu kemmo. Na amii ɔsu na ndubusie anumi ntaasu ala ani na Blɔti údie ɔ́tina-mi.

Galatiƒuɔ 1:12

Na ɔɔɔdi ukyuli ɔdi kudɔ lɛnɔ na lɛ́ƒɔ-ni lɛ́siku iye ɔdi nátina-mi lɛla lɛmmɔ lɛnɔ. Mmomu Yesu Kristo ɔlati nédie nwuna ablala etemila ammɔ ɔ́tina-mi.

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Eƒesoƒuɔ 3:4

Na si bɛ́ka-nwu ni, bɛdubɔnu kalɛ na muunú Kristo abɛla amɛni kalɔ.

Eƒesoƒuɔ 3:6

Na lɛbɛla lɛmmɔ ndi ka bani naaadi Yudaƒuɔ lɛnɔ benwini Katɔti ala badine aani bekyuli bani na ɔ́ƒuna kalɛ na babla ɔlɔna ɔmmɔ kakɛ kadi. Na ɔkɛnku Kristo Yesu lɛlɔ ni, badubɔkɛ ala ani na Katɔti ɔ́su nwuna bekyuli úse.

Eƒesoƒuɔ 3:9

Na lɛya bekyuli bati kalɛ na Katɔti abɛla ammɔ ani na anwu ɔni nédie ala ƒui úti ɔ́bɛla bekyuli uwi ɔni návi kemmo adubo kabla bɔbla na bekyuli akɔ.

Eƒesoƒuɔ 6:19

Bivele na ami lɛnɔ lili na Katɔti ɔya na kenye kada-mi kalɛ na makana menye kpakplaa na medie litemi lɛmmɔ abɛla matina bekyuli na ɔyikun kemmo.

Koloseƒuɔ 2:2

Mɔɔbla ɔmɛni kalɛ na bakɛ ɔkplu bɔkya na bana kayi kemmo na babla unwi lɛnɔ na bɔyɔ kemmo. Ɔmɛni ndubɔya na bakɛ lɛkɛ libendi lɛni nkɛnku ala kalɔ bunu nwaa. Na badubɔti Katɔti lɛbɛla lɛni ndi Kristo.

Koloseƒuɔ 4:3

Na uwi biala kemmo na bɛɛkpali katɔ ni, bivele Katɔti na ɔlɛmi ulu ute-bu na bɔkana na bɔsu Kristo litemi buni lɛmmɔ abɛla. Ɔmɛni ɔsu na ntɛ aban ɔtɔ.

Hebriƒuɔ 13:22

Banwa, muuvele-mii geen nnii binu-mi ala ani na mɔɔsu-mii ku ogya ɔni mɔɔkya-mii. Ɔsika ɔku klukui ɔdi kani na línweni-mii.

Petro 1 5:12

Silivano ɔni na mɔɔbu aani ɔƒɔtaadine ɔnwa ɔni mɔɔdi bɔƒɔtaadi bammɔ lɛlɔ geen ni, anwu nébunku-mi na búnweni ɔku klukui ɔmɛni buute-mii. Na mɔɔwia ka lɛkya-mii ogya na lidie kenye lɛsu-mii ka ni, ala ani lɛlɔ na línweni ɔku ɔmɛni lɛ́siku ni, adi kalɛ na Katɔti kaƒɔ kadia kete-bu. Anwuɔsu binye kpakplaa.

Petro 2 3:15

Na bɛbu bɛnu kalɛ na Katɔti ɔɔkɛ́ku-mii kayi. Ɔmmɔ ndi kuƒi kɔni na úte-bu ka bɔkɛ ngba bɔƒɔ. Lɛni kani na Ɔnwa Paulo ɔkɛnku lɛlati lɛni na Katɔti úte-nwu kenye únweni ɔku úte-mii.