Eƒesoƒuɔ 3:16 - Katɔti Ɔku Kedee

¹⁶ Muuvele Katɔti na nwuna lɛƒɔndia bukeye pii kemmo nnii ɔkya-mii ɔkplu na nwuna Kɔyu kute-mii ɔyikun na bina kayi kemmo.

Eƒesoƒuɔ 3:16 ပူးပေါင်းရင်းမြစ်များ

Hiob 23:6

Bɔbɔku na ɔdubo-mi na nwuna ɔyikun ɔsu na lɛgyu lɛtɔlɔ? Ńtaƒɔ ńtadi, mmomu ɔdubuwiku-mi lɛlɔ na unu kenye kani na ndanku.

Kɔgya 138:3

Limeyi lɛni na líwulo lɛkpali-ɔ ni, énu-mi bɔkpali na ákya-mi kayi na áya na mina kɔyu kɔ́kɛ ɔyikun.

Kɔgya 28:8

Unwoti muute nwuna bekyuli ɔyikun na ɔdi katamikukɔ ute Ɔga Ɔƒunadi.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Sakaria 10:12

Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Romaƒuɔ 2:29

Mmomu ukyuli ɔni ndi Yudani geen ndi ukyuli ɔni mɔɔtina na nwuna ablala kemmo ka úti nwuna kayi úte Katɔti. Na ɔɔɔkɛnku ɔlɔna ɔni na békulo na ɔda bubo ɔdi kenye lɛlɔ. Mmomu ɔkɛnku Katɔti Kɔyu lɛlɔ. Na ɔɔɔdi ukyuli ɔyawine mɔɔkɔliku ukyuli ɔmmɔ lɛnyi katɔ, mmomu Katɔti.

Romaƒuɔ 7:22

Nka na mina kayi kemmo geen ni, Katɔti ɔda bubo bɔɔda-mi ebiti geen.

Romaƒuɔ 9:23

Na lɛni kani na ɔ́yɔ ka údie ala abuni ani nkya nwuna bukeye bonwu kemmo keyi ɔtina bani na wanu kɔnyana. Na abu ndi bekyuli bani na ɔ́klibi úse ka bɔdubo bukeye.

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Korintoƒuɔ 2 12:9

Mmomu ɔ́su-mi ɔnini, “Mina lɛƒɔndia lɛdubɔda-a, ɔsika mina ɔyikun ɔɔbla ala ebendi na bekyuli bani násɔ lɛlɔ teetulo.” Ɔmɛni ɔsu lɛlɔ lɛdubɔyɔ-mi litulo si mɔɔkun lɛmɛnɛ na mina bɔsɔ lɛlɔ kalɛ na Kristo ɔyikun ɔƒɔ-mi lɛlɔ kemmo ƒui.

Korintoƒuɔ 2 4:16

Kasusu kamɛni ɔsu na enu aláƒɛ-bu si ina bula ɔlɔna ugyii ɔmɛni ɔɔyii udu muedi ni, bɔgyi ka bula kɔyu kemmo ngba bulie bɔɔbla ɔwɔdi uwi biala.

Eƒesoƒuɔ 1:18

Na muuvele Katɔti nnii bina kasusu kabla nwaa na bɛnu nwuna bukeye bɛti kalɛ na biti bina anu bɛsia ala ani ɔsu na ɔ́lɔ-mii ku ala bonwu ani na bɔɔkɛ́ taadi na nwuna baƒɔtaadine akɔ lɛlɔ.

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Eƒesoƒuɔ 3:15

Anwu mɔɔyá na lɛla biala lɛni nkya katɔ ku kalɔ ƒui libo lɛnyi na nina udu kenye.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Ƒilipiƒuɔ 4:19

Na mina Katɔti ɔdubute-mii etela ani ƒui bɛɛwia ɔkɛnku Kristo Yesu lɛkɛ ku bukeye kemmo.

Koloseƒuɔ 1:11

Muuvele-nwu nnii ɔya na nwuna ɔyikun ɔni nási nwuna bukeye kemmo ɔƒɔ-mii lɛlɔ kemmo ƒui kalɛ na bɛkana bunye kpakplaa na ala ani muukpóku-mii kenye ku kayi buɛɛ. Bɛgya Katɔti enu ku lɛlɔyɔ, ɔsika anwu náya na bínwini ala badine na Katɔ Ɔga Ɔma kesii kani na muukeye.

Koloseƒuɔ 1:27

Katɔti bɔyɔ ndi ka bekyuli bani naaadi Yudaƒuɔ ƒui bati lɛla libendi lɛni na ɔ́da úse-bu, na lɛ́ƒɔ kuye geen. Na ani ndi Kristo ɔni nkya-bu kayi kemmo. Na anwu ndi bula lɛnunsia ka abu lɛnɔ bubo kadikɔ na Katɔti bukeye kemmo.

Koloseƒuɔ 2:2

Mɔɔbla ɔmɛni kalɛ na bakɛ ɔkplu bɔkya na bana kayi kemmo na babla unwi lɛnɔ na bɔyɔ kemmo. Ɔmɛni ndubɔya na bakɛ lɛkɛ libendi lɛni nkɛnku ala kalɔ bunu nwaa. Na badubɔti Katɔti lɛbɛla lɛni ndi Kristo.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Hebriƒuɔ 11:34

Na badi benine lɛgyavonku bonwu lɛni mɔɔkywí teebile ala. Na badi bálɛ bekyuli bani mɔɔwia-ma badu ku kuwii enu kemmo. Na ina ka bekyuli bamɛni ƒui beeebo ɔyikun ɔdi ni, Katɔti ɔ́ya na bénwini bayikune! Na bénwini bekpone bani mbo ɔyikun geen na bádi kadi bamba bekpone ƒui lɛlɔ.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.