Eƒesoƒuɔ 3:14 - Katɔti Ɔku Kedee

¹⁴ Ɔmɛni ɔsu mɔɔlɛ akɔnkɔ teevele Katɔti.

Eƒesoƒuɔ 3:14 ပူးပေါင်းရင်းမြစ်များ

Baga 1 19:18

Nsu lídie Israelƒuɔ bekyuli mpim maatɛ bani nátalɛ akɔnkɔ bétete Baal iye bakya-nwu kɔgbu.”

Baga 1 8:54

Uwi ɔni na Salomo ɔ́wɔlɔ Katɔti bɔkpali bɔmɛni ku bekyuli evelela ani na ɔ́da ɔ́va Unwoti anumi ƒui ni, ɔ́ta únye na Unwoti lɛkpabi anumi na kesii kani na ɔ́lɛ akɔnkɔ na ɔ́talaku enu katɔ ɔ́tina kayaa

Esra 9:5

Uwi ɔni na useyi akpala bɔbla uwi údu ni, lɛ́ta na kesii kani na lɛ́yu líwi mmɔ. Nsu na mmu nkya lɛwu lɛni nábuɛ mmɔ. Na lɛ́lɛ akɔnkɔ na lɛ́talaku mina enu katɔ na lɛ́kpali Unwoti Katɔti.

Kɔgya 95:6

Bibo na bɔkya lili kalɔ bɔkpa Unwoti. Na bɔlɛ-nwu akɔnkɔ kalɔ, ɔsika anwu ndi bula Unwoti na anwu nédie-bu.

Yesaia 45:23

Líse kenye kpakplaa kani na kalavumana kudii, na ukyuli biala ɔdubo lili kalɔ bɔkya bɔbu-mi.

Daniel 6:10

Daniel únu ɔda bubo bɔni na bényimi, nsu ka úsie kaduli ɔ́kɔ úsie ɔtɔ ɔtɔdi kemmo ni, úténye ƒansili ɔni néti anumi ɔ́tina Yerusalem na ɔ́lɛ akɔnkɔ ɔ́kpali Katɔti kalɛ kani na ɔɔyɔ́ bɔbla limeyi ndi limeyi, ɔsika kɔtɛ na ɔɔkpali Katɔti limeyi biala kemmo taagya-nwu enu.

Luka 22:41

Amu na ɔ́da-ma úse na ɔ́kpɛ ɔ́lɛ-ma kudɔ úsie sɛsɛɛ na útálɛ akɔnkɔ na ɔ́kpali katɔ.

Batalane Kabla 20:36

Na uwi ɔni na Paulo ɔ́wɔlɔ butemi bɔmɛni ni, ɔ́lɛ akɔnkɔ na ama ku-nwu bákpali katɔ.

Batalane Kabla 21:5

Amu na uwi ɔni na búlie-ma kudɔ bɔ́wɔlɔ na búsela ni, baƒɔtaadine bamɛni ku bana beleku ku bebi ƒui béti-bu bétésie ɛpu kɔtu, na bula ƒui bɔ́lɛ akɔnkɔ na bɔ́kpali katɔ.

Batalane Kabla 7:60

Amu na ɔ́lɛ akɔnkɔ na ɔ́sɔ ɔ́kpali katɔ ɔ́su ɔnini, “Unwoti, teti bɔƒiɔ bɔmɛni tete-ma, énu!” Na ka útemi ɔ́su lɛni ɔ́wɔlɔ ni, ɔ́lɛ úbo kalɔ na ɔ́yula.

Batalane Kabla 9:40

Amu na Petro ɔ́su bana ƒui ɔnii bavi balɛ ɔtɔ ɔmmɔ kemmo, na ɔ́lɛ akɔnkɔ na ɔ́kpali katɔ. Amu na únwini anumi ɔ́tina Dorka na ɔ́su-nwu ɔnini, “Dorka, ta!” Mmɔ kani na úbimi anumi. Na ka ɔ́nya ɔ́nu Petro ni, ɔ́ta úlie.

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Eƒesoƒuɔ 3:15

Anwu mɔɔyá na lɛla biala lɛni nkya katɔ ku kalɔ ƒui libo lɛnyi na nina udu kenye.

Ƒilipiƒuɔ 2:10

Na si bálɔ Yesu lɛnyi ni, ɔlɛka ɔdi biala ɔlɛ akɔnkɔ kalɔ, ama bani nkya katɔ ku kayawi ku kalɔ kemmo ƒui!