Eƒesoƒuɔ 2:9 - Katɔti Ɔku Kedee

⁹ Na útasi bina kabla kadi lɛnɔ kemmo kalɛ na ɔdi ɔkun lɛmɛnɛ lɛdi.

Eƒesoƒuɔ 2:9 ပူးပေါင်းရင်းမြစ်များ

Romaƒuɔ 11:6

Nwuna lɛƒɔndia lɛlɔ na ɔkɛ ɔ́ƒuna-ma, na ɔɔɔdi bana lɛla lɛni bábla ɔsu na ɔ́ƒuna-ma. Na si Katɔti ɔɔƒuna bekyuli na bana kabla bɔbla kenye ni, na nwuna lɛƒɔndia lɛɛɛdi lɛƒɔndia geen.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 4:2

Si ɔkɛnku kabla lɛlɔ na Katɔti ɔ́nu ka Abraham use siin ni, na ubo kenyekɔ ka ɔkun lɛmɛnɛ. Nsu uuubo kenyekɔ kammɔ na Katɔti anumi, ɔsika ɔɔɔdi Abraham kabla na ɔ́nu.

Romaƒuɔ 9:11

Nsu ni, Katɔti ubo ulu ɔni na ɔɔsia taaƒuna bekyuli. Na kalɛ na ubo-nwu kemmo lɛni ɔsu ni, Katɔti ɔ́su lɛla lɛdi úse asa na badubɔwɔ nta bamɛni iye asa na nta bammɔ bati lɛbuni ku likpidi. Na ulu ɔni lɛlɔ na ɔɔsia mmɔ ɔɔɔkɛnku bana kabla kadi lɛlɔ. Mmomu ɔ́su Rebeka ɔnini, “Ubi unengudi ɔdubunwini ɔnamudi kabla ɔblane.”

Romaƒuɔ 9:16

Anwuɔsu kalɛ na Katɔti ɔɔnu ukyuli kɔnyana ni, ɔɔɔkɛnku ukyuli ɔmmɔ kabla bɔbla iye tabla lɛlɔ. Mmomu ni, ɔkɛnku kalɛ na Katɔti ɔlati ɔɔnu kɔnyana lɛlɔ.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.