Eƒesoƒuɔ 2:4 - Katɔti Ɔku Kedee

⁴ Nsu ka Katɔti ɔɔnu-bu kɔnyana pii na nwuna bɔyɔ bɔni na ubo úte-bu lɛnɔ bumomo ɔsu ni,

Eƒesoƒuɔ 2:4 ပူးပေါင်းရင်းမြစ်များ

Nehemia 9:17

Na béni ka benyimo ƒula akɔla lidu lidu ani na édie átina na bana akɔ. Na bana atuɔkplu ku bɔta bunye kemmo ni, bédie ɔtɔnkune ɔni nsɔ makpanku-ma matákya bana lɛbibo kabla kemmo. Nsu awɔ Katɔti aanu kɔnyana, na éyi ku bɔyɔ ku lɛƒɔndia, na éti bana ekpidi akyiɛ-ma. Ɔmmɔ ɔsu étenwini kama átakya-ma.

Kɔgya 145:8

Unwoti ubo lɛƒɔndia na ɔɔnu kɔnyana na uléti kɔnyi pla pla, na ɔɔyɔ́ bekyuli uwi ndi uwi.

Kɔgya 51:1

O Katɔti, nu-mi kɔnyana, ɔsika ƒula bɔyɔ bulávumana. Na ƒula kɔnyana pii kɔni na aanu abu bekyuli ɔsu ni, ƒɔ mina ekpidi ƒui die-mi lɛlɔ.

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Israelƒuɔ Bɔlɛ 33:19

Amu na Unwoti údie kenye ɔnini, “Ndubɔya na mina bukeye bɔvi ƒula anumi. Na si mɔɔví ni, ndubɔlɔ mina lɛnyi kedee nnii Unwoti. Na ukyuli ɔni litemi mɔɔyɔ́ ni, ndubɔnu-nwu kɔnyana. Na ukyuli ɔni mɔɔyɔ́ lɛnɔ ni, ndubɔbla-nwu lɛƒɔndia.

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Yeremia 31:3

Uwi ɔdi návi ni, Unwoti údie lɛlɔ ɔ́tina-mi na ɔ́su ɔnini, “Israel, ndubo butaayɔ-ɔ uwi ndi uwi, anwuɔsu na lɛ́kɛku-ɔ kayi buɛɛ na muuwiku-ɔ lɛlɔ ku kɔnyana bɔnu.

Daniel 9:9

Unwoti Katɔti, aanu kɔnyana na eeti likpidi taakyiɛ ina ka bɔ́bla alaekpidi na bɔ́ƒiɔ-ɔ,

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.

Luka 1:78

Bula Katɔti use buɛɛ, na ɔɔnu kɔnyana. Ɔdubɔtala Ɔƒɔne ɔkya-bu ɔni muukeye aani kalɛ na ɔƒɛ ɔɔtu.

Romaƒuɔ 10:12

Ɔmɛni ɔɔtina ka ni, kavumana kadi keeebo Yudaƒuɔ ku bani naaadi Yudaƒuɔ ntɛ. Na Blɔti ɔdi bula ƒui Ɔti, na uute bekyuli bani ƒui mɔɔkpali-nwu ala abuni.

Romaƒuɔ 2:4

Munuu bɛɛbu bɛnii keeke na Katɔti ɔɔbla-bu kaƒɔbuni na ɔɔkɛ́ kayi na uuwiku-bu lɛlɔ? Bɛti geen ka ni, Katɔti ɔɔbla-bu lɛƒɔndia lɛmɛni ɔsika ɔɔwia ka ubunku-bu na bunwini kayi.

Romaƒuɔ 5:8

Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Romaƒuɔ 9:23

Na lɛni kani na ɔ́yɔ ka údie ala abuni ani nkya nwuna bukeye bonwu kemmo keyi ɔtina bani na wanu kɔnyana. Na abu ndi bekyuli bani na ɔ́klibi úse ka bɔdubo bukeye.

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Timoteo 1 1:14

Mina tati tati ɔ́ya na lɛ́du-nwu kaƒɔ, na ɔ́ya na lɛ́nu Kristo Yesu lɛ́ti na lɛ́ƒɔ-nwu lɛ́di na lɛ́blaku-nwu unwi. Ɔmɛni ɔsu na ami lɛnɔ mɔɔyɔ́ bekyuli.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Petro 1 1:3

Bɛya na bɔgya Katɔti ɔni ndi Blɔti Yesu Kristo Ɔti enu. Ka Katɔti ɔɔnu-bu kɔnyana geen ɔsu ni, ɔ́ya na bɔdubulie ngba bɔwɔdi na kɔyu kemmo, ɔsika ɔ́gyila Yesu Kristo ɔ́lɛku kekpine. Anwuɔsu na bubo lɛnunsia lɛni naaayii udu kudii.