Eƒesoƒuɔ 2:18 - Katɔti Ɔku Kedee

¹⁸ Ɔkɛnku Kristo lɛlɔ na bula akpa anyɔ ƒui, Yudaƒuɔ ku bani naaadi Yudaƒuɔ, bɔkɛ Katɔti Kɔyu kunwi lɛlɔ búbo Katɔti anumi.

Eƒesoƒuɔ 2:18 ပူးပေါင်းရင်းမြစ်များ

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Yohane 10:7

Ɔmɛni ɔsu ni, Yesu ɔ́sɔ ɔ́su-ma ɔnini, “Mɔɔsu-mii geen ka ni, ami ndi ɔba kayakun ute baƒonu bammɔ.

Yohane 10:9

Ami ndi kayakun kammɔ. Na ukyuli biala ɔni mɔɔsia-mi lɛlɔ teeduo ɔba ɔmmɔ kemmo ni, ndubɔƒɔ-nwu ngba. Ɔdubuduo mmɔ utaalɛ na utaakɛ adila abuni taadi.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Romaƒuɔ 5:2

Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Galatiƒuɔ 4:6

Ka bɔdi Katɔti bebi ɔsu ni, ɔ́tala Ubi ɔmmɔ Kɔyu ɔ́kya bula kayi kemmo. Na Kɔyu kɔmmɔ mɔɔkpali katɔ taalɔ ɔnini, “Abba” ɔni kalɔ ndi mina Ati.

Eƒesoƒuɔ 3:12

Ɔmɛni ɔsu na bunye kpakplaa na búti bula kayi ƒui bɔ́sia-nwu lɛlɔ ka si bɔ́blaku-nwu unwi na bɔ́ƒɔ-nwu bɔ́di ni, na bɔkɛ ulu ƒaa na bɔda bɔlɛ Katɔti anumi ku kayi buse.

Eƒesoƒuɔ 3:14

Ɔmɛni ɔsu mɔɔlɛ akɔnkɔ teevele Katɔti.

Eƒesoƒuɔ 4:4

Ɔlɔna unwi pɛ ku Kɔyu kunwi pɛ nkya aani kalɛ na Katɔti ɔ́lɔ-bu na bubo lɛnunsia linwi pɛ na bɔlɔ bɔmmɔ kemmo.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Hebriƒuɔ 7:19

Ɔsika ɔda bubo bɔni na Katɔti úte-bu ɔkɛnku Mose lɛlɔ ni, bútabla Katɔti kabla bútawɔlɔ. Na ɔƒɛni ni, bɔ́kɛ lɛnunsia lɛni ndia ntulo na lɛɛyá na bɔɔní teede Katɔti.

Yakobo 3:9

Unyemi ɔmɛni na buuti teemwi Katɔti. Na anwu kani na buuti teewida bula ukyulikpana ɔni na Katɔti údie aani anwu ɔlati kalɛ.

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Yuda 1:20

Nsu ni, mina banwa, biti lɛlɔ bɛsia Kristo kalɛ na bina bɔƒɔtaadi kedee bɔyu ɔkplu, na bitaakpali katɔ na Kɔyu kemmo na ɔkya-mii ɔyikun.