Eƒesoƒuɔ 2:17 - Katɔti Ɔku Kedee

¹⁷ Anwuɔsu Kristo úbo úbakɔ keyi buɛɛ litemi buni lɛmmɔ lɛsa úte bekyuli bani nágyunku-nwu ku bani nákpɛ béde-nwu ƒui.

Eƒesoƒuɔ 2:17 ပူးပေါင်းရင်းမြစ်များ

Kɔgya 148:14

Ɔ́ya na nwuna kadi bekyuli Israelƒuɔ bani mma-nwu lɛlɔ bálɛ lili, ɔsika ɔɔgyumana-ma kpakplaa aani akɔ ɔni mbo ɔyikun ku ese kangyaa. Bɛya na bumwi Unwoti.

Kɔgya 75:1

Bɔɔgyá-a enu, O Katɔti, na buumwi-ɔ, ɔsika ede-bu! Na bɔɔká ƒula akɔla ala budie taatina taasu bekyuli.

Kɔgya 85:10

Nwuna bɔyɔ bɔni neeebo kawɔkɔ ku kalɛ na ulalɛ nwuna litemi kama uwi ɔdi ɔdubɔsala ɔbla unwi. Na kalɛ na Unwoti ɔɔbla ala siin na uute keyi buɛɛ lɛnɔ ɔdubɔkya lɛlɔ kɔgbu.

Yesaia 27:5

Na si use lɛni na békeli bébekpi-mi kɔtɔ na báwia ka buwi kenye ntu na bɔbla unwi ni, ɔdia-ma utulo.”

Yesaia 52:7

Bi mɔɔdia bɔnu lɛni! Bɛnu abi lɛlɔ na binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti. Baakɔ́ keyi buɛɛ ku ngba bɔƒɔ lɛsa banini, “O Sion, ɔƒɛni amu ƒula Katɔti ndi bina ɔga.”

Sakaria 9:10

Ami, Unwoti, ndubɔda kekpo kɛɛkɛ ku bana bapɔnkɔ lɛlɛku Israel kalɔ lɛlɔ. Na kɔtaminta kɔni na bényimi bése béte kekpo ni, ndubɔƒɛ-ku ƒui. Ndubuti keyi buɛɛ liboku kadi bekyuli. Na ƒula ɔga ɔdubɔdi lɛlɔ ɔ́si ɛpu ɔvi unwi úsie ɔvi ɔkladi. Na nwuna lɛga kadikɔ kadubɔsi Euƒrate Ketu bonwu kɔtu na kavia kalɔ ƒui lɛlɔ.

Mateo 10:13

Si báƒɔ-mii ku kaƒɔ ƒaa ni, keyi buɛɛ kegye kammɔ kadubɔƒɔ kaduli kammɔ ƒui. Na si bátaƒɔ-mii ni, keyi buɛɛ kegye kammɔ kaaadubo bulieku-ma.

Luka 15:8

“Na si uleku ɔdi ubo sika ɔƒualadi ebi leevu ani ndubɔƒɔ nkyuli leevu limeyi kayu na ɔ́yila unwi ni, bi na ɔdubo bɔbla? Ɔdubɔtu asogya na ɔkpala nwuna ɔtɔ kemmo ƒui na ɔwia lɛkɔkɔ lɛmmɔ ƒui kaduɛ wetédu uwi ɔni na ɔ́nu sika ubi ɔmmɔ.

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Batalane Kabla 2:39

Ɔsika linyese lɛmɛni lise lite amii ku bina bebi ku bani nási ɔgyu ku bekyuli bani ƒui na Katɔti walɔ weboku nwuna kudɔ.”

Romaƒuɔ 10:14

Nsu ukyuli biala ɔni na útaƒɔ útadi ni, dɛ na ɔdubɔkana na ɔkpali-nwu uvele lɛla lɛdi? Na ukyuli ɔni lɛlɔ lɛsa na bátakɔ bétete-ma kudii ni, dɛ na badubɔkana na baƒɔ-nwu badi? Na si ɔdi útatákɔ lɛsa lɛmmɔ útete-ma dii ni, dɛ na badubunu-ni?

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Eƒesoƒuɔ 4:21

Use nwaa ka bɛgyi Kristo lɛlɔ litemi. Na aani nwuna kama basiakune ni, bátina-mii ala geen ani nkya Yesu ɔmmɔ kemmo.

Lɛkpa Ulu 4:7

Na kadi bekyuli badi beeebo ɔni na bana baƒiɔ bede-ma aani kalɛ na bula Unwoti Katɔti ude-bu mɛni na ɔɔtuna teete-bu si bɔ́kpali-nwu.