Eƒesoƒuɔ 2:15 - Katɔti Ɔku Kedee

¹⁵ Úti nwuna ɔlɔna ɔ́kpa úte Katɔti aani ala ani na beti bakpa bedie ekisila ani na Yudaƒuɔ ɔda bubo ƒui bɔdanku. Lɛla lɛni ɔsu na úti lɛlɔ ɔ́kpa ndi ka uti bana akpa anyɔ bammɔ ɔsala na babla benwi na nwuna kemmo, na keyi buɛɛ kebo-ma akɔ.

Eƒesoƒuɔ 2:15 ပူးပေါင်းရင်းမြစ်များ

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Galatiƒuɔ 3:10

Na bani na ama béti bana anu básia ɔda bubo bɔkukudi bɔmmɔ lɛlɔ ni, ewida asiaku-ma. Ɔsika bénweni bése banii, “Ukyuli biala ɔni naaadubo etemila ani ƒui na bénweni bése na Ɔda Bubo Ɔku kemmo lɛlɔ bɔdi ni, ewida adubɔsiaku-nwu kama.”

Galatiƒuɔ 3:28

Anwuɔsu kavumana kadi kasɔ keeebo Yudani iye Helani iye ukyuli ɔni mɔɔbla ukyuli ɔdi kabla iye ɔni nli nte lɛlɔ iye ɔnana iye uleku ɔdi ntɛ. Ɔsika bina ƒui bɛ́bla ku Kristo Yesu unwi.

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Eƒesoƒuɔ 2:14

Ɔsika Kristo ɔlati úte-bu bɔnwuna uwi ɔni na úti Yudaƒuɔ ku bani naaadi Yudaƒuɔ ƒui ɔ́sala. Na údie bukisi bɔni nse anii kowodu na ɔkya bana ntɛ.

Eƒesoƒuɔ 2:16

Na lɛnɔ ni, Kristo kukpi na ugyii lɛlɔ ɔ́klibi bana inyɔ ƒui ku Katɔti ntɛ, na ɔ́da bukisi ala ani ƒui ńkya-ma ntɛ údie, na bábla unwi ku Katɔti.

Eƒesoƒuɔ 4:16

Anwu náya na ɔlɔna ɔmmɔ kɔkɛ ƒui kɔ́sala. Na ɔlɔna umodi ɔmmɔ ɔdanku lɛlɔ na ɔlɔna ekpo ani násala ɔsu. Anwuɔsu si ɔlɔna kakɛ biala kábla kaduɛ kalɛ na ɔ́manku ni, ɔlɔna umodi ɔmmɔ ɔɔyu ɔkplu na bɔyɔ kemmo.

Koloseƒuɔ 2:14

Katɔti úkulo lɛla biala nétile-bu ulu na lɛ́bala-bu na bula ngba bulie ablala kemmo ƒui na ɔda bubo bɔmmɔ etemila kenye údie-bu lɛlɔ kede kede. Na úti-nya ɔ́kana ɔ́mana ugyii lɛlɔ ku Kristo.

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Koloseƒuɔ 3:15

Na bɛya Kristo ɔni muute keyi buɛɛ ɔdi lɛga na bina kayi kemmo. Ɔsika Katɔti ɔ́lɔ-bu ɔsala ɔnii bula ƒui bɔbla ɔlɔna unwi na bɔkɛ keyi buɛɛ. Na bitaagya enu.

Hebriƒuɔ 7:16

Ɔdi ukyuli ɔni nébenwini ɔkpane na ɔɔɔkɛnku ɔda bubo bɔni ndanku kaba kemmo ɔkpane bɔdi ulu lɛlɔ. Mmomu únwini ɔkɛnku ɔkpane ɔyikun ɔni nkya nwuna ngba bɔni naaadubo bɔsa kudii kemmo.

Hebriƒuɔ 8:13

Na ka Katɔti ɔ́su ɔnii ɔdubuse bunyimi bɔwɔdi ni, na budeedi bɔ́bla bɔkukudi. Na lɛla lɛkukudi lɛni néetu uwi ni, lɛdubo bɔyii uwi klukui kemmo.

Hebriƒuɔ 9:23

Ɔ́manku úte ka ekposela ani baabla na kalɔ lɛlɔ mɛni na katɔ adi udu kenye ni, babla-nya sɛɛn ku akpala amɛni udu. Nsu katɔ adi alati anya ni, ɔlɛka beti akpala ani ndia ntulo ammɔ babla-nya sɛɛn.