Eƒesoƒuɔ 2:10 - Katɔti Ɔku Kedee

¹⁰ Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Eƒesoƒuɔ 2:10 ပူးပေါင်းရင်းမြစ်များ

Kɔgya 100:3

Bɛnu bɛti ka Unwoti ndi Katɔti! Anwu nábla-bu na bɔdi nwuna badi bani na ɔɔnu lɛlɔ aani nwuna baƒonu kalɛ na kadikɔ.

Kɔgya 119:3

Na balábla likpidi lɛdi, mmomu baasia Unwoti kama uwi biala.

Kɔgya 138:8

Na ngyi ka kasusu kani na Unwoti ubo ute-mi kadubo-nwu kemmo lɛni. Ɔsika aayɔ́-bu uwi ndi uwi. Na buuvele ka awɔlɔ ƒula kabla kani kalɔ na ése na bula akɔ.

Kɔgya 51:10

Katɔti, bla-mi ukyuli ɔwɔdi na linye kpakplaa uwi ndi uwi na ntaabla ala siin.

Kɔgya 81:13

“Na si bunu na amii Israel bekyuli bínu-mi litemi na bɛbla bɛsiaku-ni lɛlɔ ni, nka ɔdia.

Yesaia 19:25

Unwoti Katɔti ɔdubute-ma kusɛ kusɛ na ɔ́su ɔnini, “Kusɛ kusɛ ɔdubɔsiaku Egyipte mina kadi bekyuli ku Asiriaƒuɔ bani ndi mina enu kabla ku badi mina bekyuli na Asiria kadi bekyuli ku Israel kadi bani bekyuli na lɛ́ƒuna líte lɛlɔ.”

Yesaia 29:23

Ɔsika si bánu bana bebi pii bani na bebo ku kalɛ na líte-ma kusɛ kusɛ na bákɛ ala pii ni, badubo ami Israel Katɔti kedee butaabu na beteemwi-mi.

Yesaia 43:21

Lɛ́bla-ma na badi mina kadi bekyuli kalɛ na beti ɔbu bete-mi.

Yesaia 43:7

Ɔsika mina bekyuli na badi, na lídie-ma kalɛ na beti ɔbu bete mina lɛnyi.’

Yesaia 44:21

O Israel kadi bekyuli, bitaakali ala amɛni taanu, ɔsika mina kabla bablane na bɛdi, na budie na lídie-mii nnii bitaabla mina kabla. Anwuɔsu lɛɛɛdubo-mii bɔyiƒala kudii.

Yesaia 60:21

Bina kadi bekyuli badubulie siin na kalɔ kammɔ kabla bana ɔdi. Bese aani egyii ani na lɛ́lɛ na áta kalɛ na bedie mina bukeye keyi.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Yohane 3:21

Nsu ukyuli biala ɔni nda nwuna ngba na ulu lɛlɔ geen ni, ɔɔkpɛ́ teede bukeye. Ɔsika ɔɔwia ka bukeye bɔmmɔ budie nwuna Katɔti bɔsiaku ablala atina.”

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Batalane Kabla 9:36

Ɔmɛni kama ni, uleku ɔdi ɔkya Yopa ɔni baalɔ Tabita. Na Griki lɛdi kemmo ni, anwu baalɔ banii Dorka na nwuna kalɔ ndi kaƒɛ. Ɔdi ɔƒɔtaadine ɔni na útaabla lɛƒɔndia teete nwuna bakpana uwi pii.

Romaƒuɔ 8:1

Ɔmɛni ɔsu ni, kɔtɔ bɔdu bɔdi buuubo buuute bani nábla unwi ku Kristo Yesu na bana ngba bulie kemmo.

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Korintoƒuɔ 1 3:9

Ɔsika bɔdi bakpana na kabla kenwi kemmo. Na bɔ́sala bɔɔbla-ka teete Katɔti. Na amii bise aani Katɔti kemmo kani lɛlɔ na bunye bɔɔtuma. Na bise lɛnɔ aani ɔtɔ ɔni na Katɔti ɔ́tu.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Korintoƒuɔ 2 5:5

Katɔti náklibi-bu úse úte ka bɔvumana lɛni. Na úti nwuna Kɔyu úte-bu aani lɛla lɛni na buti butaanu ulu bute ala ani ƒui na ɔ́klibi úse úte-bu.

Korintoƒuɔ 2 9:8

Na Katɔti ɔkana na ute-ɔ lɛla biala kalɛ na akɛ ala ani ƒui na aawia uwi biala. Na akana ebunku na kabla kabuni biala kemmo kaduɛ.

Galatiƒuɔ 6:15

Na ɔɔɔdi lego bukulo iye ago tekulo na bɔɔwia, mmomu lɛla lɛni na bɔɔwia ndi ngba bɔwɔdi bulie.

Eƒesoƒuɔ 1:1

Ami, Paulo ɔni nkɛnku Katɔti lɛƒɔyɔ lɛlɔ ɔsu na ndi Kristo Yesu ɔtalane ni, ami muunweni ɔku ɔmɛni lite amii Katɔti baƒɔtaadine bani nkya Eƒeso na bɛ́blaku Kristo unwi na bɛɛdi nwuna etemila lɛlɔ.

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Eƒesoƒuɔ 2:13

Nsu ɔƒɛni ni, amii bani na nka bɛ́gyunku Kristo Yesu ni, ɔkɛnku nwuna ubugya ɔni na úti úwi kalɔ na bina lili ɔsu ni, bɛ́kpɛ bíde-nwu.

Eƒesoƒuɔ 2:15

Úti nwuna ɔlɔna ɔ́kpa úte Katɔti aani ala ani na beti bakpa bedie ekisila ani na Yudaƒuɔ ɔda bubo ƒui bɔdanku. Lɛla lɛni ɔsu na úti lɛlɔ ɔ́kpa ndi ka uti bana akpa anyɔ bammɔ ɔsala na babla benwi na nwuna kemmo, na keyi buɛɛ kebo-ma akɔ.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Eƒesoƒuɔ 2:6

Na ɔmmɔ ɔɔtina ka abu ku Yesu Kristo na Katɔti ɔ́gyila ɔ́lɛku bekpine akɔ kalɛ na bɔdiku-nwu lɛga na katɔ.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Eƒesoƒuɔ 4:24

Na biti udu ɔni mɔɔtina ka bise siin bɛda. Ɔsika Katɔti údie-mii ka bɛbla kedee aani anwu kalɛ.

Lɛkpa Ulu 32:6

Ulu ɔni lɛlɔ na bɛdubɔsia bise bina Unwoti kɔdɛ na ɔdi mmɔ? Amii bekyuli badɔlɔdi biiibo kasusu kadi. Unwoti ndi bina Ɔti ku bina Udiene. Na anwu nábla-mii na ɔ́vɔ-mii.

Lɛkpa Ulu 5:33

Bɛdi-mu lɛlɔ ƒui kalɛ na lɛla biala bɛdubɔbla lɛtɛ lite-mii na keyi kadubɔyɔku-mii na bilie ngba gyɔlɔɔ na kalɔ kani lɛlɔ bísela bitélie mmɔ.

Ƒilipiƒuɔ 1:6

Na lɛ́ƒɔ lɛ́di ka Katɔti ɔni nése kabla kabuni kamɛni kalɔ na bina akɔ ni, ɔdubɔnu ka kabla kamɛni katáwɔlɔ na uwi ɔni na Kristo Yesu wasɔ webo.

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Tesalonikaƒuɔ 2 2:17

Buuvele-nwu bɔnii, ute-mii ɔyikun na ɔkya-mii kayi ogya kalɛ na bɛsu na bɛbla ala abuni ƒui lɛnɔ.

Timoteo 1 2:10

Mmomu ni, bana ɔbladu ɔbuni udie-ma ɔtina aani beleku bani mɔɔsu banii basiaku Blɔti.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Timoteo 1 5:25

Lɛni kani na ala abuni adi bɔbla lɛnɔ eeebo ɔbɛ, na ani nábɛ lɛnɔ adubɔlɛ keyi.

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Timoteo 2 2:21

Anwuɔsu si ukyuli ɔdi ɔ́da lɛlɔ údie likpidi kemmo na ɔ́bla lɛlɔ sɛɛn ni, anwu náƒɔ Blɔti kuye aani akyami ani nse nte emeyi buni bɔdi. Na ɔ́manku ute ka ɔbla kabla kabuni.

Timoteo 2 3:17

Bénweni-nya kalɛ na ukyuli biala ɔni néti lɛlɔ úte Katɔti wamanku na ɔklibi-nwu ute ala abuni bɔbla.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Tito 2:7

Na ala amɛni ƒui kemmo ni, awɔ ɔlati ɔlɛka enwini ukyuli ɔni na ɔlɛka banu batɛya. Na enye momoomo na atina ala kaduɛ.

Tito 3:1

Na aya na bana ƒui benyimo na beboku lɛlɔ kalɔ bete bana batɔnkune ku lɛlɔ badine, na benu-ma litemi, na bataabla lɛbuni na ulu biala lɛlɔ.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Hebriƒuɔ 10:24

Na butaabu taanu ulu ɔni lɛlɔ na bɔdubɔkana na bɔkya lɛlɔ ogya, na butaayɔ bekyuli, na butaabla ala abuni.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Yohane 1 1:7

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Yohane 1 2:6

Ukyuli ɔni mɔɔsu ɔnii uliku Katɔti ni, ɔlɛka ulie ngba aani kalɛ na Yesu Kristo úlie.