Eƒesoƒuɔ 1:23 - Katɔti Ɔku Kedee

²³ Baƒɔtaadine bamɛni badi Kristo ɔlɔna na beedie-nwu keyi na ulu biala lɛlɔ ka anwu ndi ukyuli ɔni náƒɔ lɛla biala kemmo ƒui.

Eƒesoƒuɔ 1:23 ပူးပေါင်းရင်းမြစ်များ

Yohane 1:16

Na Katɔti lɛƒɔndia ku litemi geen lɛni náƒɔ-nwu lɛlɔ kemmo ƒui ɔsu ni, ɔ́bla bula ƒui lɛƒɔndia ɔ́sia kama.

Romaƒuɔ 13:5

Ɔmɛni ɔsu na ɔdi ka biboku lɛlɔ kalɔ bite batɔnkune. Na ɔɔɔdi Katɔti kɔnyi kɔni mebo-mii lɛlɔ ɔsu, mmomu ka biinú bina kayi bɔlɛ ɔsu.

Korintoƒuɔ 1 12:6

Na kabla lidu lidu lɛnɔ lɛkya, nsu Katɔti unwi ɔmmɔ kani mɔɔtina ɔdi biala nwuna kabla.

Korintoƒuɔ 1 15:28

Na si uwi ɔni na Katɔti úti ala ƒui ɔ́kya Kristo kalɔ ɔ́wɔlɔ ni, anwu Kristo ɔni ndi Katɔti Ubidi ɔmmɔ ɔdubuti lɛlɔ ɔkya Katɔti ɔmmɔ kalɔ na Katɔti ɔmmɔ ɔdi ala ƒui lɛlɔ kede kede.

Eƒesoƒuɔ 2:16

Na lɛnɔ ni, Kristo kukpi na ugyii lɛlɔ ɔ́klibi bana inyɔ ƒui ku Katɔti ntɛ, na ɔ́da bukisi ala ani ƒui ńkya-ma ntɛ údie, na bábla unwi ku Katɔti.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Eƒesoƒuɔ 3:19

Na bɛnu Kristo bɔyɔ bonwu bɔni kalɔ na ukyuli ulakana bunu bɔwɔlɔ mɛni bɛti na Katɔti ɔƒɔ bina ƒui lɛlɔ kemmo aani kalɛ kani na anwu ɔlati use.

Eƒesoƒuɔ 4:10

Na anwu ɔni náyu úbo kalɔ ni, anwu kani násɔ ɔ́kɔ úsie katɔ mmɔ ƒui kalɛ na ɔƒɔ lɛla biala kemmo ƒui na katɔ ku kalɔ.

Eƒesoƒuɔ 4:12

Ɔ́bla ɔmɛni úti ɔ́klibi Katɔti bekyuli úse kalɛ na beti bebunku baƒɔtaadine na banyuɛ-ma aani Kristo ɔlɔna unwi pɛ ɔmmɔ na ɔlɛ lili.

Eƒesoƒuɔ 4:13

Ulu ɔmɛni lɛlɔ na bɔdubo bɔsia na bɔsala bɔbla unwi na bɔƒɔtaadi kemmo na bɔti Katɔti Ubidi ɔmmɔ. Ɔmmɔ ndubɔya na bɔbi lɛlɔ budu likpo lɛni na bekyuli banu kalɛ geen na Kristo use bati ƒui na bula lɛlɔ kemmo.

Eƒesoƒuɔ 4:4

Ɔlɔna unwi pɛ ku Kɔyu kunwi pɛ nkya aani kalɛ na Katɔti ɔ́lɔ-bu na bubo lɛnunsia linwi pɛ na bɔlɔ bɔmmɔ kemmo.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Koloseƒuɔ 2:19

Anwuɔsu baayiƒala lili lɛni lɛlɔ na ɔlɔna ekpo ƒui adanku asa na Katɔti ɔɔyá na ɔlɔna umodi ɔmmɔ ɔɔlɛ́ lili.

Koloseƒuɔ 3:11

Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Koloseƒuɔ 3:15

Na bɛya Kristo ɔni muute keyi buɛɛ ɔdi lɛga na bina kayi kemmo. Ɔsika Katɔti ɔ́lɔ-bu ɔsala ɔnii bula ƒui bɔbla ɔlɔna unwi na bɔkɛ keyi buɛɛ. Na bitaagya enu.