Eƒesoƒuɔ 1:21 - Katɔti Ɔku Kedee

²¹ Mmɔ na Kristo ulie ɔɔdi bayikune ku kenyekɔ biala ku kɔyu ɔyikun ku bagadine ƒui lɛlɔ. Na nwuna lɛnyi litulo lɛga bɔdi ɔyikun lɛnyi biala na kayawi kamɛni ku kani mebo lɛnɔ ƒui kemmo.

Eƒesoƒuɔ 1:21 ပူးပေါင်းရင်းမြစ်များ

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Mateo 12:32

Na ukyuli ɔni ndubɔlɔ Ukyuli Ɔyawine Ubi anyikpi adi ni, Katɔti ɔdubuti ɔkyiɛ-nwu. Nsu uleti anyikpi ani na ukyuli ɔdi ɔdubɔlɔ Katɔti Kɔyu ulakyiɛ-nwu na ngba bɔmɛni kemmo iye bɔni ndububo kemmo lɛnɔ.

Batalane Kabla 4:12

Anwu lɛti ndi bekyuli Ɔƒɔne, ɔsika anwu kani na Unwoti úte lɛnyi ku ɔyikun na bekyuli ƒui akɔ ɔni makana waƒɔ-bu ngba.”

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Eƒesoƒuɔ 6:12

Ɔsika ɔɔɔdi abu ku bekyuli muukpó. Mmomu abu ku bayikune ku kenyekɔ biala ku kayawi kamɛni lɛdisa ku kayaa bayikune bekpidi ƒui muukpó.

Koloseƒuɔ 2:10

Na Katɔti ɔɔyá na bɔɔlɛ́ lili taawɔlɔ ɔkɛnku abu ku Kristo unwi bɔbla ɔsu. Na Kristo ɔmɛni mɔɔdi bayikune ku kenyekɔ biala lɛlɔ.

Koloseƒuɔ 2:15

Na ugyii ɔmmɔ lɛlɔ ni, Kristo ɔ́ƒɔ ɔyikun ɔ́lɛku bayikune ku kenyekɔ biala enu kemmo. Na ɔ́kya-ma kɔƒa na bekyuli anumi ka ɔ́di-ma lɛlɔ.

Hebriƒuɔ 1:4

Ɔmɛni ɔsu na ubo kenyekɔ utulo Katɔti batu. Na lɛni kani na lɛnyi lɛni na ubo lɛnɔ lɛ́ƒɔ kuye litulo ama lɛdi.

Hebriƒuɔ 2:5

Ɔɔɔdi Katɔti batu na Katɔti ɔ́su ka badubɔdi kayawi kani litemi na bɔɔsu ka kadububo mɛni lɛlɔ.

Hebriƒuɔ 4:14

Anwuɔsu ka bubo ɔkpane unengudi ɔbuni ƒui ɔni ndi Katɔti Ubidi Yesu ɔni nkya-nwu kudɔ na katɔ mmɔ ɔsu ni, bɛya na buƒie bɔƒɔtaadi bɔni kenye na buudie mɛni bɔda kpakplaa.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.