Eƒesoƒuɔ 1:17 - Katɔti Ɔku Kedee

¹⁷ Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Eƒesoƒuɔ 1:17 ပူးပေါင်းရင်းမြစ်များ

Ala Alɛdi 1 29:11

Ebo ɔyikun bonwu geen na bekyuli baanu kalɛ na eekeye na kesii biala na katɔ mmɔ ku kalɔ lɛlɔ mɛni ƒui. Awɔ ndi kayawi kammɔ ƒui ɔga.

Hiob 42:5

Bekyuli kenye na línu ƒula lɛlɔ litemi. Nsu ɔƒaani ni, ami ɔlati lɛ́nu-ɔ ku mina anumi.

Kɔgya 24:10

Na ɔma ndi Ɔga Unengudi ɔni muukeye mmɔ? Unwoti Katɔti Ɔyikune Ƒui ndi Ɔga Unengudi ɔmmɔ.

Kɔgya 24:7

Bidi kuuku uwi kɔyakun kɔmmɔ bɛlɛmi biwi na Ɔga Unengudi ɔni muukeye mmɔ ubeduo.

Kɔgya 29:3

Unwoti uukeye na uudie lɛdi momoomo aani kalɛ na katɔ keedu. Na nwuna lɛdi kɔku kɔ́ƒɔ ɛpu ntu bɔmmɔ ƒui lɛlɔ.

Israelƒuɔ Bɔlɛ 28:3

Su lɛwu bakane babuni bani na líte-ma lɛnunda ka bakana awu ɔmmɔ udu bɔka kani na baka awu ɔmmɔ bete Aaron kalɛ na bedie-nwu bese sɛsɛɛ bete ka ɔbla ɔkpane kabla ute-mi.

Agba 18:15

Banundane baawia kpakplaa ka baƒɔ bekyuli bamba kasusu. Na sɔsɔ na ɔdi ka baawia ka bekyuli bete-ma kasusu.

Agba 2:5

na ɔdubɔya na enu kalɛ na baayia Unwoti kalɔ na ati-nwu lɛnɔ.

Yesaia 11:2

Na Katɔti Kɔyu kɔdubɔƒɔ-nwu lɛlɔ kemmo ƒui, kɔyu kɔni ndanku lɛnunda ku ala kalɔ bunu kakwɛ ku ɔyikun ku lɛlati ku Katɔti bɔyia.

Yeremia 2:11

Kadi bekyuli badi bávumana bana baƒiɔ dii ina ka baƒiɔ badi beeebo ɔyikun? Nsu mina kadi bekyuli bávumana mina bukeye ku ɔbu béte ala keeke ani neeebo kɔsia.

Yeremia 24:7

Ndubuti mina lɛlɔ ebiti bɔkya-ma kayi kemmo na bati-mi na benwini mina kadi bekyuli. Na badubɔwia ka lɛbla bana Katɔti na benwini bebo-mi kudɔ ku bana kayi ƒui.

Yeremia 31:34

“Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.

Yeremia 9:24

Na ukyuli ɔni mɔɔkun lɛmɛnɛ ni, ɔnu ka nwuna kasusu kese-nwu nwaa na ɔsiaku ami Unwoti. Na lɛla lɛni na mɔɔyɔ́ teetulo ƒui ndi lɛƒɔndia bɔbla ku etemila bɔtɛ siin ku bekyuli kɔnyana bɔnu na kalɔ kammɔ ƒui lɛlɔ.

Daniel 10:1

Na Persiaƒuɔ Ɔga Kores lɛga bɔdi lɛkwa lɛtɛdi kemmo ni, Daniel ɔ́kɛ linyesia lɛdi ɔ́siku Katɔti kudɔ. Na bédie-ni kalɔ na kɔyu kemmo ala bɔnu kemmo béte-nwu. Na linyesia lɛmmɔ lɛdanku kekpo kekpidi kadi, na ɔdi litemi geen lɛnɔ.

Daniel 5:11

Ukyuli ɔdi ɔkya ƒula lɛga kadikɔ kemmo na baƒiɔ kedee béte-nwu ɔyikun sɛsɛɛ ɔdi. Uwi ɔni na ƒ'ɔti Nebukadnesar ɔdi ɔga ni, uwi ɔmmɔ ƒui na bagyi ka ukyuli ɔmɛni ɔdi ɔnundane na ɔgyi lɛla, na ɔɔnu ala taati pla pla geen aani baƒiɔ bammɔ alati kani. Anwuɔsu na ƒ'ɔti úti-nwu únyene bevone bani mɔɔtɛmiku bekpine ayu ku ama bani mɔɔnu ayabi na beebó like mmɔ ƒui kenye.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Mateo 11:27

Na ɔ́sɔ ɔ́su ɔnini, “Mina Ɔti úti ala ƒui úte-mi. Na anwu lɛti ngyi ukyuli ɔni udu na ndi. Na ami lɛti ngyi ukyuli ɔni na mina ɔti lɛnɔ ɔdi. Na mɔɔƒuna bekyuli badi bani na medie-nwu matina.

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Mateo 20:33

Amu na bédie kenye banini, “Ati, bɔɔyɔ́ ka aya na butaanu.”

Mateo 6:13

Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Luka 12:12

Ɔsika Katɔti Kɔyu kɔdubɔtina-mii na uwi ɔmmɔ kani lɛlɔ lɛla lɛni na bɛdubo bɔsu.”

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Yohane 14:17

Anwu ndi Kɔyu kɔni muudie litemi geen lɛni ndanku Katɔti lɛlɔ taatina. Nsu kayawi bekyuli balakana enu bugyingya bɔƒɔ-nwu. Ɔsika balanu-nwu balati. Nsu amii ni, Kɔyu kɔmmɔ kuliku-mii na kɔdubɔƒɔ-mii lɛlɔ kemmo ƒui.

Yohane 14:26

Katɔti Kɔyu kɔni ndi Ubunkune ɔni na Katɔti ɔdubɔtala ɔkya-mii na mina lɛnyi kemmo ni, anwu ndubɔtina-mii lɛla biala. Na ɔdubɔya na binyimo ala ani ƒui na lɛ́su-mii.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 20:17

Mmɔ ni, Yesu ɔ́su-nwu ɔnini, “Tatu tada-mi, ɔsika ńtenwini tɔ ńtesie Katɔti kudɔ. Mmomu teesie mina banwani kudɔ na atásu-ma anii línwini lísela mina Ɔti ɔni ndi Katɔti kudɔ. Na anwu ndi amii lɛnɔ Ɔti ku bina Katɔti.”

Batalane Kabla 6:10

Nsu bana akɔ ɔdi biala útakana-nwu kenye bunye ɔ́si nwuna lɛnunda ku litela lɛni na Katɔti Kɔyu kúte-nwu ɔsu.

Batalane Kabla 7:2

Amu na Steƒano údie kenye ɔnini, “Ati bene ku mina banwa, binu kaduɛ ka ni, Katɔti údie lɛlɔ ɔ́tina bula Nana Abraham na Mesopotamia kalɔ lɛlɔ asa na ɔ́ta mmɔ úsie kalɔ kani baalɔ Haran lɛlɔ.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Romaƒuɔ 15:6

Na bina ƒui kayi kasala kabla kenwi ku bina etemila, na bimwi Katɔti ɔni ndi Blɔti Yesu Kristo Ɔti.

Korintoƒuɔ 1 12:8

Ɔdi anwu ni, Katɔti Kɔyu kúte-nwu litela lɛni náya na ɔti butemi ku lɛnunda ɔkɛnku Kɔyu kɔmmɔ lɛlɔ. Na ɔdi lɛnɔ ni, Kɔyu kɔmmɔ kúte-nwu litela lɛni náya na ɔti butemi ku lɛlati ɔkɛnku Kɔyu kɔmmɔ kani lɛlɔ.

Korintoƒuɔ 1 14:6

Ɔmɛni ɔsu, banwa, si líbo-mii kudɔ na mɔɔtɛmi adi lidu lɛni na ɔdi ulenu kalɔ ni, bi kɔsia na bɛdubɔkɛ na ɔmmɔ kemmo? Bilákɛ kɔsia kɔdi munu munu, amu ntu lídie lɛla lɛdi kalɔ líte-mii ɔ́si Katɔti kudɔ, iye lɛ́ya na bɛ́ti lɛla lɛdi, iye lídie Katɔti litemi lɛdi kenye, iye lɛ́tina-mii ala adi.

Korintoƒuɔ 1 2:10

Nsu abu ɔsu na Katɔti údie nwuna abɛla amɛni keyi ɔkɛnku nwuna Kɔyu lɛlɔ. Katɔti Kɔyu kɔɔwia lɛla biala kemmo ɔti, na ɔgyi Katɔti abɛla muedi.

Korintoƒuɔ 1 2:8

Kayawi kamɛni bayikune ɔdi biala útati lɛnunda lɛmɛni. Ɔsika si bɔti na báti-ni ni, nka bátakana Blɔti bátamana ugyii lɛlɔ.

Korintoƒuɔ 2 12:1

Ɔdi ka lɛkun lɛmɛnɛ ina ka kɔsia kɔdi kuuubo-nwu kemmo. Na amii ɔsu na ndubusie anumi ntaasu ala ani na Blɔti údie ɔ́tina-mi.

Eƒesoƒuɔ 1:3

Bɔɔgyá Katɔti ɔni ndi Blɔti Yesu Kristo Ɔti enu. Anwu muute-bu kɔyu kemmo kusɛ kusɛ ƒui ɔ́siku katɔ mmɔ ɔkɛnku Kristo lɛlɔ.

Eƒesoƒuɔ 3:5

Kuuku ni, ɔyawine ɔdi ɔɔɔgyi abɛla amɛni. Nsu ɔƒɛni kani ni, Katɔti ɔ́ya na nwuna Kɔyu kúdie ala amɛni keyi ɔ́tina nwuna batalane ku kenye bediene kedee.

Eƒesoƒuɔ 4:13

Ulu ɔmɛni lɛlɔ na bɔdubo bɔsia na bɔsala bɔbla unwi na bɔƒɔtaadi kemmo na bɔti Katɔti Ubidi ɔmmɔ. Ɔmmɔ ndubɔya na bɔbi lɛlɔ budu likpo lɛni na bekyuli banu kalɛ geen na Kristo use bati ƒui na bula lɛlɔ kemmo.

Ƒilipiƒuɔ 3:15

Na abu bani ƒui nésie anumi na bɔƒɔtaadi kemmo ni, ɔlɛka bɔkɛ kasusu kamɛni. Nsu si badi bebo kasusu kabambadi ni, Katɔti ɔdubɔya na ɔmɛni ɔbla-mii nwaa.

Timoteo 2 2:25

Na bekyuli bani ƒui mɔɔta teenye litemi buni lɛmɛni lɛlɔ ni, ɔlɛka udie ala kalɔ ute-ma ku kayi buɛɛ. Na ɔƒɛni kalɛ Katɔti ɔdubɔya na benwini kayi na banu litemi geen lɛmmɔ bati.

Tito 1:1

Ami Paulo ɔni ndi Katɔti kabla ɔblane ku Yesu Kristo ɔtalane ni, ami muunweni-ɔ ɔku ɔmɛni. Katɔti ɔ́ƒuna-mi na ɔ́tala-mi ɔnii mbunku nwuna bekyuli baƒunadi bɔƒɔtaadi na lɛtɔnku-ma na banu litemi geen lɛni na bula bɔƒɔtaadi ulu ɔɔtina bati.

Yakobo 2:1

Banwa, ka bɛ́ƒɔ Blɔti Yesu Kristo ɔni ndi Bula Ɔbune bɛ́di ɔsu ni, bitanu anumi bitabla lɛla lɛdi.

Petro 2 1:3

Blɔti Yesu Kristo ɔkɛ Katɔti ɔyikun lɛlɔ úte-bu lɛla biala na bɔɔwia kalɛ na bulie ngba sɛɛn aani baƒɔtaadine. Úte-bu ala amɛni, ɔsika bɔgyi-nwu geen ka anwu nálɔ-bu ɔnii bula ukyulidu ɔbla kedee na buteekeye aani nwuna kalɛ.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Budie Taatina 7:12

Na báyu bébi kalɔ na lɛgaboku lɛmmɔ anumi na beemwi Katɔti, na baasu banini, “Ɔsia lɛni! Bula Katɔti uukeye, na ubo lɛnunda ku ɔbu ku kenyekɔ ku ɔyikun, na ɔ́manku bumwi ku linugya ɔ́si ɔƒɛni úsela ƒui! Ɔsia lɛni.”