Daniel 9:9 - Katɔti Ɔku Kedee

⁹ Unwoti Katɔti, aanu kɔnyana na eeti likpidi taakyiɛ ina ka bɔ́bla alaekpidi na bɔ́ƒiɔ-ɔ,

Daniel 9:9 ပူးပေါင်းရင်းမြစ်များ

Samuel 2 24:14

Amu na Dawid ɔ́su ɔnini, “Liƒu bonwu lɛla lɛdi mɛni, na kayi kaakpulu-mi. Nu, si Unwoti ɔlati ɔ́ni-bu kɔtu ni, ɔdia utulo, ɔsika ɔɔnu kɔnyana na ɔdia utulo ka liduo bekyuli lɛkɔkɔ.”

Baga 1 8:30

Anwuɔsu nu ƒula kabla ɔblane ku Israelƒuɔ bɔkpali si bénye mɛni bákpali-ɔ. Na enu asiku katɔ, kesii kani ndi ƒula keliekɔ. Na si enu ni, na eti bana ekpidi akyiɛ-ma.

Nehemia 9:31

Nsu na ƒula kɔnyana bɔnu bɔni ebo ɔsu, átaya na bádi-ma lɛlɔ iye étenwini kama átakya-ma. Ɔsika adi Katɔti ɔni mɔɔnu kɔnyana na ebo lɛƒɔndia.

Kɔgya 130:4

Nsu ni, awɔ muuti alaekpidi taakyiɛ-bu, anwuɔsu na ɔlɛka bɔyia-a na bɔbu-ɔ.

Kɔgya 130:7

Israel kadi bekyuli ƒui, biti bina anu bɛsia Unwoti lɛlɔ. Ɔsika Unwoti kani mbo lɛƒɔndia uwi ndi uwi, na ɔɔƒɔ́ ukyuli ngba.

Kɔgya 62:12

Na ami kani mɔɔyɔ́ ukyuli uwi ndi uwi. Na mɔɔƒɔ kayu kani námanku ukyuli biala na nwuna kabla kenye teete-nwu.”

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Kɔgya 86:5

Aabla-bu lɛƒɔndia, na eeti ekpidi taakyiɛ na bani ƒui mɔɔkpali-ɔ ni, aayɔ́-ma uwi ndi uwi geen.

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Esekiel 20:13

Nsu Israelƒuɔ báta bénye-mi lɛlɔ na ketele kalɔ kakwiidi kemmo mmɔ. Na béni banii baaadubo-mi litemi bunu na badi mina ɔda bubo ku ala ani mɔɔtina-ma mmɔ lɛlɔ. Na baabla Lɛnwunameyi lɛmmɔ kalɛ kalɛ aani limeyi keeke bamba biala kalɛ. “Mmɔ na lɛ́lɛ ugyii ka nka mɔɔyila Israelƒuɔ bammɔ ƒui udu na kalɔ kakwiidi kemmo mmɔ kɔnakunwi kani na ɔsa.

Daniel 9:5

Nsu bɔ́bla alaekpidi bonwu na bɔ́ƒiɔ-ɔ geen na bɔ́ta búnye-ɔ lɛlɔ, na búni ƒula ɔda bubo ku ala ani na átina-bu.

Daniel 9:6

Na bútenu ala ani na ƒula kenye bediene bani ndi ƒula kabla bablane básu bula baga ku batɔnkune ku bula bati kuuku ku bula kadi bekyuli ƒui, na búdie-ni atu.

Daniel 9:7

“Bula Unwoti, lɛla biala na ábla lɛdia, nsu bula anumi eewi kalɔ na bekyuli ƒui anumi, ɔsika bɔ́lɛ ƒula litemi kama na bɔ́bla alaekpidi. Na abu Yudaƒuɔ ku Yerusalemƒuɔ ku Israelƒuɔ ƒui bani nde mɛni ku bani na bakya kaƒɔ ɔlɔgyu ƒui nábla ala amɛni udu. Na bani lɛnɔ na áya na bákpanku bátɔlɔku bésienku kɔlɔ bamba kemmo lɛnɔ bábla ala amɛni.

Daniel 9:8

Bula baga ku bakutine benengu ku bula bati ƒui bebunku.

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.