Daniel 9:7 - Katɔti Ɔku Kedee

⁷ “Bula Unwoti, lɛla biala na ábla lɛdia, nsu bula anumi eewi kalɔ na bekyuli ƒui anumi, ɔsika bɔ́lɛ ƒula litemi kama na bɔ́bla alaekpidi. Na abu Yudaƒuɔ ku Yerusalemƒuɔ ku Israelƒuɔ ƒui bani nde mɛni ku bani na bakya kaƒɔ ɔlɔgyu ƒui nábla ala amɛni udu. Na bani lɛnɔ na áya na bákpanku bátɔlɔku bésienku kɔlɔ bamba kemmo lɛnɔ bábla ala amɛni.

Daniel 9:7 ပူးပေါင်းရင်းမြစ်များ

Esra 9:13

“Ala ani nálɛku-bu ƒui ni, ɔkɛnku bula likyulikpi ku alaekpidi bonwu ani na bɔ́bla ɔsu na úbo-nwu kemmo lɛni. Nsu awɔ bula Katɔti átani-bu kɔtu kɔni námanku bula ekpidi na áya na bula akɔ badi búbu bulie ngba.

Esra 9:15

O Unwoti, Israel Katɔti, ese siin! Na ɔmmɔ ɔsu na bula ɛlɛɛ bamɛni búbu bɔkya ngba ɔmwi. Aanu-bu nnye ƒula anumi ku bula bɔsɔ ina ka nka bula akɔ ɔdi ulakana-a anumi bɔda bɔlɛ.”

Nehemia 9:33

Na ala amɛni ƒui bɔlɛ kemmo ni, édie atina ka aabla ala ulu lɛlɔ. Na abu mmomu ni, bula ɔdi naaadia.

Kɔgya 119:137

Unwoti, awɔ nse siin na aatɛ litemi ulu lɛlɔ.

Kɔgya 44:15

Ɔmɛni ɔsu kɔƒa kɔsiaku-mi uwi biala na kɔƒa kúnwini lɛdiku libi-mi anumi.

Kɔgya 51:14

O Katɔti, die-mi na ubugya kalɔ buwi lɛtuni kemmo. Na ndubɔsu kalɛ na aaƒɔ́ bekyuli ngba.

Kɔgya 51:4

Awɔ kani na lɛ́bla alaekpidi amɛni lɛ́ƒiɔ. Lɛla biala lɛɛtina ka ƒula kenye etemila adi litemi geen. Na aatɛku bekyuli ƒui litemi ulu siin lɛlɔ

Yesaia 11:11

Ɔƒɛni na limeyi lɛni na Unwoti ɔlati úse úse lɛlɔ ni, ɔdubɔsɔ ɔkɔliku aƒlaga katɔ ute-ma na ɔsɔku nwuna kadi nkyuli ɛlɛɛ bani mebu ubasala ɔsiku Asiria ku Egyipte ku Patros ku Elam lɛnɔ.

Yesaia 45:16

Bekyuli bani ƒui mɔɔvɔ́ baƒiɔ ni, badubo-ma kɔƒa bɔkya na anumi ewi-ma kalɔ.

Yeremia 12:1

Unwoti, uwi biala na lɛ́su-ɔ ala ani muukpóku-mi ni, eenú na aabla lɛla biala na ulu siin lɛlɔ. Nsu ɔƒaani ni, mbo ala adi na liye-ɔ ɔ́siku kalɛ na aatɛ etemila lɛlɔ. Bi ɔsu na mɔɔnu aani ka ngba buse buɛɛ bute alaekpidi bablane? Na bi ɔsu na bana ala ƒui aatɛ teete-ma?

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Yeremia 24:9

Ndubo bɔya na ɔgbankpi bonwu ɔdi ubo-ma lɛlɔ na liti lɛni-ma kɔtu. Na lɛlɔ litaatɔ ukyuli biala menu lɛla lɛmmɔ ku lɛlɔ bɔtɔ ku bɔyia geen. Na ndubo Yudaƒuɔ lɛlɔ bunye na batɔlɔ beteesie kalɔ bamba lɛlɔ na kaƒɔ kesii kani na badubo-ma buteeyuda na beteedumi-ma lɛlɔ.

Yeremia 3:25

Bɔ́ta búnye-ɔ lɛlɔ aani bula bati kuuku kalɛ kani. Na bula alaekpidi eekpó-bu kɔƒa.’ ”

Yeremia 33:16

Na uwi ɔmmɔ kemmo ni, Yuda ɔdubulie ƒaa na lɛla lɛdi lɛɛɛdubo-nwu bukpoku. Na Yerusalem ɔdubulie ku keyi buɛɛ na bekyuli badubɔsia-nwu lɛnyi banii ‘Unwoti ɔɔtɛ litemi siin.’

Yeremia 7:19

Nsu ɔɔɔdi ami lɛti na beedumi mmomu beedumi ama alati lɛlɔ lɛnɔ na kɔƒa ala ani na baabla mɛni ɔsu.

Esekiel 16:63

Ndubuti lɛla biala lɛkyiɛ-ɔ, nsu adubɔkali ala ani na ábla anu na kɔƒa kukpo-ɔ kɔvili ka asu lɛla lɛdi muedi. Ami Unwoti násu.’ ”

Esekiel 36:31

Bɛdubo bina ngba bukpidi bɔni na bílie bíbavi bunyimo na kɔƒa kukpo-mii geen na ala ani na bɛ́bla lɛlɔ.

Esekiel 5:10

Lɛdila lɛni na bamini bakya kenye muedi ɔdubo ubenwini lɛnungyiela geen lite bebi bati ku bebi beni ɔni na badubuti ama alati bebi muedi bakun. Na bebi lɛnɔ bakun bana bawɔne. Na bekyuli bani ndubɔlɛ ɔgbankpi ku liƒu ala ani ndubɔlɛ mɛni kemmo muedi badubo-ma bɔbɔku bugyingya bɔkya ekpo ekpo na lɛƒɛnyi ƒui lɛlɔ.

Esekiel 6:12

Bekyuli bani na bakya ɔgyu ni, ɔlɛ ukpidi ɔdubo-ma bubo na bekpi na bani na bede ni, badubukpi na kekpokɔ. Na bani mebu lɛnɔ ni, kɔka kɔdubo-ma bɔdu. Kalɛ na líti kɔnyi ńtédu ni, lɛni kani na ndubo-ma kɔnyi kɔmmɔ ala bɔbla butédu!

Daniel 9:14

Na ka éti ɔgbankpi ɔmɛni éboku-bu lɛlɔ ni, ábla ala ulu lɛlɔ, ɔsika bɔ́manku ka áni-bu kɔtu kɔmɛni udu.

Daniel 9:18

Buvele, nu ƒula ɔma ɔƒunadi ɔmɛni kɔnyana ɔɔɔdi ɔni na abu bɔ́manku ɔsu mmomu na ƒula lɛƒɔndia bonwu lɛni ebo ete bekyuli ɔsu.

Daniel 9:8

Bula baga ku bakutine benengu ku bula bati ƒui bebunku.

Amos 9:9

“Ndubo ɔda bubo na bekyuli begyingya-mii bakya kayawi aani kalɛ na baatanyi ɔlaaƒɔ teedie atago, na atago ebi ammɔ ina unwi uleduo ɔlaaƒɔ ɔbuni ɔmmɔ kemmo.

Romaƒuɔ 6:21

Na bi kɔsia na bɛ́kɛ bɛ́siku ala ani bɛ́bla bɛ́vi na eekpó-mii kɔƒa ɔƒɛni lɛlɔ? Ala ammɔ ƒui kɔsia ndi kukpi.

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Lɛkpa Ulu 4:27

Na mɔɔsu-mii lɛnɔ nnii, Katɔti ɔdubo-mii bugyingya bɔkya kadi bamba bekyuli akɔ ɔni na bina ɛlɛɛ badi kani ndubo bubu na bana akɔ mmɔ.