Daniel 9:5 - Katɔti Ɔku Kedee

⁵ Nsu bɔ́bla alaekpidi bonwu na bɔ́ƒiɔ-ɔ geen na bɔ́ta búnye-ɔ lɛlɔ, na búni ƒula ɔda bubo ku ala ani na átina-bu.

Daniel 9:5 ပူးပေါင်းရင်းမြစ်များ

Baga 2 18:12

Békpo bádi Samariaƒuɔ lɛlɔ, ɔsika Israelƒuɔ bátadi bana Unwoti Katɔti litemi lɛlɔ. Na ɔda ɔni na úbo-ma ɔ́siaku Mose ɔni ndi Unwoti kabla ɔblane lɛlɔ ni, bátadi ɔdi biala lɛlɔ. Na béni muedi ka benu ɔda bubo bɔmmɔ na badi-nwu lɛlɔ.

Baga 2 21:15

Ndubɔbla mina bekyuli kalala kamɛni, ɔsika bábla likpidi na mina anumi na bákya-mi kɔnyi. Úti ɔ́si uwi ɔni na bana bati kuuku bálɛ Egyipte kalɔ lɛlɔ ubedu ɔmwi kadi.”

Esra 9:6

Na lɛ́su-nwu nnini, “O mina Katɔti, kɔƒa kuukpó-mi ka lɛtalaku mina anumi katɔ muedi na ƒula anumi. Ɔsika bula ekpidi áakuku etulo-bu na ákuku laa na éedu katɔ.

Kɔgya 106:6

Bɔ́bla alaekpidi bɔ́ƒiɔ-ɔ aani kalɛ na bula bati kuuku báƒiɔ-ɔ kalɛ kani. Bɔ́bla likyulikpi ku kalala.

Kɔgya 119:102

Na ala ani na ényimi ni, naaada-nya taava ɔƒɛnyi, ɔsika lɛni na átina-mi na ɔda bubo bɔmmɔ kemmo.

Kɔgya 119:176

Lɛ́yii ulu aani koƒonu kɔni náyii. Wia-mi ƒula kabla ɔblane kama ulu, ɔsika ntayiƒala ƒula ɔda bubo.

Kɔgya 18:21

Mɔɔdi Unwoti ɔda bubo lɛlɔ. Na ńtedeyi ńtalɛ nwuna ulu lɛlɔ na lɛ́ƒiɔ-nwu.

Yesaia 53:6

Bula ƒui buse na buse aani baƒonu bani náyii ulu, na ɔdi biala úti nwuna ulu úsela kesii kani na ɔɔyɔ́. Na lɛtuni lɛni na nka ɔlɛka bɔƒɔ ni, ani na Unwoti úti úte-nwu na bula lili.

Yesaia 59:13

Bɔ́ta búnye-ɔ lɛlɔ na búni bɔnii bulasiaku-ɔ kama. Ɔkɔ etemila sɔɔn néyi-bu kayi kemmo anwuɔsu na ɔkɔ ɔmmɔ kani na bɔɔnyi na bɔɔnya bula bakpana taakya.

Yesaia 64:4

Na ɔ́si bati kuuku uwi ƒui ni, ukyuli biala útenu ku nwuna kɔtu iye ɔnu ku nwuna lɛnumi ka Unwoti bamba ɔdi ɔkya aani ƒula kalɛ na uukpó teete bekyuli bani na béti bana anu ƒui básia-nwu lɛlɔ lɛni.

Yeremia 14:20

Abu ku bula bati kuuku ƒui bɔ́ƒiɔ-ɔ na ɔni na bɔ́ta búnye-ɔ lɛlɔ ɔsu.

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Yeremia 3:25

Bɔ́ta búnye-ɔ lɛlɔ aani bula bati kuuku kalɛ kani. Na bula alaekpidi eekpó-bu kɔƒa.’ ”

Yeremia 30:14

Na bina bakpana lɛnɔ báyiƒala-mii na basɔ baaadaku-mii lɛda lɛnɔ. Na ami muedi mina ɔbladu ɔ́tina ka línwini-mii ukisine. Na ka bina ekpidi ébomo na emomo ɔsu ni, ndubo-mii ulikplu bɔbla si mɔɔní-mii kɔtu.

Yeremia 44:3

ɔsika Yudaƒuɔ bákya-mi kɔnyi na ɔni na bakya baakpá baƒiɔ bani nétebunku bana bati kuuku badi kudii ɔsu.

Kɔnyana Buwulo 1:18

“Unwoti ablala ƒui ese siin. Na ami mmomu, néni na neeenu-nwu litemi. Na ɔƒaani ni, mɔɔsu-mii nnii binwini bɛnu abi ani na muubó. Béƒie-mi bakloƒu ku begblebi ƒui bátɔlɔku bésienku kaƒɔ.

Kɔnyana Buwulo 1:20

“Unwoti, elenwini alanu kalɛ na lɛla lɛmɛni liikpóku-mi? Kaƒɔ kébo-mi likpo na kayi kaakpulu-bu, ɔsika lɛ́lɛ-ɔ kama na ńtenu ƒula litemi. Bádu bekyuli na lɛblɔnu lɛlɔ ku kɔduli kemmo lɛnɔ ƒui.

Kɔnyana Buwulo 3:42

“Bɔ́bla alaekpidi bɔ́ƒiɔ, na bɔ́ta búnye-ɔ lɛlɔ, na éteti tɔ átakyiɛ-bu!

Esekiel 5:6

Nsu Yerusalemƒuɔ báta bénye-mi lɛlɔ na banii belenu-mi litemi. Béni mina ɔda bubo na bénwini alaekpidi bablane bonwu betulo kadi bamba bekyuli bani náka bámana-ma muedi.

Esekiel 6:9

na beténwini batɔntɛne bete-ma na mmɔ. Na si bábla kasusu básiku-mi lɛnɔ ni, badubo bunyimo ka bákya-mi kɔƒa na báta bénye-mi lɛlɔ na baƒiɔ bani na bákpa ɔsu. Na badubɔyɔ ka beni bana lɛlɔ na alaekpidi ani na bábla ɔsu.

Daniel 9:11

“Ukyuli biala na Israel úni ƒula ɔda bubo na atuɔkplu bɔbla kemmo na buládi-mu lɛlɔ, anwuɔsu na ewida ani na ƒula kabla ɔblane Mose únweni úse ébo-bu lɛlɔ.

Daniel 9:15

“Unwoti bula Katɔti, awɔ ɔlati ƒula kɔnu kɔni na eeti taabla ɔyikun ala na éti édie-bu ásiku Egyipteƒuɔ enu kemmo, na áya na ƒula lɛnyi lísie ɔgyu úti úbedu ɔmwi limeyi lɛmɛni lɛlɔ, nsu alaekpidi bonwu bonwu bɔbla lɛlɔ kani na bɔmu bunye.

Daniel 9:9

Unwoti Katɔti, aanu kɔnyana na eeti likpidi taakyiɛ ina ka bɔ́bla alaekpidi na bɔ́ƒiɔ-ɔ,

Hosea 1:2

Katɔti ɔ́kpali-mi na ɔ́su-mi ɔnini, “Hosea, téti uleku ɔni mɔɔsiaku banana bamba na bɛwɔ, ɔsika Israel ɔ́lɛ-mi kama aani uleku utidi.”

Malakai 3:7

ina ka bíni na bilenu-mi litemi ɔ́si bina bati kuuku uwi ƒui. Nsu si bínwini bíbo-mi kudɔ ni, ami lɛnɔ ndubunwini libo-mii kudɔ. Nsu buye na biiye bɛnini, ‘Dɛ na bɔdubɔkana na bunwini bubo-ɔ kudɔ?’

Hebriƒuɔ 3:12

Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.