Daniel 9:3 - Katɔti Ɔku Kedee

³ Na kalɛ na lɛla lɛmɛni líkpoku-mi ɔsu ni, línyimi kenye na nda ala ani mɔɔtina ka muuwulo kɔnyana. Na lɛ́yu lɛ́tɛ ntɔ akɔ, na lídie mina alaekpidi kalɔ.

Daniel 9:3 ပူးပေါင်းရင်းမြစ်များ

Samuel 2 12:16

Dawid úvele Katɔti na ubi ɔmmɔ lili. Únyimi kenye na ɔ́kalɛ lɛlɔ ɔ́kya ɔtɔ, na kalɔkplu kani na ɔɔtɛ usien biala.

Esra 10:6

Na ɔmmɔ kama ɔ́ta ɔ́lɛ bekyuli bammɔ akɔ na Kakpakɔ anumi mmɔ, na útéduo Eliasib ubidi Yohanan kaduli na ɔtɛ mmɔ uuwulo usien umodi ɔni na útadi iye útani lɛla lɛdi na kalɛ na Israelƒuɔ bekyuli beƒiedi bani nénwini bébo mmɔ bálɛ Katɔti kama ɔsu.

Esra 8:21

Amu uwi ɔni na búdu Ahawa Ketu kudɔ ni, mmɔ na líbo ɔda na ɔ́ya na búnyimi kenye kalɛ na buboku lɛlɔ kalɔ na Katɔti anumi na buvele-nwu ka ɔgyumana abu ku bula bebi ku bula ala ani ƒui na bɔdanku kalɛ na bula ulu busie bɔbla buɛɛ.

Esra 9:5

Uwi ɔni na useyi akpala bɔbla uwi údu ni, lɛ́ta na kesii kani na lɛ́yu líwi mmɔ. Nsu na mmu nkya lɛwu lɛni nábuɛ mmɔ. Na lɛ́lɛ akɔnkɔ na lɛ́talaku mina enu katɔ na lɛ́kpali Unwoti Katɔti.

Nehemia 9:1

Na limeyi aavlanyɔ-ine na kɔbuli kɔmmɔ lɛlɔ kani kemmo ni, Israelƒuɔ básala lisu na bényimi kenye, na béti adikpi adi bényimi lɛlɔ, na béti ntɔ báwɛɛ bana eli.

Ester 4:16

“Sala Yudaƒuɔ bani ƒui nkya Susa ɔma kemmo lisu, na binyimi kenye emeyi atɛ usien ku ɔƒɛ na ami ɔsu, na ɔdi utadi lɛla lɛdi. Ami ku mina beleku kabla bablane bani mɔɔnu-mi lɛlɔ lɛnɔ bɔdubɔbla lɛni kani. Na si bɔ́wɔlɔ ɔmɛni ni, ndubusie ɔga kudɔ ina ka kuƒi kuuubo lɛni. Na si kukpi na ɔdi ka likpi lɛnɔ ni, na likpi ƒaa.”

Hiob 42:6

Ɔmmɔ ɔsu na mina lɛlɔ lɛ́bɔ-mi na líbo nli ɔtumu ku ntɔ akɔ mɛni. Na mɔɔtina kalɛ na mina lɛlɔ libo kɔnyana.”

Kɔgya 35:13

Nsu uwi ɔni na ama beeƒi ni, línyimi kenye na líti kɔnyana adala lɛ́da na lɛ́kpali katɔ lívele líte-ma. Nsu mina buvele ƒui bɔ́sɔ búnwini búbo-mi lɛgba akɔ.

Yesaia 22:12

Uwi ɔmmɔ ni, Unwoti Katɔti Ɔyikune Ƒui ɔ́lɔ-mii ɔnii biwulo keku ku kɔnyana geen, na bikpeyi bina eli na biti adikpi binyimi,

Yeremia 33:3

Ala ani na aaagyi ƒui ku ani kalɔ na alakana bɔwia bɔti ni, ye-mi na lɛsu-ɔ nya.

Esekiel 36:37

“ ‘Ndubɔsɔ linu-mii bɔkpali ɔƒaamu na lɛbla lɛla lɛni na bɛdubuvele-mi lite-mii na bina kadi bekyuli basɔ bemomo aani baƒonu lisu bonwu kalɛ.

Daniel 6:10

Daniel únu ɔda bubo bɔni na bényimi, nsu ka úsie kaduli ɔ́kɔ úsie ɔtɔ ɔtɔdi kemmo ni, úténye ƒansili ɔni néti anumi ɔ́tina Yerusalem na ɔ́lɛ akɔnkɔ ɔ́kpali Katɔti kalɛ kani na ɔɔyɔ́ bɔbla limeyi ndi limeyi, ɔsika kɔtɛ na ɔɔkpali Katɔti limeyi biala kemmo taagya-nwu enu.

Daniel 9:2

Na nwuna lɛga bɔdi lɛkwa lideedi kemmo ni, líbo ḿbanu lɛ́ti na kenye bediene ala ani na bénweni bése bɔka kemmo ka Unwoti ɔ́su Kenye Udiene Yeremia úse ɔnini, “Bekisine badubo Yerusalem bɔbwɛ na ɔsɔ uwi ukpludi akwa liti ku aavlanyɔ.”

Daniel 9:20

Mmu nnye muudie mina alaekpidi kalɔ ku Israel adi ƒui teete Unwoti Katɔti, na muuvele kalɛ na lɛla biala lɛtɛ lite Yerusalem,

Daniel 9:4

Na lɛ́kpali Unwoti mina Katɔti kpakplaa geen lɛ́su nnini, “Bula Unwoti, adi Katɔti ɔni na ébomo na ƒula lɛlɔ libo liƒu geen. Na bekyuli bani na baayɔ́-ɔ na beenú ƒula litemi ni, alalɛ ƒula linyese lɛni na ényimiku-ma kama kudii.

Yoel 1:13

Biti adikpi bɛda bɛtina ka biiwulo kɔnyana na biteewulo, amii bakpane bani ndi Unwoti kenye benyene na bɛɛbla-nwu kabla na lɛkpabi lɛlɔ. Bɛtɛ adikpi ammɔ kemmo usien umodi amii bani muunye-nwu anumi taabla-nwu kabla, ɔsika etela lidu ku ntɛ etela ammɔ ƒui kenye kékulo na Unwoti kaduli.

Yoel 2:12

Unwoti ɔnini, “Útakpɛ tɔ kama útavili. Bɛkana na binwini bibo-mi kudɔ ku bina kayi ƒui. Bise keku kalɔ ku buwulo ku kɔnyana! Na binyimi kenye.

Yona 3:5

Niniweƒuɔ ƒui báƒɔ litemi lɛmɛni bádi. Ɔmɛni ɔsu bábla kasusu ka ɔ́si benengu útálɛ banamu ƒui ni, badubunyimi kenye na bényimi adikpi beti batina ka bana ekpidi éduo-ma.

Mateo 17:21

Nsu amu ntu aakpali katɔ na elie kɔka asa na adubɔkana na abɔku kɔyu kukpidi kɔmɛni udu alɛku.”

Batalane Kabla 10:30

Na ɔmɛni ɔsu ni, Kornelio ɔ́su-nwu ɔnini, “Ɔbla emeyi ene mɛni aani uwi ɔmɛni kemmo ka nkya mɔɔkpali katɔ ɔƒiiwi aani kalɛ na mɔɔyɔ́ bɔbla uwi ndi uwi. Na kɔnakunwi ni, ɔnana ɔdi ɔ́si úbenye-mi anumi, na ɔkya awu ɔni muukeye na ɔɔtu anumi!