Daniel 9:26 - Katɔti Ɔku Kedee

²⁶ Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Daniel 9:26 ပူးပေါင်းရင်းမြစ်များ

Samuel 2 21:5

Bédie kenye banini, “Ukyuli ɔni náyɔ ka ɔyila-bu udu ka abu bɔsɔ butakɛ keliekɔ kadi na Israel kalɔ lɛlɔ kesii biala ɔsu na ɔsiaku-bu uukpóku-bu ulu biala lɛlɔ ni,

Kɔgya 22:15

Mina ɔyikun ɔ́sa aani libui lɛni nábwɛ kɔkɛ kɔkɛ. Na mina unyemi ɔ́du ɔ́ma-mi kenye kemmo. Na áya na bébi-mi kukpi ɔtumu.

Yesaia 28:2

Bɛnu, Unwoti ɔdanku ukyuli ɔni na úbomo, na ubo ɔyikun ku ɔlɔkplu, aani etubankɛ ku ɔnantu ku ɔƒɛƒɛɛ kpakplaa ɔni muubile ala, na ɔdubo ubetiku-ma ku kɔnyi.

Yesaia 28:22

Anwuɔsu bɛda bina edumi ku lɛma bɛya si ɔɔɔdi lɛni ni, bina lɛbuli lɛni nényimi-mii lɛdubo bɔbi bubu, ɔsika línu kadi ƒui Unwoti Katɔti lɛla lɛni na únyimi úse ɔ́si kalɛ na ɔdubɔkyula kalɔ kana ƒui lɛlɔ.

Yesaia 53:8

Bákya-nwu kɔƒa na útakɛ ukyuli ɔni náƒɔ-nwu kenye. Údie kaba kadi? Bi na ɔ́bla úse asa baadú-nwu na kayawi kamɛni kemmo? Alaekpidi ani na mina bekyuli bábla ɔsu na bádu-nwu lɛni.

Yesaia 8:7

Ami bana Unwoti Katɔti ndubɔya na Asiria ɔga ku nwuna bekpone balɛ na bana limomo ku ɔyikun kemmo bebo aani Euƒrate Ketu kani néyi ku atu, na kagbala-ma kavia utubli ɔmmɔ lɛlɔ ƒui.

Yeremia 46:7

“Kadi kamani bekyuli nákɔ badubo mɛni lɛni aani kalɛ na Nil Ketu keeyi taavia nwuna utubili?

Yeremia 51:42

Na Babilonƒuɔ bekisine badubo bɔta aani ɛpu avlɔvɔ na baƒɔ ɔma unengudi ɔmmɔ kemmo ƒui.

Daniel 11:10

Ɔga ɔni mɔɔdi lɛlɔ na katɔ kakɛ bebi badubo bɔta ku bekpone lisu bonwu bani ndubo bɔta ku ogya aani kalɛ na ketu keeyi taagbala ala ku kɔku bonwu beti betédu kesii kani na lɛlɔ ɔdine ɔmmɔ kɔgyumanakɔ kpakplaa kunye.

Daniel 11:17

Na geen ni, ɔdubo ugyii bɔlɛ ka ɔdubuti nwuna bekpone bammɔ ƒui usienku na utékpo ɔdi kada kakɛ bekyuli bammɔ lɛlɔ. Na ɔdubɔwia kuƒi ka ɔya na babla unwi kalɛ na keyi buɛɛ kebo-ma ntɛ na uleku ɔni na ɔdubɔkali ka úti úte ɔga ɔmmɔ na uti ɔsu, nsu ɔmmɔ ulatɛ.

Daniel 11:22

Na ɔdubo bekpone lɛlɔ bɔdi na ɔda Katɔti ɔkpane unengudi ɔƒunadi muedi udie nwuna kenyekɔ.

Daniel 11:36

“Ɔga ɔmmɔ ni, lɛla lɛni mɔɔyɔ́-nwu kaƒɔ na ɔdubo butaabla. Na ɔdubo lɛlɔ katɔ bɔtalaku na ɔtina ka ubo kenyekɔ utulo baƒiɔ ƒui. Na ɔdubo Katɔti ɔlati buteedumi. Na geen ni, lɛla biala lɛdubo bɔsia kalɛ na ɔɔwia wetédu uwi ɔni na kɔnyi kɔni na Katɔti úti ɔ́kya anwu ɔlati ku nwuna bekyuli kɔ́yɔ-nwu.

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Hosea 1:9

Na Unwoti ɔ́su-mi ɔnini, “Sia-nwu lɛnyi anii Lo-Ammi, na nwuna kalɔ ndi bɛɛɛdi mina badi, ɔsika bekyuli bamɛni baaadi mina badi na ami lɛnɔ lɛɛɛdi bana Katɔti.

Amos 8:8

Ndubo bɔya na kayawi kemodi kammɔ katɔ kpakpaakpa na bekyuli bani mebu melie-ka kemmo bewulo kɔnyana na bataata teebo aani kalɛ na Nil Ketu keeƒuƒuo taakɔ taasɔ taayu.

Amos 9:5

Unwoti Katɔti Ɔyikune Ƒui ndi anwu ɔni na si útuku kalɔ kammɔ ni, kaayɛɛlɛ, na bekyuli bani na beli-ka kemmo ƒui beewulo kɔnyana. Na kalɔ kammɔ kaata taawɔ aani kalɛ na Nil Ketu keeƒuƒuo taakɔ taayu.

Nahum 1:8

Nsu nwuna bekisine ama ni, ɔɔbɔku-ma taatákya kasuudikɔ aani kalɛ na ketu kani néyi kaagbála ala ku kɔku momoomo taatɔlɔku, na ɔyila-ma udu.

Mateo 22:2

“Katɔti lɛga bɔdi buse aani ɔmɛni. Uwi ɔdi ni, ɔga ɔdi ɔ́di uleku buti limeyi lɛdi úte ubidi.

Mateo 22:7

Ɔga ɔmmɔ ɔ́kɛ kɔnyi geen, na ɔ́tala nwuna bekpone na bátádu bekyuli badune bammɔ ƒui na bákyula bana ɔma.

Mateo 23:38

Ɔmɛni ɔsu ni, Katɔti ɔdubudie ɔma ɔmɛni atu na ɔyii udu.

Mateo 24:2

Na ɔ́su-ma ɔnini, “Bɛsia-ni anumi kaduɛ. Ɔsika mɔɔsu-mii nnii badubɔƒɛ lɛtɔ lɛmɛni ƒui, ɔni na lɛtabi lɛdi lilébu lilasia lɛkpanadi lɛlɔ muedi. Badubugyingya ana ƒui bewi kalɔ.”

Marko 13:2

Yesu ɔ́su-nwu ɔnini, “Nu lɛtɔ libendi lɛmɛni kaduɛ, ɔsika atabi ani béti bátu-ni kemmo linwi pɛ lilébu lilasia lɛdi lɛlɔ! Lɛtɔ lɛmɛni ƒui lɛdubɔƒɛ na atabi ammɔ ƒui adubugyingya ewi kalɔ.”

Marko 13:7

Na utabla-mii kalɛ kadi si biinú kekpo kɔku na bina kudɔ iye na ɔgyu kakaaka. Ɔlɛka ala amɛni udu ebo. Nsu ulátina ka kayawi kawɔlɔkɔ nédu.

Marko 9:12

Yesu ɔ́su-ma ɔnii, “Sɔsɔ na básu. Elia na ɔlɛka ɔka bubo kalɛ na wabaklibi lɛla biala wese. Nsu Bunweni Kedee Ɔku lɛnɔ ɔ́su ka Ukyuli Ɔyawine Ubi ɔdububo abi pii na badubudumi-nwu. Dɛ bɛɛkali ka ɔmɛni lɛnɔ kalɔ kaatina?

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Luka 21:6

“Ala ani ƒui na bɛɛnu mɛni ni, uwi ɔdi ɔdubo ɔni na lɛtabi lɛdi lɛsɔ lɛɛɛdubo buse nina keliekɔ. Mmomu bekyuli badubo ɔdi biala bugyingya búwi kalɔ.”

Luka 24:26

Bɛɛɛgyi bɛnii ɔlɛka Ukyuli Ɔƒunadi ɔmmɔ ubo abi amɛni udu asa na uduo nwuna lɛga bɔdi bukeye kemmo?”

Luka 24:46

Na ɔ́su-ma ɔnini, “Lɛni na bénweni banii Ukyuli Ɔƒunadi ɔmmɔ ɔdububo abi na ɔdubɔta ɔlɛ bekpine akɔ limeyi lɛtɛdi lɛlɔ.

Yohane 14:30

Nsɔ naaakana-mii bɔtɛmiku gyɔlɔɔ. Ɔsika ukyuli ɔni mɔɔdi kayawi kamɛni lɛlɔ ni, ɔ́si ɔdubo. Na uuubo ɔyikun ɔdi na mina lɛlɔ.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Petro 1 2:21

Na ɔmɛni na Katɔti ɔ́lɔ-mii ɔnii bibabla. Ɔsika Kristo ɔlati úbo abi na bina lili na ɔ́tina-mii ɔnii bɛsia nwuna kasiakɔ.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.