Daniel 9:25 - Katɔti Ɔku Kedee

²⁵ “Na ɔlɛka anu ati ka uwi ɔni na bébo ɔda ka basɔku Yerusalem batu úti útédu uwi ɔni na Ukyuli Ɔƒunadi ɔmmɔ webo ni, ɔdubɔbla akwa maatɛ ku liti ku leevu-inyɔ akpa maatɛ. Badubo lɛblɔnu budie bɔvinku Yerusalem ɔma ɔmmɔ kemmo, na babla kenyekɔ kani na benye bagyumana ɔma ɔmmɔ bamana-nwu, nsu uwi ɔmmɔ ɔdubɔbla uwi kpakplaa geen.

Daniel 9:25 ပူးပေါင်းရင်းမြစ်များ

Samuel 2 15:25

Ɔmmɔ kama Ɔga Dawid ɔ́su Sadok ɔnini, “Bɛsɔku Katɔti Adaka ɔmmɔ bisienku Yerusalem ɔma ɔmmɔ kemmo. Na si mina ala áyɔ Katɔti kaƒɔ na ɔ́nu-mi ku lɛƒɔndia ni, ɔdubɔsɔku-mi uboku na mbanu Bunyimi Adaka ɔmmɔ ku kesii kani na beesé-nwu lɛnɔ.

Esra 4:24

Ɔmmɔ ɔsu Katɔti kaduli bɔtu na Yerusalem údi únye útédu lɛkwa linyɔdi lɛni lɛlɔ na Ɔga Dario ulie liboku lɛlɔ.

Esra 7:1

Na ala amɛni kama ni, uwi ɔni na Ɔga Artasasta ɔɔdi lɛga na Persia ni, okloƒu ɔdi ɔkya na baalɔ banii Esra. Na nwuna ɔti ndi Seraia ɔni ɔti ndi Asaria ɔni ɔti ndi Hilkia

Esra 7:8

Na Esra úduo Yerusalem na kɔbuli kɔlɔndi na ɔga ɔmmɔ lɛga bɔdi lɛkwa maatɛdi kemmo.

Nehemia 3:1

Na ɔkpane unengudi ɔni baalɔ Eliasib ku nwuna bakpane bésie na bátátu kayakun kani baalɔ Baƒonu Kayakun, na bálɛmi-nwu kenye na béti bákya Unwoti enu kemmo. Na bátu katu taasia gyɔlɔɔ eti anyɔ na béti bákya Unwoti enu kemmo. Na bátu bétédu Hananel katu taasia gyɔlɔɔ lɛlɔ.

Nehemia 4:2

Na ka unye nwuna bakpana ku Samariaƒuɔ bavinkpana anumi ni, úye lɛlɔ ɔnini, “Bi na Yudaƒuɔ bani lɛlɔ mɔɔdu kɔnyana mɛni baayɔ́ babla? Baayɔ́ ka basɔku Yerusalem awodu batu yoo?” Na ɔ́sɔ úye ɔnini, “Baabu ka si babla akpala adi bakana beti limeyi linwi pɛ babla kabla kammɔ yoo? Na bakali ka badubɔkɛ atabi ani baatu ɔtɔ basiku atabi ani alɛ esu esu na bákyula-nya kemmo?”

Nehemia 4:8

Ɔmmɔ ɔsu bekyuli bamɛni béti kasusu kekpidi básala ka batákya-ku bekyuli bammɔ unyeƒi na bekpoku-ma na Yerusalem.

Nehemia 6:15

Na bátu awodu ammɔ báwɔlɔ na kɔbuli limeyi aavlanyɔ-ɛlɔ lɛlɔ. Na emeyi liti ku inyɔ na béti bátu-nya.

Kɔgya 71:10

Ɔsika mina lɛlɔ litemi kani na mina bekisine bada uwi ndi uwi. Na baasa lili na mina lɛlɔ ka badu-mi.

Etemila 3:3

Uwi ɔni baadú lɛla lɛdi ɔkya, na uwi ɔni na baabwi lɛnɔ ɔkya. Na uwi ɔni na baabwɛ lɛnɔ ɔkya, na uwi ɔni na baatú lɛnɔ ɔkya.

Yesaia 55:4

Lɛ́bla-nwu na ɔdi kadi bekyuli ƒui ɔtɔnkune na anwu nádi mina kenye udiene úte-ma.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Daniel 8:11

Úwi kayaa bekpone bammɔ anumi kalɔ, na údie ɔbu ƒui na bana ɔtɔnkune ɔgabi ɔmmɔ lɛlɔ, na úwi-nwu anumi kalɔ na uwi ɔni na útile-nwu kuƒi na nwuna limeyi ndi limeyi akpala bɔbla lɛlɔ. Na geen ni, lɛla lɛmɛni kanukɔ kátadia bɔnu munu munu. Na úbile kakpakɔ kammɔ ekisila ƒui, na kásɔ kátamanku ka bataabla lɛkpa geen lɛmmɔ, na ɔ́kɛ kuƒi na ɔ́bla lɛla biala na ɔɔyɔ́ na mmɔ.

Daniel 8:25

Na ɔkɔ ɔni na ɔdubo butaanyi taatɔlɔ bekyuli ɔdubɔya na ɔdi lɛlɔ na ɔƒɔ lɛnyi geen. Ɔdubo bekyuli pii bɔdu kɔnakunwi na ukpoku Katɔti kayawi ƒui lɛlɔ ɔdine utulone ƒui. Nsu Katɔti ɔdubo-nwu lɛlɔ bɔdi na ususu-nwu ɔbla kpɛtɛ kpɛtɛ.

Daniel 9:23

Katɔti uuti-ɔ lɛlɔ kasusu geen, anwuɔsu uwi ɔni kani na ése kalɔ aakpali-nwu kani na ɔ́tala-mi ka libo mbedie ala ammɔ kalɔ lite-ɔ.

Mika 5:1

Yerusalemƒuɔ, bekpone bekisine báka bámana-a na báƒiɛmi Israel ɔtɔnkune ugyii anumi.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Mateo 13:23

Na edula ani néwi kalɔ kabuni ndi bekyuli bani muunú litemi lɛmmɔ na beenú-ni kalɔ. Na ebi adi aanwu eti anyɔ, adi liti ku leevu, na adi lɛnɔ avlaatɛ.”

Mateo 24:15

“Na bɛdubɔnu lɛla lɛni na Katɔti uukisi na liisé lɛlɔ ka unye nwuna likpo kedee kalɛ na Katɔti Kenye Udiene Daniel únweni úse. Na amii bani mɔɔká ɔku ɔmmɔ ni, biduo-nwu kemmo kaduɛ na binu-nwu kalɔ.

Marko 13:14

“Na mɛni ni, bise atu kaduɛ na binu kalɔ. Si bɛ́nu ala ani udu na Katɔti ukisi ka álɛ na nwuna kakpakɔ kedee ni, bekyuli bani nkya Yuda bekeli besie batábɛ na abi lɛlɔ.

Yohane 1:41

Lɛla lideedi lɛni na Andrea ɔ́bla ndi ka úsie útáwia ɔnwani Simon na ɔ́su-nwu ɔnini, “Abu bɔ́nu Mesia ɔmmɔ,” iye Kristo. Na anyi ammɔ kalɔ budie ndi Ukyuli Ɔƒunadi.

Yohane 4:25

Amu na uleku ɔmmɔ ɔ́su Yesu ɔnini, “Ngyi ka Ukyuli Ɔƒunadi ɔni baalɔ Kristo ɔdubo. Na si úbo ni, ɔdubo lɛla biala kalɔ budie bute-bu.”

Batalane Kabla 3:15

Amii bɛ́ya na bádu ukyuli ɔni muute bekyuli ngba. Nsu Unwoti ɔ́sɔ ɔ́gyila-nwu ɔ́lɛku bekpine akɔ! Na abu alati bɔ́nu-nwu ku bula anumi!

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Batalane Kabla 8:30

Ƒilipo úkeli úsie-nwu kudɔ na uunú ka unengu ɔmmɔ ɔɔká Yesaia ɔku. Amu na úye-nwu ɔnini, “Eenú lɛla lɛni na aaká mɛni kalɔ?”

Eƒesoƒuɔ 5:16

Bɛda bina lɛlɔ kaduɛ, ɔsika likyulikpi ala bɔbla bɔ́ƒɔ uwi ɔni kemmo bɔkya mɛni.

Budie Taatina 1:5

Na Yesu Kristo ndi anwu ɔni muudie lɛla lɛdi biala kenye ulu lɛlɔ. Ɔdi ukyuli udeedi ɔni na Katɔti ɔ́gyila ɔ́lɛku bekpine akɔ na ɔsɔ ulekpi kudii. Yesu ɔmɛni mɔɔdi kayawi baga ƒui lɛlɔ. Na ɔɔyɔ́-bu. Na úti nwuna ubugya ɔ́kpa na bula lili, na ɔ́ƒɔ-bu ɔ́lɛku bula ekpidi kemmo.

Budie Taatina 19:16

Na bénweni lɛnyi lɛdi básia nwuna awu lɛlɔ ku nwuna libuili kakɛ banii BAGA ƑUI ƆGA KU BATI ƑUI ƆTI