Daniel 9:24 - Katɔti Ɔku Kedee

²⁴ Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Daniel 9:24 ပူးပေါင်းရင်းမြစ်များ

Ala Alɛdi 2 29:24

Ɔmmɔ kama bakpane bammɔ bádu bese bammɔ na béti bana ubugya bákuna béwi lɛkpabi lɛmmɔ lɛlɔ aani ekpidi lili buvele akpala na Israelƒuɔ ƒui lili.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Kɔgya 45:7

Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

Yesaia 42:4

Ulayila nwuna lɛnunsia, na enu lɛnɔ alaƒɛ-nwu úti útédu uwi ɔni na ɔ́ya na ala bɔbla ulu lɛlɔ siin bɔ́ƒɔ kalɔ ƒui lɛlɔ. Na kadi bamba kɔlɔ bekyuli ƒui báƒɔ nwuna ala ani na ɔɔtina.

Yesaia 51:6

Bɛkɔliku anumi katɔ na bɛnu kayaa, na binwini bɛnu kalɔ lɛnɔ. Kayaa kammɔ kadubɔyii kakya aani kalɛ na uyɔ ɔɔyii taakya, na kalɔ lɛnɔ kayii udu aani kalɛ na kɔdi kɔɔtɔ taayii udu. Na ukyuli biala na kayawi kammɔ kemmo ɔdubukpi aani balɔlɔ. Nsu mina ngba bɔƒɔ bulebo kawɔlɔkɔ kudii na mina ala bɔbla siin lɛnɔ bulayii udu.

Yesaia 51:8

Badubo udu bɔyii aani kalɛ na kubweyi kɔɔkun adala teebile. Nsu mina ngba bɔƒɔ ku ala bɔbla ulu lɛlɔ siin ute bekyuli ƒui bulebo kawɔlɔkɔ kudii.”

Yesaia 56:1

“Bɛbla ala bɛsiaku ulu geen ɔmmɔ lɛlɔ, ɔsika ndubo uwi klukwii mbaƒɔ-mii ngba. Na bekyuli ƒui badubɔnu mina ɔyikun ɔni na mbo na lɛƒɔ ukyuli ngba na kalɔ kamɛni lɛlɔ kesi kesii.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Kɔnyana Buwulo 4:22

Sion kadi bekyuli báaƒɔ bana ekpidi ani na bábla kayu, na badubo bɔsɔ bunwini buteesie bana ɔma. Nsu amii Edomƒuɔ ni, Unwoti ɔdubo-mii kɔtu bɔni na udie bina alaekpidi keyi.

Esekiel 28:12

“Esekiel, ɔyawine ubi, die ɔkwanu te Tiro ɔga na asu-nwu anii ami nnini, ‘Na uwi ɔdi návi kemmo ni, na adia geen áwɔlɔ na ebo kasusu geen na aadia bɔnu lɛnɔ.

Esekiel 4:6

“Na atu enwini na atɛ kɔdianu ɔƒɛnyi lɛnɔ emeyi 40 na ɔmmɔ lɛnɔ ɔtina kalɛ na Yuda ɔdubo abi bubo limeyi linwi biala lɛkwa linwi.

Lewiƒuɔ Ɔda Bubo 25:8

“ ‘Ka bɔnwuna akwa ammɔ maatɛ akpa maatɛ na bɔnwuna lɛkwa maatɛdi na bɔka bɔmmɔ kemmo ɔdubɔbla akwa aavlene-yaalenwi.

Lewiƒuɔ Ɔda Bubo 8:15

Ɔmmɔ kama Mose ɔ́du ebuo ɔmmɔ, na úti lɛnimi ɔ́kya ubugya ɔmmɔ kemmo na úti úsusu bebuo ese ani ƒui nlɛ lɛkpabi lɛmmɔ lɛlɔ na ɔ́bla lɛkpabi lɛmmɔ sɛɛn. Na úti ubugya ɔkladi úwi lɛkpabi lɛmmɔ kalɔ na ɔ́bla lɛkpabi lɛmmɔ kedee na lise sɛsɛɛ úte Unwoti kalɛ na udie kɔtu bɔni biala nina lɛlɔ.

Sakaria 4:14

Amu na ɔ́su-mi ɔnini, “Kɔgba kɔmɛni kunye kute batɔnkune inyɔ bani na béwi-ma lili nnɔmii na báƒuna-ma mmɔ na benye bayawine ƒui Unwoti kudɔ.”

Bumomo Bɔka 14:34

“ ‘Na ndubɔya biti akwa aavlene sɔɔn bibo abi na emeyi aavlene ani na bíti bítávi kalɔ kammɔ kemmo kenye na bina ekpidi ɔsu, na bɛnu bɛti kalɛ na use si ami Unwoti lɛ́kɛ ku bekyuli kɔnyi.’

Mateo 1:21

Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Mateo 11:13

Na Mose ɔda bubo ku Katɔti kenye bediene básu Katɔti litemi úbalɛ Yohane uwi lɛlɔ.

Mateo 4:5

Amu na ukisine ɔmmɔ ɔ́kpanku Yesu úsienku Yudaƒuɔ ɔma unengudi kemmo. Na úti-nwu útényene Yudaƒuɔ kakpakɔ likpo lɛni nákuku lítulo ƒui.

Marko 1:24

“Yesu Nasareni, bi na aawia asiku bula kudɔ? Bubo na ébo anii abakyula-bu? Ngyi ukyuli ɔni na adi. Awɔ ndi Katɔti Ɔtalane Kedee!”

Luka 1:35

Mmɔ na ɔtu ɔmmɔ údie kenye ɔnini, “Ɔyikune Ƒui ɔmmɔ Kɔyu kɔdubo-ɔ lɛlɔ na nwuna ɔyikun ɔƒɔ-ɔ lɛlɔ kemmo. Anwuɔsu ubi kedee ɔni na adubo bɔwɔ ni, badubɔlɔ-nwu banii Katɔti Ubidi.

Luka 21:22

Ɔsika uwi ɔmmɔ kemmo ndi kɔtu bɔni emeyi ani nálɛ ka ebo aani kalɛ na Bunweni Kedee Ɔku kemmo etemila átina kalɛ.

Yohane 1:41

Lɛla lideedi lɛni na Andrea ɔ́bla ndi ka úsie útáwia ɔnwani Simon na ɔ́su-nwu ɔnini, “Abu bɔ́nu Mesia ɔmmɔ,” iye Kristo. Na anyi ammɔ kalɔ budie ndi Ukyuli Ɔƒunadi.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Batalane Kabla 3:14

Bíni ukyuli ɔbuni mmomu, na bɛ́tuna bɛnii ɔnyonu bekyuli ɔdune na ukyuli ɔbuni ɔmmɔ kenye.

Batalane Kabla 3:22

Ɔsika Mose ɔ́su ɔnini, ‘Bina Unwoti Katɔti ɔdubudie kenye udiene ɔdi ɔlɛku bina akɔ aani ami kalɛ. Anwuɔsu binu litemi biala lɛni na wasu-mii.

Batalane Kabla 4:26

Kayawi baga bábla unwi na benye beekpóku awɔ ku ƒula Ukyuli Ɔƒunadi.’

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Ƒilipiƒuɔ 3:9

Na mɔɔwia ka liti mina lɛlɔ ƒui lite-nwu. Ɔmɛni ɔdubɔtina ka mina siin bɔbla útasi ami ɔlati kudɔ aani bɔni udu na bekyuli baakali ka baakɛ́ ɔkɛnku ɔda bubo lɛlɔ bɔdi kemmo, mmomu bɔkɛnku Kristo bɔƒɔtaadi kemmo. Na siin bɔbla bɔmɛni nási Katɔti kudɔ na bɔdanku bɔƒɔtaadi.

Koloseƒuɔ 1:20

Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.

Koloseƒuɔ 2:14

Katɔti úkulo lɛla biala nétile-bu ulu na lɛ́bala-bu na bula ngba bulie ablala kemmo ƒui na ɔda bubo bɔmmɔ etemila kenye údie-bu lɛlɔ kede kede. Na úti-nya ɔ́kana ɔ́mana ugyii lɛlɔ ku Kristo.

Hebriƒuɔ 10:14

Ɔsika ɔkɛnku kunwi kɔni na úti lɛlɔ ɔ́kpa mmɔ ɔsu ni, ɔ́wɔlɔ nwuna kabla úte bekyuli uwi ƒui kalɛ na babla kedee.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Hebriƒuɔ 9:26

Si lɛni na use ni, ɔlɛka nka Yesu ɔsɔ ubebo abi ɔsia kama kɔlɛ kɔlɛ ɔ́si kayawi kalɔ kesekɔ ƒui. Nsu kalɛ na use ni, kunwi pɛ kani na úbo kayawi kamɛni kemmo úbedie-bu na ekpidi ƒui kemmo ku nwuna ubugya ɔni na úti ɔ́kpa na bula lili. Na ɔdanku uwi ƒui utédu kayawi kawɔlɔkɔ.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Budie Taatina 14:6

Ɔmmɔ kama lɛ́nu Katɔti ɔtu ɔbambadi ɔdi ka úveyi ɔɔví kayaa katɔ katɔ ku litemi buni lɛni nse nte uwi biala. Litemi lɛmmɔ lɛsa na úbo úbakɔ ute bekyuli bani nlie kayawi kamɛni lɛlɔ. Na ama ndi kalɔ biala lɛlɔ bekyuli ku kaba biala ku adi ƒui batɛmine ku bekyuli lidu ƒui.

Budie Taatina 3:7

Ɔmmɔ kama ni, ɔ́su-mi ɔnini, “Nweni te Ƒiladelƒia baƒɔtaadine lɛkpa ɔtu anii, “Lɛni na anwu ɔni nse kedee na nwuna litemi lɛdi litemi geen ɔɔsu. Anwu nda Ɔga Dawid ɔyikun ɔni na si ɔ́lɛmi kayakun kadi ni, ɔdi ɔsɔ ulakana-ka bɔkalɛ. Na si ɔ́kalɛ-ka ni, ɔdi ulakana-ka bɔlɛmi.