Daniel 9:20 - Katɔti Ɔku Kedee

²⁰ Mmu nnye muudie mina alaekpidi kalɔ ku Israel adi ƒui teete Unwoti Katɔti, na muuvele kalɛ na lɛla biala lɛtɛ lite Yerusalem,

Daniel 9:20 ပူးပေါင်းရင်းမြစ်များ

Esra 10:1

Uwi ɔni Esra ɔkya uubó lɛlɔ taava kalɔ na uuwulo taakpali Katɔti na uudie bana alaekpidi kalɔ teevele buti taakyiɛ na Katɔti kaduli ni, bekyuli lisu pii bábaka bámana-nwu na badi beleku ku banana ku banamu na ama lɛnɔ bakya beewulo momoomo.

Nehemia 1:6

Anwuɔsu buvele nda-a, se atu na ebimi anumi, na enu ami ƒula kabla ɔblane bɔkpali bɔni na mɔɔkpali-ɔ usien ku ɔƒɛ na ƒula kadi bekyuli Israelƒuɔ lili. Unwoti buvele muudie alaekpidi ani na ami ku mina kaduli bekyuli ku Israelƒuɔ ƒui bɔ́bla kalɔ ka eti-nya kyiɛ-bu.

Kɔgya 145:18

Unwoti ude bekyuli bani mɔɔkpali-nwu ulu lɛlɔ ku ɔbu geen.

Kɔgya 32:5

Amu na lɛ́nu mina alaekpidi lɛ́ti na lɛ́su nnini, “Ndubudie mina bɔƒiɔ ƒui kalɔ lite awɔ Unwoti.” Lídie-nya kalɔ líte-ɔ sɔsɔ na nteti ɔdi ntabɛla-a. Anwuɔsu awɔ lɛnɔ ti kyiɛ-mi.

Etemila 7:20

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Yesaia 56:7

Na ndubo-ma bɔkpanku buboku mina kɔbi kedee lɛlɔ na badubɔkɛ lɛlɔyɔ na mina kaduli kani kemmo na baakpali-mi kemmo. Na bana etela ku akpala ani na badubuti beboku-mi na mina lɛkpabi lɛlɔ adubɔƒɔ-mi anu. Badubɔlɔ mina kesii banii kaduli kani kemmo na bayawine ƒui baakpali katɔ.”

Yesaia 58:9

Na si bɛ́kpali Unwoti ni, ɔdubɔtuna ute-mii kɔnakunwi ɔnini, ‘Bɛɛnu-mi nnye-mii kudɔ mɛni!’ “Bitabla bina bakpana kalala na bitanyi ɔkɔ na bɛdu-ma kɔtɔ iye bɛda litemi bɛsia-ma lɛlɔ lɛnɔ.

Yesaia 6:5

Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”

Yesaia 65:24

Ndubute-ma lɛla lɛni baawia asa na bakpali-mi muedi nsu si baakpali lɛnɔ ni, ndubunu lɛla lɛni na beevele-mi.

Daniel 10:12

Na Katɔti ɔtu ɔmmɔ ɔnini, “Daniel, tayia! Katɔti únu ƒula bɔkpali ɔ́si limeyi lideedi lɛni lɛlɔ na évele-nwu ka enu ala kalɔ, anwuɔsu na ɔ́tala-mi mɛni.

Daniel 10:2

Kwasida ɛtɛ sɔɔn kemmo na ami Daniel nkya kɔnyana buwulo kemmo.

Daniel 11:45

Na ɔmmɔ kama ni, ɔdubɔbla keliekɔ na Ɛpu Ubendi ku Sion Kɔbi ntɛ. Nsu kawɔlɔkɔ ni, badubo-nwu udu bɔyila na ukyuli biala ulakana-nwu bɔƒɔ.”

Daniel 9:16

Uwi ɔni návi kemmo ni, ábla-bu lɛƒɔndia geen lɛni náya na bɔɔnu taati na buuvele-ɔ ɔmwi ka ada kɔnyi kpakplaa kɔni na éti ákya Yerusalem mɛni buti taakya-bu aya. Ɔsika ina bi na abu ku bula bati kuuku bɔ́bla na bula anumi éwi kalɔ na kadi ƒui anumi muedi ni, ƒula ɔma ɔni na áƒuna na áya na bátu-nwu bálɛ ƒula kɔbi kedee lili lɛnɔ na ɔdi.

Sakaria 8:3

“Ndubɔsɔ linwini lisie Yerusalem na ntélie Sion Kɔbi kedee lɛlɔ. Na bekyuli ƒui badubɔnu Yerusalem bati aani mina ɔma ɔni nsiaku-mi kama siin. Na basu ka Sion ndi mina kɔbi kedee.

Batalane Kabla 4:31

Ka bévele Unwoti ɔmɛni báwɔlɔ ni, ɔtɔ ɔni kemmo na bakya mmɔ ɔ́kunku na Katɔti Kɔyu kɔ́ƒɔ bana ƒui lɛlɔ kemmo, na bése kalɔ baasu litemi buni lɛmɛni ku kayi buse.

Romaƒuɔ 3:23

Bekyuli ƒui bábla likpidi, na bátamanku ka bakɛ Katɔti lɛgadi bukeye.

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.

Budie Taatina 21:10

Na útiku-mi na kɔyu kemmo ɔ́tɔlɔku úsienku kɔbi bonwu kɔni nákuku lili. Na ɔ́tina-mi Yerusalem ɔma unengudi kedee ɔni náyu ɔ́si Katɔti kudɔ na kayaa ɔdubo.

Budie Taatina 21:2

Na lɛ́nu ɔma kedee ɔni ndi Yerusalem ɔwɔdi ka ɔ́yu ɔ́si Katɔti kudɔ na kayaa ɔdubo. Na báklibi-nwu aani kalɛ na baaklibi uleku ɔni béti beete ɔgyani.